فخر بالجيش السعودي
[ALIGN=CENTER][TABLE1="width:85%;background-color:black;"][CELL="filter:;"][ALIGN=center]
قصيدة الشاعر / بشير عرابي البلوي,,,
بالرجال البواسل
يقول من وده يشارك مع الجيش
والعمر من دون الوطن وشنبيبه
دار لنا ما نرخصه للخفافيش*
وهي امنا اللي راضعينن حليبه
حدود الوطن دونه عيالن مداغيش*
تاطى على الموت الحمرماتهيبه
يردون حوض الموت صبح ومغابيش
اهل المواقف باليالي الصعيبه
واللي براسه طيش ينكل عن الطيش
المملكه محدن خذاها غصيبه
مايهمنا ناس(ن)تبث التشاويش
اهل القلوب الحاقده والغضيبه
واللي نفض ريشه لقى ناتف الريش
ياما على راسه تدور المصيبه
جوهم رجال(ن)للشهاده معاطيش
ابطال حرب مايبون الغليبه
بقيادةالفارس كعام المغاشيش
خالد اليا لاقى حريب(ن)حريبه
حر(ن) اليامنه شهر ينثر الريش
يشهدله الخفجي بعقله وطيبه
وزعيمنا الحاكم بعيد المناطيش
عبدالله اللي له مقام(ن) وهيبه
ولي عهده بالوفا قايد الجيش
سلطان عسى مايطول مغيبه
عسى يعود بخير مبسوط ويعيش
ويالله عقب طولت غيابه تجيبه
حكام حق ماحكمو بالبخاشيش
وقفاتهم ماهي عليهم غريبه
هم درعها يوم الشوارب مكاليش
صفاه ابو تركي بكور النجيبه
وصلوعددماهل وبل المراهيش
على رسول(ن)منهجه نقتديبه
[/ALIGN][/CELL][/TABLE1][/ALIGN]
رد مع اقتباس
المفضلات