التوهيقة ((3))
السلام عليكم ورحمة الله وبركاته
صبحتم بالخير ياجماعة الربع و الربعان و الربعون <<<<< بليا ربعات
نستكمل ما بدأناه بالخطبة الماضية <<<<<<<< خرف
نكمل ما استهليناه من مواقف و مو تواهيق سابقة
و من جرف لدحديرة و يا قلب لا تحزن
هالسالفة صارت لي قبل 3 سنوات تقريبا
مع مكافحة المخدرات بالجبيل
اسمعني انت وياه انا مالي شغل و لا ني شبهة و لاشي
نصكم شافني الظاهر متكشخ و مشبك اصابعي <<< صح يالجثري
بس اخوكم تلابش معهم
السالفة كما يرويها لكم والي شيوخ مشيخة شقراد :
بيوم من الأيام و بعد العشاء رحت ابشري لي عشاء و مريت الجبيل البلد المهم لقيتهم مسكرين حدا الخطوط بدورية شرطة
و انا ادور لي طريدز ثاني و اودزف موتري
و رحت و طلبت لي عشاء
قالي الطلب ياخذ لوه 10 دقايق
قلت اتمشى بهالعشر الله لا يعيدها
و انا طالع من المحل و اشوف ناس متجمهرة عند لها موتر مصدوم و حوله ناس لابسة رياضة المهم جيت و طليت عالموتر
و انا راجع إلا اللي يقول لي : انت ما تفهم من اليوم نقول لكم وخروا من هالمكان شكلك انت ما تفهم ( يقولها بأعلى صوته )
اخوكم انلخم ما يدري وش يقول و مهوب داري وش الموضوع بالذات لما شفته رفس لوه واحدن على ظهروه يبيه يبعد ( بس هالواحد فلبيني ) مهوب سعودي
قالي : انقلع يلااااااا
قلت لوه و انا ااشر بيدي يموه : احترم نفسك و تكلم بأدب بعدين من انت عشان تصارخ و ترفع صوتك
قال : أقول انقلع لا افقع وجهك
قلت لوه : تخسى و تعقب لا انت و لا غيرك
المهم و يجيني واحد منهم و يمسك يدي و يقولي تعال تعال انت منت فاهم وش السالفة ( يبي يبعدني عنهم )
و يجينا واحدن ثالث يقول : هذا وش يبغى يا عمي توكل على الله
المهم و انا اسحب نفسي <<<<< ذل
عددهم 8
و انا اراعي لي دورية شرطة و انا انشد العسكري اللي به
قلت لوه : هذولي وش عندهم
قال : أول شي من معي
قلت لوه : مواطن و هذولي غلطوا علي و من حقي اعرف منهم و أي جهة يتبعونها
قالي ( و كالعادة ) : اثباتك طيب
عطيتوه اثباتي : قال هذولي مكافحة المخدرات و الموتر المصدوم سيارة مشبوهة و مبلغ عنها بعد مراقبتها أي خدمة ثانية
قلت لوه سلام عليكم
المهم و سيده يم فرعهم بحي الحويلات بالصناعية
و ادخل عليهم و اقول لهم ابي مديركم بموضوع
جاني بنيتي انوه رقيب قال لي : انطق هنا لما يجيك بس تراه مهوب يمك يم الموتر اللي حنا ماسكينوه
قلت لوه : خير ان شالله
شوين و يدخل علينا واحدن لابس مرسم : قال من يبيني ؟
قلت لوه : انت مديرهم
قال : تفضل
قلت لوه : ياخي ربعك ذولي قالبينها فتوة ضرب و رفس و هواش
ياخي عطوهم دورة انعاش حضاري و اخلاقي
بعدين واحد لابسن هاللون و هاللون و لوه عوارض ما خلى كلمة ما قالها لي
قال خير انشالله
هذا نقيب قائد الفرقة و انا لي تفاهم معوه
<<<<< نقيب يؤ قمط العافية
اشوى اني مطاوع اللي سحبني مع يدي ولا تسان الموتر المصدوم ارحم مني
المهم تشكرت من مديرهم المقدم و رحلت عنهم
و توتا توتا خلصت الحتوتا
يالله روحوا ناموا
-----------------
أبو فهد الهمزاني
رد مع اقتباس
المشاركة الأصلية كتبت بواسطة سلطااان السويري
المفضلات