شهادة الرخصه الدوليه لقيادة .......!!!!

**حمــ الموت ـراء** · 17-10-2009 02:40

السلامووو عليكوووو

بغيت اسئل عن شهادة الرخصه الدوليه للقيادة تعرفون سمحوا بقيادة السيارة

للبنات قلت اخذ الرخصه علشان ما أخذ مخالفه

مدري ليه متخيله وجيه رجال شمر الحين العقال يبي يطيح من كثر ماهو متمايل والحجاج متعقد

اركدوا

..ابي اسئل عن شهادة الرخصه الدوليه لقيادة الحاسب الالي <<طلع سياره

مدري ليه كذا اسمه ما علينا ...

هالشهادة معتمده من الخدمه المدنيه يعني بالمفاضله..؟؟ ابي اخذه من معهد سهما بحائل

مدري هالمعهد بوه نصب واحتيال ولا لا ..!! وش مميزاته وكم مدة الدوره وكم السعر ..؟؟
اذا فيه احد اخذه خاصه البنات ولا يمنع الرجال الي عندهم خوات اخذن هالشهاده ..ياليت تفيدوني ..سويت بحث بقوقل عن هالرخصه شدتن هالجمله ..((يكون حصول المتقدم على شهادة ICDL حافزا للتعيين على الوظائف في القطاع .
2. يكون حصول المتقدم على شهادة ICDL حافزا للمفاضلة لاعتماد الشهادة من وزارة الخدمة المدنية كدورة ستة اشهر لشهادة ICDL ودورة ثلاثة أشهر لشهادة ICDL Start

وش الفرق بين ست اشهر وثلاث اشهر ..؟؟ وهل تعتمد بالمفاضله اذا اخذته ثلاث اشهر ..؟؟ ابي نصائحكم

**أهداااب** · 17-10-2009 03:00

شوفي يا الغالية ..

أنا لحد الآن ما أخذت أي دورة بمجال الحاسب ..

و لا لي علم بمعاهد حايل

أصلاً ما جيتها إلا مرتين كسائحة ..

المهم ..

صديقاتي كلهن أخذن ست شهور يقالوا أفضل لأنها تعادل سنة ..

و أنصحك لا تترددي في أخذ الدورة

لأن الوظايف الحين كلها تطالب بشهادة الحاسب ..

بالتوفيق ..

**حمــ الموت ـراء** · 17-10-2009 03:10

هدوبه اولاً مشكوره على الرد

ثانياً ..مشكلة معاهد حائل كلن يسبهن ..يقولون نصب والاجهزه خربانه تتوهقين بالاختبار

ويعطونك رسوب ..مدري من نصدق!!

..وهالمفاضله ناشبتن لنا بدورات الحاسب الألي ..

طيب تحسب الدوره الي ست شهور سنه ..!! متاكده الحين طالعين يحسبون عدد

الدوره وعدد سنوات الخبره ..!! لازم تكون فوق الست شهور ..!!

**أهداااب** · 17-10-2009 03:21

المشاركة الأصلية كتبت بواسطة حمــ الموت ـراء

هدوبه اولاً مشكوره على الرد

ثانياً ..مشكلة معاهد حائل كلن يسبهن ..يقولون نصب والاجهزه خربانه تتوهقين بالاختبار

ويعطونك رسوب ..مدري من نصدق!!

..وهالمفاضله ناشبتن لنا بدورات الحاسب الألي ..

طيب تحسب الدوره الي ست شهور سنه ..!! متاكده الحين طالعين يحسبون عدد

الدوره وعدد سنوات الخبره ..!! لازم تكون فوق الست شهور ..!!

عندنا بتبوك يمدحون معهد الفتاة العصرية ..

مدري لو له فرع بحايل ..؟؟

في بعد معهد العالمية للحاسب الآلي ..

هذا سنتين و شهادة دولية معتمده

تتوظفي به كـ مدرسة حاسب آلي ..

لكن الترم الواحد بعشر آلاف

يعني السنتين أربعين ألف ..

هذا المعهد تخرج منه أحد أخواني و الحين مدرس حاسب أد الدنيا ..

تخيلي وهو أول ما تخرج من الثانوي تخصص شرعي نسبته 69 %

و مافي جامعة قبلته هو نسبته هذي ..

صدق الدنيا حظوظ ..

**بالمختصر..** · 17-10-2009 15:42

6 شهور أحسن من 3 ..

بس أهم شي معهد شهادته تكون معتمده ..

بـ التوفيق ..

.
.

**صعوة فسفورية** · 17-10-2009 15:50

انا ادرسها حاليا

وباقيلي الاختبارات بس

وهي عبارة عن ويندز

والايميل والاكسسز ولا كسل والبوربوينت وغيرها

المهم احسن معهد اللي ادرس فيه الحين ..

نيو هورايزن وبس

**بنت الجبل آخت القصيد** · 17-10-2009 17:43

هلا حمراء
انا جربت سهمآ خذيت دبلوم من عندهم كان ب 8000 ريال
وعلى الفاضي قسم كل يومنا نتقهوى بالساحه<< شبات ضحى
لاتدريس ولاشيء اصلا انا الترم الثاني كله ماداومت الا 3 ايام

بس رحمنا امتحان الهيئه الدرجه الكبيره كانت على الطباعه والحمد لله

وبس بنفس المعهد هذا دوره الـ 6 شهور احسن من الدبلوم ومعلوماتهم احسن منا حنا

لكن عندك نيوهورايزن معتمد اذا فتحو له قسم نسائي سجلي به

اتوقع انه الاحسن بالمملكه

.
.

والله يوفقك

**حمــ الموت ـراء** · 17-10-2009 20:27

هدوبه صدقتي والله الدنيا حظوظ <<صكت اخو اهدااب هههههههااي

صادز والله الدنيا حظوظ انا عارفه حظي علشان كذا تشوفيني اقدم رجل واخر الثانيه ..

معهد العالميه يسبونه بعد ...الله يعين ...

**حمــ الموت ـراء** · 17-10-2009 20:30

بالمختصر مشكوووره على الرد اكيد الست شهور افضل ..بس ما تعرفين احد اخذ

هالشهاده ...!! وهي مهمه بالمفاضله ..!!

**حمــ الموت ـراء** · 17-10-2009 20:36

انا ادرسها حاليا

وباقيلي الاختبارات بس

وهي عبارة عن ويندز

والايميل والاكسسز ولا كسل والبوربوينت وغيرها

المهم احسن معهد اللي ادرس فيه الحين ..

نيو هورايزن وبس

صعووه فسفوريه وش نيو هورايزن ..!! وينه بحائل ..!!!

بعدين ليه تدرسونه ولا تختبرون الا بعد وقت ..؟؟