تعرفون مالكم بالطويله خوينا
اللي بس اربع وعشرين ساعه بارتس بالرياضي
لا والله ما تعرفونه زين
هذا طال عمركم من اقدم خوياي
رفيق عمر
اخوي واكثر من اخو
مهما قلت بهالرجال ابقى مقصر بحقه
المهم
زمااان قبل حوالي 12 سنه
حطينا فريق كوره ومخيم وجلسه وكنا مستانسين بوه
وكان المخيم بس خيمه وحده ودكه اللي نجلس به
وكنا طايرين بالعجه
العصر نلعب كوره ونروح نتروش ونرجع بسرعه للمخيم
ياحول تقل مقطوعتن سررنا ( جمع سر ) عن هالخيمه
وبحدى هالايام مرني مالكم بالطويله على سيارته المغرب
قال شبيثان تخاويني
قلت يالله
قال بس ترن ابمر الورشات وبعده اطلع للمخيم
قلت مهي مشكله
ونروح للورشات
قالوا الورشات خل سيارتك عندنا وبكرى تعال خذه
قال مالكم بالطويله خلاص
مخيمنا عن الورشات حوالي خمسه كيلو
ونطقه كعابي
اجمالي الفلوس اللي معنا 4 ريال ( واااعزي لكم )
ونبي نتعشى ( شرهتهم بق )
اخيراً مرينا بوفيه بطريقنا واخذنا 2 مشكل فلافل بدون بيض ( بريالين بس اللي ببيض بثلاثه)
وناخذ سندوتشاتنا ونروح عند براده بالشارع (من قو الطفره ما قدرنا نشري ببسي انواع الضيم)
ذالين نغص ولا شي
ونكمل مشوارنا للمخيم
يوم وصلنا الخيمه جلسنا ولا فاااضيه
وهي اصلاً ما به الا ملابس التمرين وشيش العيال اللي يعسلون
يعني حتى خيمتنا جوع وفقر
قال مالكم بالطويله شبيثاااان
قلت نعم << يلعب زقطه
قال شرايك نسوي مقلب باللي يجي من العيال
<< قط الزقطه وركز
قلت شلون
قال اذا جاء احد من العيال نبي نسوي انفسنا حراميه
ندخل الخيمه وناخذ الاغراض ونهرب قداموه
قلت تمااام
وننتظر الضحيه القادم
ويجي واحد من العيال ملقبينوه ابو هده
ونتغيب بالخيمه
يوم وقف السياره عن الخيمه
وناخذ الشيش والملابس ونهرب من قداموه
الله يجيركم
وهو يدقه ريوووووس
ويحط رجلوووه
حتى غبرتوه ما شفناااه
تسيف نراعي لسطباتوه ما دعس على البريك حتى يوم جاء المطبات
ونرجع انا ومالكم بالطويله ميتين من الضحك
شوي ويجي واحد من العيال عنزي الله يذكروه بالخير
ونتغيب بالخيمه
يوم وقف وناخذ الغرضان ونهرب
وهو يلحقنا
ونهرب
وهو يوقوم يصااايح للمخيمات الثانيه
يالفلاااااااااااااااان امسكووووووووووووهم حراميه
يالفلاااااان امسكوووهم حرااميه << فضحنا وسمعتنا راح هواء
وناخذ حوالي ساعه وهو يطردنا
وينزل علينا بالعجرا
اخر شي طحنا من الضحك
ونرجع لخيمتنا
ويجتمعون العيال
ونعلمهم بالسالفه
طبعاً ابو هده للحين ما جاء
شوي
وهو يشرف حضرته
واول ما دخل علينا قال ياعياااااااااااااال شفتوا وش صار
قلنا وش صار
قال قبل شوي جيت هنا ولقيت حراميه
وهم يهربون
ويركبون ددسنهم
وانا الحقهم
ويهربون
وانا اخذت رقم لوحتهم
ويعطينا رقم اللوحه ذيبان
وعلى وجهه السالفه ما يدري به للحين
وتقلدوا تحيتي
رد مع اقتباس
<< يآملغك
المفضلات