قصيدة الجمس للشاعر محمد بن الذيب
السلام عليكم ورحمه الله وبركاته
أنا لأوزع على النـاس أبتساماتـي
ياميتيـن المشاعـر ويـش يحييهـا
حقك علـي ماتدسـم لـي شنباتـي
وفعايـل النـاس ماتشبـه مباديهـا
والفرصه مواتيه والطاري مواتـي
والشعـر حاجـه تعنينـي وأعنيهـا
لكـن ماهـو يعبـر عـن معاناتـي
ألا تعبـر عـن الدنيـا ضواحيهـا
من تجربة ربع قرن عاشهـا ذاتـي
ماكل فـرق يهـز القلـب طاريهـا
ولا تحرش هجوسـي فـي بنياتـي
تطابقـت روس عجميهـا وياميهـا
والا أمبراطورك الخافق ومشهاتـي
تطربخ في بركة الخفـاق رجليهـا
يا أول محطة غرام مـن محطاتـي
ليالـي جمعتنـي فـيـك يسقيـهـا
أجيـك وأنـا كبيراتـن طموحاتـي
وأروح وأنـا محبلهـا ومعطيـهـا
وعليك قلبي ورا الأضلاع ماباتـي
ولا يقـرب ديـارك يـوم أنويهـا
ياكود جمـس ماتنافـى المسافاتـي
ملكـع بــأول الدنـيـا وتاليـهـا
منحره لأقبل مع خشمه الطويلاتـي
منحر ذلول تـزود بكبـد راعيهـا
ومرايتـه دون كبوتـه عريضاتـي
كفوف أمام مـع دعوهـا ويدعيهـا
ولهولـي يبـخ بلوفـه بلوفـاتـي
يـولـع الـنـار والا مايطفيـهـا
مابينه وبيـن اهـل نجـد علاقاتـي
لاهيـب تدانيـه ولاهـوب يدانيهـا
وصوته لاريح بنمره عقب زكاتـي
تنهيدة اللي صدوق العشـق كاويهـا
تنـاحـي بالمحـبـه بالتناهـاتـي
ولا لقـت المحبـه مـن يناهيـهـا
ورفارفه يـوم يصفـق بالمطباتـي
ردوف بنت مـن النعمـه تدربيهـا
لا ناطحـه هـوا يبيـتـه عـاتـي
خايـف انـه مـن الـزود متقفيهـا
ومساحتينه لاقامـت تقبـل وتاتـي
أصبع عجـوز كثيـرات دعاويهـا
عليها الأحياء تدخل جـو الأمواتـي
وعليها الأموات مدري وين أوديهـا
الجكـور أكبـر عيالـه والبنياتـي
اللكزس والبورش والبي أم وافيهـا
أن قلت يا الجيب خاوه قال ما احاتي
ماكـل ديـره يواليـهـا اواليـهـا
يشرب فناجيلـي ويكسـر بيالاتـي
يمد رجلـه علـى دربـي ويثنيهـا
أن قلت يا الفورد قال الفورد سكاتي
بعض الطواريـق مـاودك تناحيهـا
الجمس أبداع مـن كـل أتجاهاتـي
كنه قصيدتك ذيك اللي علـى أيهـا
مصدر من الفجيرة بأسـم كرواتـي
يدرس علوم الطبيعه فـي نواحيهـا
وشراه واحد سعودي من أماراتـي
وباعه على حضرمي رايحن فيهـا
والحضرمي كل ماخزن من القاتـي
الحاجه اللي علـى بالـه يسويهـا
لابغى يرهـب كبـار الحكوماتـي
رجله على قطعة الفرجه مضريهـا
والا خواطر خفوقي وآخر أبياتـي
قصايدي كـل أبيهـا قـد سمعتيهـا
والله أني عشقت رضـاك بالذاتـي
مابه مساحـه بقلبـي مـا مشيتيهـا
يانيلي العذب يـا دجـلاي يافراتـي
ياديرة الحـب شارعهـا وكبريهـا
يا أبلغ قصيده عليها مـن حركاتـي
تلتفـت بالدهشـه لعينـي قاريـهـا
والى انتثر دمع عينك سوي سواتـي
قولـي بكمـك كذيـه ثـم مشيهـا
الحزن يوم المفارق عامـلا ذاتـي
فطـرة فالأنسـان مايقـدر يخليهـا
تقبلو تحياتي
رد مع اقتباس
المفضلات