السلام عليكم ورحمة الله وبركاته
الله لايصبحكم / لايمسيكم إلا بكل خير دنسه دنسه وعلمه علمه
يالربع المنتدى يعلق معكم ولا بس معي يعلق
اقسم با الله كل شوين رافسن الجهاز من الغثىا
ماعلانا
قبل شوي نسولف انا وولد عمي بالمسن ويوريني صور يقول تذكر المخيم هذا اي عام
وبيني وبينكم كلهن صور أتمنى اني ماصورتهن
<- مصور مقطع فيديو راتسبن حمآر تسنه الزير
ذكرته بسالفة وهو يهجد آشوا
سواله سوات ماتسوى يالربع
جالسين ببيت الشعر ومووووووتن برد اقسم با الله انك تكره الساعه اللي خيمت به
لدرجة ان النخيرير مايمديه يطلع الا هو مثلج
آيسكريم من يبيلاوبعد أرخص من السوق اربعه بريال
هاه اتوكل على الله وأنثر خشآمي من يبي ههههههههه
<- ينتظر مخالفة
عاد السبب <- مخالفة نخرورية وإغراء المواطنين
المهم
أن الشيبان يسولفون سوالف الأولين وغزو وذبحو وصلخو
وأنا بيني وبينكم أطالع لولد عمتي ابو عيال بجنبي اقوله تهقىا صحيح سوالفهم ولا تسرخ يبردون علينا
أجل فيه أنسان يذبح 20 رجل لحاله هههههههههه مناك بس لاكف على عينك انت وياه قال 20 رجال قال
ولا اللي يشيل حاشي لحاله
ياربي وأنا ألولج حدرك وبعذر المطر مايجينا هههههههه
المهم نآمو الشيبان ومابقينا الا حنا يالزقرت ومع طلعت آخر شايب طلع مايقارب 14 بكت دخان
واللي قمز يبي يجيب شيشته
المهم ولد عمي متآثر ويقوم يبي يصب شاهي
قلت امسك البيتس قال لا مايحتاج وهو يشيله وأنا اطالع لوجهه ابي اشوف معالم خشته
أول ماتحرك خده اليمين وبعده عينه اليسار غمضت
شوي الا بدن يتحركن بسرعه <- تذكرت الاورج [ لحد يفهمني غلط ويحسبن راعي جلسات]
ومالكم باللي صار بس الزبده ان الابريق جا بحضن رجال والنعول صارت تمشي 200 ورا ابا النكوث هههههههه
وعقب ماصار صلح حطينا على يد ابو الشباب معجون اسنان
اقترحت عليهم أقتراح بس طردني ولد عمتي <- من والله شين اقتراحك يالمروح
المهم جت الساعه 3ونص
ومافيه الا انا وولد عمي وواحدن مادري وش جابه للمخيم ماشاء الله عليه حنك متعوب عليه
هونت اول ابتولجه بس استخرت
المهم ان ولد عمي مسكت معه غلط وقال ابتروش
قلت طيب صخن ما وطس باللي مايحفظك
قال لاعادي ماعليك الاولين مايصخنون ماء ولاماتو <- قلت طرررررررررر بس رح مناك
اقل من ربع ساعه الا الرجال اللي ينادي وين
وننقز الا هذا الرجال عاضن القاع يون ويرجف
انا ذبحن الضحك اول مره اشوف فأنيلة صايرتن سروال
والشوشه طايره وهو يروح الثالث يبي يجيب فروه
وانا اجي بجنب ولد عمي قلت الأولين أجل هههههههههههه
وأنا اسحب شوشته ويراعي لي بعوينته ويدعي علي
قلت دعوتك ماهي مقبولة لأن ماالله قابلك
وفزعنا به والحمد لله بس يومين بالمستشفى وطلع وجهه وارم ويده لافينه وعمي تفل بعينه والحمد لله على كل حال
أنتبهو لحـد يطلع بهالبرد ولاهو لابس زين
<- لاياشيخ
المهم شكرن لكم على اتاحة هذه الفرصه لي لكي اعبر لكم عن شكري وأمتناني
وعطــوني رآيكم بآلصورة وش رايكم بالرومنصية
رد مع اقتباس
المفضلات