السلام عليكم ورحمة الله وبركاته
وكل عام وانتم بخير يا وجيه الخير
وشلونكم كلكم
ومبروكتن هالامطار على الجميع
في ما مضى من ايامي
حدثت لي قصة او سالفه مع واحدن من الربع كبير بالعمر
يعني شايب
كنت ابي اسافر من الرياض لرفحاء
وجاني ابوي وقال يا شبيثان فيه احد يبي يروح معك
قلت لا والله يا يبه
قال زين
تر ابو فلان يبي يروح معك
قلت تمااام يونسن بالطريق واسولف انا وياوه
ومن باتسر وامر ابو فلان ولا عيالوه واحفادوه وجماعتهم كلهم واقفين عند الباب يوادعونوه
واخذ غرضانوه واحطهن بالسياره
وافتح لوه الباب
تفضل يابو فلااان << ارفع بخويي
ويرتسب
ونمشي
ونقوم نسولف انا وياوه
قال والله اني تعيبان وودي انام ياوليدي
قلت افاااا
وانا احسبك تبي تسولف علي وتونسن يالطربه
نووووم يا عم مافيييييه
قال مااااااقدر غصبن علي
قلت هالحين اطلب لك كبتشينو ويطير النوم من عينك يابعد عيني انت
قال وشو كبتشينو
قلت هذي لاهي عصير ولاهي قهوه
على كيف كيفك
قال يالله
واوقف على اول محل قهوه
واطلب لوه
تخبرون الكبتشينو يجي بكوب ورق او بلاستيك
ويكون من برا بارد
يعني لازم تكون حذر وانت تشرب
عمنا هذا ماعندوه تفاهم
اول ما مسك الكوب وهو يحط رجلوه يبي يشربوه كلوه مره وحده
وهي تجيه سليما
انا اراعيلوه وهو يشرب
بالاول وضعوه عادي ولا عندوه مشكله
ويوم حس بالحراره
حسيت ان طاقيتوه اهتزت من الحر
ووجهوه قلب بدال مهو بيج صار بنفسجي
وهو يلتفت للدريشه ويمج اللي بأفموه
اثاري الدريشه مسكره
ويبنط بالقزاز ويرجع على خشتوه
ويمد لسانوه من الحر الموت ويحطوه على القزازه يبيه يبرد
انا هنا ذبحن الضحك
الله يجيركم وهو يزعل علي
ويعيي يكلمن
اقولوه ياعميمي
يا تاج راسي
يابعد زولي
لله
عيا يرد علي هي نيتوه زعلان
عاد انا ما سويت شي الا اني ضحكت
ونجي مطعم وننزل نبي نتغدا
واجلس انا وهو يجلس بجلسه مقابله لي
واطلب الغدا
وهو يصوت للهندي قال حطلي لحالي
وليما وصلنا رفحاء وحنا ما نتحاتسا
ويا عله ما عادت
وتقلدوا تحيتي
رد مع اقتباس
المفضلات