يابو عتب صبحت يالصاحب بخير
واحظ عين تهتني في منامه
قلبي سمك والهم مثل السنانير
واغلى البشر بالصد والهجر ضامه
لي عشقة خده تقل به نواوير
جمع له الله بين خلق ووسامه
شفت المثل ( من زينها توقع الطير ) ؟
مفصل عليه تقل فصل خامه
سلطان شفت اللي نزل نقرة الدير
ومن حد مغربها إلين المنامه
لو جمعوا كل البني الغنادير
هي وحده اللي نافذات سهامه
حبه لعب بالقلب من غير تبرير
والصد والاشواق حاست نظامه
تقول ( ياسر ) لانخوه الجماهير
والخافق الكورة بالإبداع ضامه
تخطي علي وآتي معاي المعاذير
بعده ثواني مثل يوم القيامه
اضيق وافتح مبهمات الأزارير
وزود عليه أطش حتى العمامه
والوجه تظهر به علامات تحذير
100 قدم ياباغيين السلامه
رد مع اقتباس
المشاركة الأصلية كتبت بواسطة سيف الدولة
المفضلات