خبر سار للجمهور السعودي ...

**عبسي** · 23-09-2009 17:24

السلام عليكم

اليوم دخلت على موقع الجزيره الرياضيه كالعاده أبي اشوف وش المباريات المنقوله على الجزيره تفاجأت أنهم ناقلين مباراة حصريه على الart !!

مادري هل العقد الجديد ينص على نقل المباريات الحصريه مع الart أنهم ينقلونها على بلس !! الله أعلم

المهم تفاجأت أنهم من ضمن المباريات اللي ناقلينه مباراة الهلال والوحده اللي ماراح تنقله لا ابوظبي ولا الخشبيه ..

إذا صدق موقع الجزيره أنهم راح ينقلون المباراه راح تكون مفاجأه للجمهور السعودي وخاصه مشتركي الجزيره << آحم آحم أرفع راسك ههههههههههه

من ناحيتي والله أني مبسوط لأن اللي مايدخنون يعانون بالمقاهي والله إذا طلعت من المقهى

كني متبخر دخان << مدري شلون جت ههههههه

وأنا شايل هم يوم الخميس لأن ناوي أتابع كالعاده بالمقهى

واترككم مع جدول مباريات الدوري السعودي

المصدر

http://www.aljazeerasport.net/

اللي يبي يتأكد يروح على أحداث هامه ويدخل على الدوري السعودي ويطلعله الجدول الخاص ..

تحياتي لكم ..

**مالكم بالطويله** · 23-09-2009 17:56

الله يبشرك بالخير يا عمدة .

الحين صار للجزيرة طعم ... وعقبال قناة الزعيم .

وكل عام وأنت بخير

**أحمد** · 23-09-2009 23:10

انا اتوقع انه خطاء مطبعي

وانصحك تحط موقع كورة عندك بالمفضلة لانه يعطيك كل المعلومات عن المباريات المنقوله على اي قناة ومن هو الحكم والمعلق وعلى اي ملعب تلعب المباراة ...

تري مكاسي يالعمدة

**بسمة العز** · 24-09-2009 06:38

سمعت ان الجزيره وصلو لـ اتفاقيه مع الـ اي راتي
وبينقلون بعض مباريات الدوري^_^

**عبسي** · 24-09-2009 09:52

المشاركة الأصلية كتبت بواسطة مالكم بالطويله

الله يبشرك بالخير يا عمدة .

الحين صار للجزيرة طعم ... وعقبال قناة الزعيم .

وكل عام وأنت بخير

مبطي وهي له طعم الجزيره بس كل ماله يزووود

وقناة الزعيم خلاص وقعو مع العارتي ب40 مليون

وكل عام وأنت بخير يالغالي

**عبسي** · 24-09-2009 10:03

المشاركة الأصلية كتبت بواسطة الجثري

انا اتوقع انه خطاء مطبعي

وانصحك تحط موقع كورة عندك بالمفضلة لانه يعطيك كل المعلومات عن المباريات المنقوله على اي قناة ومن هو الحكم والمعلق وعلى اي ملعب تلعب المباراة ...

تري مكاسي يالعمدة

هلا بك الجثري

يالغالي ماهي سالفة خطاء مطبعي إلا الآن وجدول المباريات موجود !!

أما بخصوص منتدى كوره مبطي وهو عندي بالمفضله حتى عندي عضويه معهم ودخلت عليه ونفس كلامي حتى دخلت على منتدى الجزيره اللي بموقع كوره ..

على العموم موعدنا قريب ونشوف وإن شاء الله يطلع الخبر صحيح يالعشير

**عبسي** · 24-09-2009 10:06

المشاركة الأصلية كتبت بواسطة بسمة العز

سمعت ان الجزيره وصلو لـ اتفاقيه مع الـ اي راتي
وبينقلون بعض مباريات الدوري^_^

ألحين صار صحيح

ومن شروط العقد نقل المباريات اللي تنقله الخشبيه وأبوظبي ومباراة مشفره حصريه فقط ..

^

هذا اللي قريته وسمعت عنه

حياك بسمه

**عبسي** · 24-09-2009 23:12

المشاركة الأصلية كتبت بواسطة الجثري

انا اتوقع انه خطاء مطبعي

وانصحك تحط موقع كورة عندك بالمفضلة لانه يعطيك كل المعلومات عن المباريات المنقوله على اي قناة ومن هو الحكم والمعلق وعلى اي ملعب تلعب المباراة ...

تري مكاسي يالعمدة

وأقتبس ردك مره ثانيه يالعشير

وأقول صدقت بالغالي

والله من العصر وأنا مسنتر من المغرب أنتظر المباراة يوم جت الساعه 8 وعشر ماطلع شي وأروح سيده لموقعهم وإلا الآن موجوده في الجدول !!

حتى البارح بنشرة الساعه وحده اللي على الجزيره يوم استضافو الضويحي قال المقدم راح ننقل مباراة الهلال !!

على العموم أعتذر للجميع ..