فنون السلهمه

[عبدالله المفضلي]

[poem=font=",6,white,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
صاحبي من دونك السرحان عاوي = في هواك القلب رغم البعد ساكر
لو تغيب سنين في حبك رجاوي = والله انك حاضراً لا عاش ناكر
طاوياً قلبي على لاماك طاوي = اخفي الآهات عن حاقد وناكر
قلت لك ما انساك يا ذبح الهواوي = باللقا اللي بيننا كان انت فاكر
الغرام جنون والفرقى بلاوي = المحبه باقيه والقلب ذاكر
يا عيون اللي على الهارب قصاوي = اشقراً بجبال فارس له مواكر
الخدود ورود والرمش متساوي = في فنون السلهمه صفة عساكر
قذلتك تشبه لهب نار الخلاوي = او شعاع الشمس حد الارض باكر
يا نفل روض الهوى يا عود جاوي = يا عسل سدر الجبل يا احلى السكاكر
خل في قلبك مروفه لا تراوي = اسقني كاس الوفا واكون شاكر
[/poem]

[عبدالله الجعيثن]

الخدود ورورد والرمـش متسـاوي

في فنون السلهمه صفـة عساكـر

عبدالله المفضلي

رائع ومبدع

ابيات جزله جدا

صح لسانك ياراقي

[زاهي]

رائعه من شاعر اروع



صح لسانك اخوي عبدالله

[نهير النمش]

الغالي ابو نايف

لاغريب كالعاده مبدع

شاعر من العيار الثقيل

تحياتي

[رحيل الوهبي]

تحيتي لك من القلب
لا هنت
صح لسانك