المشاركة الأصلية كتبت بواسطة الشبث
ما ابي احد يجي ويقولي اسمه جيمس بوند مهو بوندي ادري
ابو ماجد .. اسمه بوند ماهو بوندي ..
نسيم المطر جاء يالربع وقرب الربيع
يالله
رجع الشتاء ويبي يرجع الصيف يعني وهلم جرجر
هذي حكمتي بالحياة وهلم جرجر
الف مبروك لاخواني شقردي وفارس الصحراء هالاسامي الجديده
الله يبارك بك..
فيه كذا موضوع نزلوهن الاخوان يتكلم عن الطفوله وبداية الدراسه والفصول الاولى
زمان يوم كنت بثاني ابتدائي كنت بفصل ثلاث ارباعوه عنوز
بس انا وواحد من الربع
ونعم والله بالعنوز وبكل القبايل
المهم
جاء مدرس جديد يسأل الطلاب وش اسمك وش اسمك
وكلهم فلان العنزي
فلان العنزي
يوم جاني الدور قلت شبيثان العنزي
وهو يصيح ولد عمي قال لااااااااااا يا استااااذ
شمري مهو عنزي
وانا اراعيلوه قلت وش دخلك << بعت ربعي بجلخ بصله
قال ولد عمي يا استاد هذا ولد عمي
المدرس حس اني لاذع
وكتب الشمري
يوم رحت للبيت سألت ابوي وحنا جالسين نتغدى
قلت يبه حنا وشو ؟
قال وش تقول ؟!
قلت حنا وشو ؟
قال تسلاب .. شلون حنا وشو ؟!!!
قلت يبه صح حنا عنوز ؟
بهاللحظه كان مضبطلوه لقمه
وهو يرصن بالجبه بلقمتوه
ولا الرز على عيوني وبمخباي
قال يالهديفه كل هالسنين ولا تدري وش انت يالهتلي
حنا شمااامره يا وجه الرقيعي
بلعت العافيه ومشته لوه هالمره << تقل كان ناوي يسوي شي
هههههههههههههههههههههههه ذكرتن بسالفتي ..
يوم اني صغيره ماينادوني هلا بالبيت ينادوني اسم ثاني ..
وطول الاسبوع الاول وانا بالتمهيدي أروح للمدرسه ومجتهده ..
وعقبين دقوا على امي قالوا بنتكم هلا ماتداوم ..
قالت امي .. شلون كل يو نوديها للمدرسه ..
وبعدين جت أمي ..
قالت هذي بنتي ..
يوم سألتني المدرسه وش أسمتس..؟؟
قلت أسمي .... " مشفر" .. ماقلت هلا ..
وتقعد تضحك ..
اثاريني كل هالسنين مدري ان اسمي هلاااااااا
ومره << مهو ساكت اليوم كلوه
قاعدينن لك ..
كنا بالحاره نلعب
وفيه واحدن عندنا بالحاره ما يقرب لنا ابد
ومعنا ولد عمي
بس هذاك اغليه لاننا دايم نلعب سوا
الوكاد وهم يتقاضبون الشوش هو وولد عمي
وانا اجي واطب مع هذاك على ولد عمي
ونحوس مرير ولد عمي ونفقع وجهوه
يوم جاء المغرب ونروح لبيوتا
وكنت اتروش عقب هاللعب وهالعفسه
شوي الا اسمع قرشت عمي داخل البيت معصب
ويقول وينهو الملعووون
وينهو ابا الخايبااات
وانا اقوم ارتعد حدر الدش عرفت اني قعدت به
وحسيت بذنبي وخطاي الكبير
وهو يمسك الباب يقوم يهزوه ويطق
قال افتح الباب يالسلوقي << طلب في غير محله وين افتح الباب
مارديت عليه
الله يجيركم وهو يكسر الباب << لهالدرجه زعلان من حركة بسيطه
وانا انقز من الدريشه مصلوخ
وهو يمسك رجليني
عرفت اني رحت فيها
ويجرن
عاد الدريشه ضيقه
وهي تجرحن وتلعب بحسبتي
وهو يقوم يرداني ليما عرفت ان الله حق
بغيت اغرق روحي غديني اموت شهيد
ههههههههههههههه انا وأخوي على ود عمي وأنا وولد عمي عالغريب ... بس الظاهر أنك كسرت الغاعده ..
لا هنت يابو مجوّد على هيك سولافات ..
وتقلدوا تحيتي
المفضلات