المشاركة الأصلية كتبت بواسطة مشــــعل
اعتذر عن الغياب
ولعل هالمتواضعه تشفع لي ..
/
\
/
[poem=font=",6,white,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
خذ الخبر يالي طلبت التفاصيل=العلم واضح .. واشهدي يالنوايا
"بالصدر نجلس" ماثنتنا العراقيل=والشاهد الله ماسكنّا الزوايا
جيتك من هموم الليالي قناديل=خيّال حرد .. ودربوه الطنايا
يامترفه ماهي على العدل والميل=بعض الوجيه تشوهك يالمرايا
جرد السوالف مابها لك محاصيل=تشيب روس .. وتستفزك قضايا
غمض عيونك عن جميع المواصيل=واذبح ضميرِ مابكته الهدايا
خلك على الذكرى .. وقط المراسيل=والله يسهل دربكم من ورايا
ابشرك وضعي تمام وتساهيل=اضحك لغيري لو ضحك لي عنايا
عينٍ تبي شوفك .. نستها المناديل=ولاّ الحنايا .. مانستك الحنايا
ياكم ليلٍ اعشقه واسهر الليل=يمحاه صبحي ولابقى الاّ بقايا
بعضاً من الذكرى سقتها المخاييل=وانبت ثمرها .. قوّ باس .. ومطايا
نلحق على ظهوره غصب سبّق الخيل=وناطا على روس الخطا والخطايا
هذا الصحيح وجاك يابو التفاصيل=وهذي المزايا كان تبي المزايا
[/poem]
/
\
/
مشعل حاشم الشمري
رد مع اقتباس
المفضلات