.. 37 Cْ ..

**هلآ الآسلميهـ** · 01-10-2009 05:02

صراحتن مصرنحه ... موضوع يلامس الواقع المرير اللي نعيشه في نطاقي الصحه والعمل والعمال والتعليم ..

أنا قلت نطاقي..؟؟

إلا انطقه ...

كل شي عندنا حوسه ..

بس ربك يعين ..

هزُلت

..

تقلب تحياتي..

**شرهه** · 01-10-2009 05:39

والله انني ادخل لها المستشفى واطلع وانا ادربي راسي

وماعمري لاحظت شين

مار اسمع من هالناس واتهول

المستشفيات وضعها من سيئ الى اسوأ
حسب ما اسمع

ولافيه اي قرار ولا اي شي بهذا الشأن من الحكومه

مع ان الشكاوي كثرت

الله يحفظنا بس

تحياتي

**بنت الجبل آخت القصيد** · 01-10-2009 06:27

أنا آخالفكم الراي

بقول راائي ولاتزعلوون

بكل مكآن صآلح وطآلح صح والا مو صح
واي شيء تسويه ممرضه او ممرض مايعم البقيه
يبقى ذنبه على جنبه

أبوي الله يرحمه كآن يقول اتمنى كل بنآتنا يصيرون ممرضآت
كآن معه سكر ويومياً يأخذ ابر يقول كآن تعاملهن معنا كان ابوه جايه من احترام ورحمه
وهالشيء اللي غالباً مفقود لدى الفلبينيات
وعلى شيء شفته من تحملهن على شيء محد يتحمله غيرهن
افضل مهنه على وجه الارض
قال : " اللي تحفظ دينه ونفسه اتوقع ماله جزاء الا الجنه "

.
.
لكن سبحآن الله بكل مكآن الشر يعم والخير يخص
عسى الله يهدي كل بنآتنا وعيآلنآ

.
.
مشكور يـ فآرس
لاتزعل من كلامي بالعكس انا معك بان هالشيء موجود لكن ماننكر الوجه الثاني

.
.
لآهنت

**يـــوسف** · 01-10-2009 08:29

^
^
^

صح لسأنتس والله

بس للأسف الغالبية العظمى من الموظفين والموظفات بالمستشفيات للاسف فصخــو الحيآآآآآآآآآ ولاعاد يهمهم أحد

وبالذات مدينة الملك عبدالعزيز الطبية بالرياض تنآقض غريب المدينة تابعه للحرس الوطني اللي هو مصنع الرجال

والمستشفى للأسف كنك داخل دار أزياء ولا .....

فارس ربك يعين يالغالي والخيـــر باقي ليوم الدين تطمن ولاتهتم بتصرفات ضعاف النفوس

توسد إحترامي

**بنت الجبل آخت القصيد** · 01-10-2009 08:44

وبالذات مدينة الملك عبدالعزيز الطبية بالرياض تنآقض غريب المدينة تابعه للحرس الوطني اللي هو مصنع الرجال

آآآآآفآ
وانا مخططه آدرس بكليتهم حقت التمريض
بعد شهر يبداء تسجيلهم

.
.

**يـــوسف** · 01-10-2009 08:46

لاوآلله يأعطــر وأنا أخوتس نصيحــه أنحاشي ههههههههههه

وعنــدكم تخصص بآلكويت ممتاز إدرسيه وتعآلي هنا ووظيفتك مضمونة 100%

فيه شباب وبنات طلعو من السعودية درسو بالكويت

**بنت الجبل آخت القصيد** · 01-10-2009 08:48

^
^
وشو التخصص ؟
قلي قبل ارمي قروشي على يوتيرن

**يـــوسف** · 01-10-2009 08:50

أبشــري أبي أعلمتس بس كم تدفعين

عاد تدرين آخر واحد جا قبل شهرين من الشباب وأول راتب أستلمه 9000 بغيت ابتسي من القهر ليتن دارس معه

**أبو فهد** · 02-10-2009 00:10

يقولون ان الشق اكبر من الرقعة

مصيبة لا صرت عاقل بدنيا المجانين

----------------
أبو فهد الهمزاني

**فارس الصحراء** · 02-10-2009 23:52

المشاركة الأصلية كتبت بواسطة الشمـــ نور ــــري

عزالله صدقت...

حنا عندناا حاله من الاهماال والتدهوور في مستشفياتنا بصووره كبيره..
بأختصاار اهماال واستهتار ...

و عندناا ممرضاات الله يهديهن تجيك من الصبح خاطه الكحل واللمعه فوووق العين
عيوونها لحالها عرس كامل

عفيه مزااج ونفسيه على هالصبح...

ولا موظفين الاستقبال هذوول موضوع لحاله...\

فارس الصحراااء...

تسلم يمينك ع هالموضووع لاهنت اخووي...

اي بالله صدقتي .. ان الواحد يبحل بعمروه لا راح للمستشفى ..

يسلمك ربي يا نور منورتني .. ثانكيوووووووو