المعلم
الاستاذ
المدرس
له مكانته الاجتماعيه عندنا
وفي السابق كان المدرس له وضع غير طبيعي
بمجرد مروره بالحاره حتى لو ماكان وقت دراسه تشوف الطلاب يرجفون
بعكس الحين
ومانقول الا المقرود واللي داعيتن عليه امه يصير مدرس
اذكر ايام الثانوي
كانت علينا تصرفات رعناء << سمعت هالكلمه امس بالمباراة يقول المعلق شوته رعناء
يعني من جنبه
كنت بالثانوي
واي مدرس يجي نقوم نستهبل عليه
وياااقرد المدرس الجديد
نشيب بعيونه
عاد هم من يشوفون اشكالنا يغسلون يدينهم
وكانت علي شوشه تخرع
تذكركم بصور لاعبين المنتخب اول
محمد سعد العبدلي ومعتمد خوجلي ولطفي لبان والنيفاوي
حتى الطاقيه ما البسه من كبر راسي
وكان فيه صديق لي على الدين
عليهم عليهم
وكنا دايم نجلس باخر الفصل ونستهبل
وهو يجينا مدرس جديد
اول ما شفتوه قلت بس هذا الصيده الطيبه
دب
وكباااااااااااااااااااير
ويالله يتنفس من كبروه
وانا اقوم استهبل عليه
وقمت اكتب نكت عليه وانشرهن بالمدرسه
ويوم الله بغا يقردن
وانا اداوم هكا اليوم
ومن زين الحلايا صابن على قصتي ببسي علشان تصير مقرعطه
ابي اسوي مثل قصة ريكارد لاعب هولندا
كنت طايحن معوه ايام كان مع اي سي ميلان هو وخوليت وفان باستن
وتخبرون ماكنا نعرف الجل
وحطيت ببسي
فاصل بالله طرت علي حاجه
الشي الغريب
اني احصل نمل على شعري
ياربي وش القصه
صحيح فيه ببسي
بس مافيه سكر ولا اكل
يعني معقوله النمله تمص شعري
ممكن
عدنا
وكنت جالسن بأخر الفصل انا وخويي
وهو يدخل علينا المدرس الجديد
وانا اضحك
جلس هو على كرسيه
وكان باين انه مكتم وفيه شي
والطلاب يسولفون مع بعض
شوي
وهو ياقف
ويسكتون الطلاب
قال انتم فصلكم كويس
بس ...
فيه واحد نذل وحقير مثل هذا << يشر علي
وكل الطلاب التفتوا ورا يراعون لي
وانا التفت ورا << يبي يبعد الشبهه
قال خويي يعنيك انت
قلت اهاااا
قلت تقصدن يا استاد
قال ايه اقصدك
وانا التفت لخويي قلت شفت ما يقصدن
قال الاستاذ ايه اقصدك انت يابو قراعيط << وش عرفوه بالذوق هذي قصه متعوب عليه
قلت الله يسامحك يا استاد الملك فهد
قال الله لا يسامحك
وانا التفت لخويي
قلت انا شايف ان هالفيل مهو جايبه للبر ولا وش رايك يا اخ فواز ؟
قال خويي وانا بعد شايف كذا
قلت طيب وش تشوف سيادتك
قال اشوف انك تاخذ هالحديده وتكمخوه
قلت طيب ما تلاحظ ان فيه فوارق جسمانيه قد تقف بصفه وتحول دون تحقيقي للفوز
قال لا ما عليك << يبي يدهورن
المدرس شاف الحديده اللي معي
وقال تعال تسان بك خير
قلت لاااا يا استاد انت ما تعرفن زين
انا ما اواجه واحد ما معه سلاح وانا معي سلاح << اخس يا كليب
قال المدرس خلاص نزل سلاحك وتعال
قلت لاااااااااااااااااااااااااااااااااا بدون سلاح ما اقدر لك
قال طيب اخذ سلاح واقابلك
قلت لااااااااااااا انا اعطيك سلاح اخاف تجيب شينن يوجع
وانا اخذ عصا خشب وانا اعطيه
وبدون سابق انذار
وهو يغولن
ويشيلن فووووق
ليما وصلت الانذار حق الحريق
قمت افتش بمخابيي ابي ولاعه ابي غدي هالانذار يشتغل ويفزعون لي الناس
الطلاب كلهم هربوا من الفصل
الا خويي بيض الله وجهوه قام يدير المدرس يبي غديه يخليني
ليما صار وجهي ازرق << قل الاكسجين بالجسم يؤدي الى ازرراق الخشه
ويالله عقب ربع ساعه يجوننا المدير والوكيل ويفكوني منوه
يوم اطلقن وانا اقوم ابتسي
وهو يجيني خويي قال افاااا تبسي يا شبيثان
قلت آآآآآآآآآآآآه يا فواز
والله من فرحتي بشوفتك
ما احسبن اشوفك غير ما شفتك
ومنه ما اغلط على مدرس لو يذبحن
وتقلدوا تحيتي
رد مع اقتباس
المفضلات