السلام عليكم ورحمة الله وبركاته
مسيتم بالخير جميعا
نظرا لقيام الاخت روح حايل سلم الله كشرتها
بتوزيع اوسمة لجميع المستحقين من ذوي الحاجة
تقرر انشاء هذه الشركة
هالسالفة واقعية و حقيقية و ليست من نسج الخيال او اساطير تريترا
جانا هالسنة شايبن ليلة يوم النحر و حنا بالحج
و يوم اصبح الصبح و هو يحط اغراضه عندنا (جواله - بوكوه - اغراضوه )
و راح لجل يرمي جمرة العقبة و يتحلل من احراموه
المهم وهو طالع من عندنا شاف لوه لوحة مكتوبن عليه (شركة مروعي 98)
فقال الشايب دليلة محلهم هاللوحة
و راح هالشايب
و اغراضوه عندنا طبعا
المهم و تحريناه و لا جاء
و امسينا و لا جاء
و تغدينا و لا جاء
و تارغنا ولا جاء
و صلينا العصر و لا جاء
و صلينا المغرب و لا جاء
و تصدقون اننا مصلين العشاء و هم بعد ما جاء <<<<<< شرايكم ب(هم)
و ننام هاكالليلة <<<<< ولا جاء طبعا
و نصبح و لا جاء
يوم جانا اتصال من واحد من جيراننا بالديرة (طبعا هم حاجين بس لحالهم و حنا لحالنا )
يقول اللي اتصل علينا عندنا شايب لابسن احرامه (طبعا كل الناس تحللوا من احراماتهم)
و يقول هالشايب انه جاء على ناسن هاللون و هاللون
قلت يمكن تبعكم هالشايب
قلنا اي والله معنا
(يامحاسن الصدف )
و نروح نجيب هالشايب و يحتسي علينا سالفته من طلع من عندنا
يقول الشايب يوم رميت جمرة العقبة و انا ادورعنكم
يمين
يسار
ولا والله ما حولي احد
المهم يوم حسيت بالتعب و انا اروح يم حدا هالمخيمات و اقول لهم يضيفونني عندهم
و يوم نشدن راعي الحملة قالي انت من معوه يا عم
قلت لوه انا مع ناسن هاللون و هاللون (قمت اوصف لهم اشكالكم ) فقال لي بس هذولا اكيد جيراننا
انتهى كلام الشايب
المهم هالشايب يقول ما لقى لوحة (مروعي 98 )
تدرون هاللوحة وش طلعت
لوحة مكتوبة على باص و هالباص صاف سراء لدخول المشاعر
----------------
أبو فهد الهمزاني
رد مع اقتباس
المشاركة الأصلية كتبت بواسطة الشمـــ نور ــــري
المفضلات