[`~*¤!¤*~`][:.بيت شعر تمنيت أنـك لو كاتبه.:][`~*¤!¤*~`]

[سلطااان السويري]

[ALIGN=CENTER][TABLE1="width:95%;background-image:url('http://www.shmmr.net/vb/mwaextraedit2/backgrounds/24.gif');border:4px double black;"][CELL="filter:;"][ALIGN=center]
دنيا غريبه والبشر مثلها اغراب

لو هي صفتلك ماصفولك بشرها
[/ALIGN][/CELL][/TABLE1][/ALIGN]

[al-shmaly]

اخاف مـن قـوم تجينـا عراجيـد
تبني على روس الندف له ظلالـي
ما بين شمطان اللحـي والاواليـد
تضيمنـا يـا سعيـد بالاحتمـالـي
اخاف من اللـي ينقلـون البواريـد
هـل البنـادق ميتميـن العيـالـي
ركضاتهم يا سعيـد مابـه تصاديـد
ذباحـة الطيـب نهـار القتـالـي
يا سعيد لا تضرب على دارة الديـد
بزرقا تسـل الـروح بالاشتعالـي
بديار فاطمات البقر مغتـر الصيـد
ولا عنـدك اللـي حولـك يسالـي
ياسعيد هرجك به مغيـر وتراديـد
وتوذب الهرج الرخيص الجمالـي
وهرج على اسناف العذارى مناقيـد
ما يطيب الصبيـان كـود الفعالـي
ذرب جوابك يا فتى الجود ياسعيـد
عن قولة ياحيف سعيـد استزالـي
عميت بالسايـه جميـع القواصيـد
ما قلت بالشعـار طامـن وعالـي

[بنت الجبل آخت القصيد]

يا مشغل البال يا الغالي .. يا ساكنٍ بالشمالية
ابطيت يا طيب الفالي .. غيبتك ماهيب عادية

والله والله على بالي .. والله ما اغير النيه
والدنيا لو تقعد قبالي .. ماتبدل الشوق لك بيٌه

تركتني ليش بالحالي .. ثلاثة سنين هجريه
بغيبتك شانت احوالي .. عسى احوالك ماهي زيٌه

مافيه شيٍ ويحلالي .. إلا القمر يعجبن ضيه
عنك اسولف وعن حالي .. واخاف ماعاد لك جيٌه

.
.

[al-shmaly]

من تعلم تبصر والليالـي عـلام
والزمن مدرسه ودروس ومعلمي
الأنام إحترمها تحترمـك الأنـام
وإن حقرت الأوادم محترمك أدمي

[نزف القلم]

أستصغر الحزن رغم أني أعيش فظلام

مثل القمر واقعه مظلم لكنّه ينير

^
^
^
الشاعر الاماراتي عبدالله محمد الجابري

[al-shmaly]

يـا خفوقـي لا عدمتـك روق الدنيـا تـروق
العسر يبقـى عسـر والصبـر يتـلاه السعـد
دام واقعنـا تحـت وطموحنـا لازال فــوق
فأجتهد وأحـذر يكـل العـزم ويقـل الجهـد
لعن أبو مجد غروبـه مـا يبشـر بالشـروق
ولعن أبو من يعشـق الدنيـا وتاليهـا اللحـد

[al-shmaly]

وبســــــــــــــم الله :




الفكر ضد الموت في كل الأوقات
واللي بليا فكر عايش بتابوت

الصح منه يدوم ويخلد أموات
والا الغلط مجرد سنين ويموت

والشعر لوماصار ( ساعي قناعات )
يصبح حكي ..لكن على هيئة بيوت

والصدق مفتاح الكرامة ومنجات
يكسيك من لبس الثنا مشلح وكوت

والكذب نقص عقول فعول واثبات :
بان أغلب الياقوت ماهو بياقوت

والحب (أحلى شي ) الا مع الذات
والدار ( أغلى شي )الا بلا قوت

والدين . .عز . .وهيمنة . .وانتصارات
لاصار قول وفعل وجهاد وقنوت

يوم المشايخ . . قبل عصر الدويلات
تنقل كفن واسلاح ماتنقل بشوت !

في وقتها يااهل الخطب والشعارات
سالت دموع العز من (عين جالوت!)

وفي وقتنا . . ياصانعين القرارات
نضحي بغزة على شان بيروت !

والفرق شاسع . . ياصراع الحظارات
والقول أكيد . . وبالادلة . . ومثبوت

الماضي : امجاد وشموخ وفتوحات
والحاضر : مهايط ومقهى وبيلوت !

وآمر وآدهى . . ماهو قادم وات
لاصار واقعنا مبهذل وممقوت

يمثل الأمة في الأمة عصابات
وعلى خراب بيوت تتعمر بيوت !

جلسات سرية علشان جلسات
تفوت اللي مستحيل انه يفوت !

واللعب واضح في جميع المجالات
بتشوت ؟! صلح لي اصلح لك تشوت!

والخير بين في وجيه البشاوات
والشعب مستهلك ومتعب ومكبوت

حرية الرأي :اختصاص القيادات !!
وحنا تخصص ذل وانصات وسكوت !

ياصاحبي . . خل القصص والحكايات
وش ميزة التوت ؟ إن فقد لذة التوت

إن مت ! من قول الحقايق سهالات
على الاقل تعرف على ويش بتموت!

والمشكلة ماهيب في كثر الاصوات
المشكلة لاصار مال العقل صوت !

[al-shmaly]

.
.
إحنا مثل اللي يبي التركيز والواقع مشتت
.................... كل ما سالت دموع الصبر سيلنا دموع

ما بقى عظم ٍ تحمل وقفتي إلا تفتت
................. وأنت ادري الله يعينك ناطر و شايل شموع

[al-shmaly]

عساني لياطحت طيحاتي من عيـون الرخـوم
ان كان ماترفع مقامـي ماتنقـص لـي مقـام


ياهـل العلـوم الـلـي تــردون العـلـوم
(اذا رميت من الوراء فاعلم بانك في الامـام)


ماينحنـي للساقطـه الا رديـيـن الـعـزوم
ولا يطمح لنيل العـلا الا الرياجيـل الحشـام


اسمو واشوم ان شفت لي مايستحق اشوم اشوم
وابـادل اللـي يستحـق الاحتـرام الاحتـرام


ماهمني نظرات حاسد لو تجي مثـل السهـوم
يكفينـي الله نظـرة الحسـاد وعيـال الحـرام


خلقت جاهل واتعلـم مـن حياتـي كـل يـوم
كثر التجارب علمتنـي والمواقـف كـل عـام


عرفت حزات الدفاع واعرف متى وقت الهجوم
وادري متى وقت العفو وادري بوقت الانتقـام


لكني اخشى مـن الملامـه واتقيـد بالسلـوم
واسكت لياشفت السكات اخير من بعض الكلام


لو اني اعرف راعي الوقفات لاجات اللـزوم
واللي يدس الراس في وقت اللقاء مثل النعـام

[عبسي]

إهداء لصاحب الإتصال الأخير !!

//


يا صاحبي لـو/ طـال درب المعاناه
........لا ينكسر قلبـك وتفنـى عزومـك..!


كلٍ ولـه هـمٍ/ كبيـرٍ قـد أضنـاه
........شف همّ غيرك تصغر أكبر همومك..!



//