سالفتي يوم مباراة المنتخب والمانيا
قبل مباراة المنتخب مع المانيا ( الله لا يعيد اليوم الاقشر ) جلست يومين وانا اخطط وشلون افرك من العمل قبل الدوام عشان اتفرج على المباراة ، وكل خوفي لا ينتبه المدير والنتيجه معروفه :p :p :p انذار وخصم يوم من الراتب.
المهم مالكم بطوله السالفة يوم صليت الظهر وانا اترزز في المكتب عند المدير واطق حنك معاه عن المباراة وعاد ابشره ان الكميرون وايرلندا تعادلوا :confused: :confused: على بالي اننا بنفوز عى المانيا . وشوي وانا اتسحب من مكتب المدير وجري على مواقف السيارات اناظر في الساعه الا الساعه ثنتين الا ربع باقي 45 دقيقة على بداية المباراة وعاد ابي الحق على التحليل الرياضي في القناة الاولى
ومن الاستعجال نسيت اربط حزام الامان وانا مسرع مع القايلة هذيك والا الاشارة حمراء بوجهي قلت في نفسي هذا اول الفال والبشارة عاد بنوقف المانيا غصب عليهم
فكت الاشارة وانا اجيك مسرع الا الاشارة الثانية تولع حمراء قلت عاد ما يبيلها ابي اقطع الاشارة اكيد رجال المرور الحين مترززين عند التلفيون يبون يشوفون المباراة .ومن رداة حظي ما قطعت الاشارة الا وانا اسمع لك هاك الصوت الرنان وراي وي وا وي وا على جنب يا راعي..... وانا اناظر في المراية والا اشوف لك راع الدورية يطرد وراي وناظر في مؤشر البنزين والا اللمبه تاشر انه مافي بنزين على بالي اول بسوي مغامرات معاه.
وانا اجنب سيارتي وانزل منها والعسكري ينزل وقبل ما يتكلم وانا اطق لك العسكري بحبة الخشم وكيف حالك وايش اخبارك وشلونك وينك يارجال من زمان وانت غايب عننا ما نشوفك ولا تمر تسلم علينا ولا تسال كل هذا مشاغل وكل ما نسل ابو عبد الله عنك يقول انكبخير عساك طيب وش اخبارك عساك بخير.
العسكري مسكين انهبل وشك في نفسه اني اعرفه من زمان وشكلي متغير عليه قال المهم امشي علي مهلك واربط الحزام ولا تقطع الاشارة مرة ثانية لا يمسك واحد ما يعرفك ويروح بك للتوقيف.
وانا اجي للبيت وان باقي على المباراة ربع ساعه ويوم بدات المباراة والله لا يوريك جلست اعد اهداف الالمان وانتهي الشوط الاول والا الجوال يرن فيه رساله من واحد من الشباب :D :D :D :D
واقرأ الرساله والا هو كاتب لي
عزيزي المشترك
نرجو متابعة احداث الشوط الثاني بواسطة البلاي ستيشن
مع تحيات اي ار تي
:D :D :D :D :D :D :D :D
صاحبي يفكر اني مشترك في التشفير ويطري على بالي ان المدير مسوي اشتراك وحبيت استخف دمي عنده وابي اعرف هو عرف اني مفرك من الدوام او ما عرف.
واقوم وارسل الرساله للمدير على جواله ويوم انتهت المباراة والا المدير مرسل لي رساله يقول مخصوم عليك اليوم يا مفرك
اخوكم الحربي
رد مع اقتباس
المفضلات