سلطان والدقسن 94
السلام عليكم ورحمة الله وبركاته
يالله حيهم
شلونكم ياجماعه الربع
عساكم منيحين
هاذي في يوما من الايام يوم كان عمري 10 سنين كنت جالس انا والوالد الله يطول بعمروه بالحوش
وكانت عند افم الباب ددسن مديله 94
وغاثتن ابوي لاانه حاجبتن الرؤيا عنده عن الشارع
باللي ماهداه وقالي اقلعه عن افم هالباب خلن اشوف هالعالم
قلت ابشر طالع عمرك وافز من مكاني
<<<<<<<< القراده اني توي متعلمن السياقه
الولد تكننوجيا وانا اشغل السياره واحميه<<<<<< خوش ولد تسان الله خلاوه يحمي السياره وهو يبي يحركه خطوتين
الولد يبي يحطه بريوس اثريني انقردت وحطيته برابع
المشكله جدار البيت بوه برواز متقدم له كم سانتي
وهي تنتع الدقسن لانه برابع وانا احسبه ريوس
ولا يرده الا خشم الجدار ماتسمع الا الصبخه طرخخخخخخ
وهو يثور ابوي من مكانوه يبي يشوف وش العلم وانا اتوازى
عاد الحين ابي ارجعه مكانه واثبره
وارجع واحطه برابع <<<<< مقرود لو اينما يذهب <<< متعوب عليه هالكلمه
وطرااااخ ثاني مره بالجدار
الا علمت السياره متكومه قدامه ( يعني خشتي من قدام ولت )
وينزلن ابوي من السياره قلت الحين يبي يقول فدوه <<<<< يترجى خير
وماحسيت الا المخمس الي دار صابري
ويردن بالثاني قال كل هاذي رفاله ماتعرف ترجع السياره يالمرعبل
ولي جعير والله ماعوده
وماعينت على الله قالي اذلف<<<< وحط رجلك ماتشوف الا غبرتي
اثريني جبت العيد بالسياره الصدام على الاشارات كله ربليس
<<<< الولد عنقليزي( ربليس) يعني تغيير
وهاذي قصتي مع الدقسن 94
ونشكر لكم حسن استماعكم
ونلتقي في حلقه اخرى
بابا فرحان استنى شوي
لا لا موعدنا الحلقه الجيه <<<<<< انواع التحريف
رد مع اقتباس
المفضلات