بنات المشاهير
[align=justify]
قررت ابترك حب طرد الغناديـر
وجزمت واعلنت القـرار بقصيـده
لين اقبلـت دلوعـةٍ كلهـا غيـر
كن الجمال مجمـد" فـي رصيـده
دلوعةٍ لو بالسمـاء شافـه الطيـر
يطيح من هيبة جماله علـى ايـده
هيبة ملك وقفـة عميـد الطوابير
شمخت شجاع وقـو راس وعنيـده
قالت مراحب لاتقـول اي تبريـر
جيتك وانا بمواج شعـرك شهيـده
بسمع جديـدك ماتفيـد المعاذيـر
دلوعـةٍ دمـه يبـيـن بـوريـده
قلت ابشري عدك على جمة البيـر
وشيطان شعري بالمواقـف وليـده
والله لاصخر هاجس الشعر تصخير
ولعيونك العـب بالقوافـي واجيـده
واصورك بالماء باالشعار تصويـر
واكتب على طلت جبينـك فريـده
بدر" صطع يلغي بنات المشاهيـر
حضورهـا كـل العـذارى يكيـده
وسع العيون وحدتـه كنـه الجيـر
مـن كـف صقارٍشلـع لطريـده
وشفايفٍ ترسل على القلب تحذيـر
تخفـض بدقاتـه وتقـدر تـزيـده
واناخفوقـي مايهـاب المخاسيـر
ولا كل عـذرى لوحتلـه تصيـده
شامخ وضـده قاسيـات المقاديـر
وعذب المى خلف الحنايـا وحيـده
هذا الجديد ولـك معـزه وتقديـر
اشعلت لك نيران شعـري وقيـده
وراحت وقالت بعد تصبح على خير
ان مت انا بمواج شعـرك شهيـده
[/align]
رد مع اقتباس
المشاركة الأصلية كتبت بواسطة صفق الهواء
المفضلات