صبحكم / مسسسسسسساكم الله بالخير
<>[] القصيده <>[]
<>[] الأوله تجربه حيث المكاسـب حضـوض <>[]
<>[]والثانـيـه مثلـهـا والثالـثـه ثابـتـه <>[]
<>[]وان كان حظي وقع واصبح يعاني رضوض <>[]
<>[]قلنا سبب طيحته عيـن العـرب صابتـه <>[]
<>[]ماني من اللي غدى ببحور يأسه يخـوض <>[]
<>[]او ينثر الدمع كان اهـل الهـوى سابتـه <>[]
<>[]لا راح نور الحشى رب البرايـا يعـوض <>[]
<>[]وتجيب غيره حضوضي مثل مـا جابتـه <>[]
<>[]اترك عنود المها دامـه لعهـده نقـوض <>[]
<>[]لو هـي كمـا وردة فـي خافقـي نابتـه <>[]
<>[]ولاني من اللي على الغالي يرد القـروض <>[]
<>[]وتبقى جروحي بصندوق الحشـى كابتـه <>[]
<>[]حطيت طبع الوفاء بالقلب مثل الفـروض <>[]
<>[]ولاني من اللـي رفـع للزيـن مشهابتـه <>[]
<>[]افهم بالاشعار واكتبهـا بكـل العـروض <>[]
<>[]ولا نعطي الشعر ليـن حضـور طلابتـه <>[]
<>[]يشهد لي اللي يعرف الشعر مثل الربـوض <>[]
<>[]ولا ودي اجلـب حروفـي مثـل جلابتـه <>[]
<>[]انا كما بارقن وسـط السحايـب ينـوض <>[]
<>[]وكثر السحايب بليل الوسـم مـا عابتـه <>[]
<>[]وانا الذي لا حكى شفت النشامى تجـوض <>[]
<>[]وانا السفيـر الـذي يرفـع فخـر لابتـه <>[]
<>[]والطير لاشاهد الصيدات في وسـط روض <>[]
<>[]تلقـاه يكفـخ ويتـرك ليـن مركابـتـه <>[]
<>[]اصبر على الثقل وامشي في لهيب القيوض <>[]
<>[]ولاهاب كوده اليـا مـن العـرب هابتـه <>[]
<>[]اعطي كلامي صريح اللفظ مابه غمـوض <>[]
<>[]ولايجسـر اللـي قبالـي هـز سبابـتـه <>[]
<>[]وان شفت سبع الخلا يوذيه لسع البعوض <>[]
<>[]ينهان راس يهيـن السبـع فـي غابتـه <>[]
<>[]وسسسسسسلامتكم []<>
رد مع اقتباس
المفضلات