بسم الله الرحمن الرحيم ..
..
السلام عليكم ورحمة الله وبركاته
..
/
..
تدري وش الغبنه ..!! اذا احتجت لأنجاس
................. كانوا تحت رجلك .. وهالحين هم فـوق
تـمـوت مـا تـطـلب ..!! ولا تــرخي الــراس
................. طبعك كذا من .. طــيـنة العـــز مـخلوق
وتدري وش الضيقه ..!! اذا فرحة الناس
................. انك لـحالك تــشكي الهـم .. بــك عـــوق
محـروم وتكـابر ..!! عليـك الـزمـن داس
................. حلم(ن) حلمته ضاع .. والجـوف مفتوق
وتدري وش اللي حابس(ن) فيك الانفاس ..!!
................. طيفه اليـا مـن مـر .. والـدمــع بالمــوق
يفز فيك الشوق ..!! مـع كـل نسـنـاس
................. حر(ن) وحش .. ما برقع ولا بـه سبوق
وتدري وش أجمل كذب ..!! لا جاك هوجاس
................. ضحكتك لـ(اللي) .. يقابلك وأنت مخـنوق
كأنك قوي..!! والا انت ما عاد بك باس
................. واقف ولكن .. من عنا الوقـت محـروق
خذها خلاصة جرح..!! قد صابه الياس
................. ينزف قهر .. منه اشتكى قلب وعـروق
تدري وش اصعب فقد / هو فقد الاحساس
................. وتدري وش اصعب موت / لا مات بك شوق
:
:
:
:
الشاعر
:
:
عبدالعزيز الوادي ..
رد مع اقتباس
المفضلات