بسم الله الرحمن الرحيم
السلام عليكم ورحمة الله وبركاته
طليس .. يوسف .. عويذت الله من شرك يا شين اكتب ويوم خلصت الموضوع طفا الكمبيوتر
..
شكل معك مسس .. >> تعرف المسس
..
طليس يا طليس الفلس ..
..
^
^
قصة المثل ..
لا لا ابي اعطيكم نبذه عن طليس ..
..
طليس هذا سلمكم الله من دهاة العرب المنتهين .. اللي ما يدرون وين هي هابه ..
الوكادطليس هذا رجل معمر عمره فوق الخمسين الف عام .. >> لقب به احد الاعضاء هنا !!
هذا الشخص كثر اللغط حول حقيقة وجوده ..
..
وانا اجزم بانه موجود .. حيث ورد ذكره بانه كان يحفظ قصايد المهلهل زعنتر .. وقيس
..
وانه كان مرسال الحب بين عنتر وعبله .. وقيس وليلى
..
الوكاد انه هالشخص يقولون انه اختفى له اكثر من عشرين سنه ما يدرون وين راح ..
..
لكن انا حصلت على سالفه من سوالفه ..
..
يقولون انه .. عشق وحده بدويه .. من البدو اللي قبل ميتين سنه ..
..
ما هم فيدين الفصحى لا فيدين اجدعه .. وطخه .. ويا عمي الشيخ .. والعلوم هذي
..
وكانت اللي عاشقها بنتن مزيونه وكل فرسان القبيله .. هاوينها ..
..
وهي هاويتن واحدن .. شجااااااااااع وطوله يخرع احمرن ما شاء الله عليه ..
..
كان طليس يجي عند ابو البنت ويجلس .. لأخر الليل ..
ويقصد على ابوها قصايد قيس بليلى .. .>> على باله نذخ
اغدي البنت تعشقه وتحبه ..
..
..
الوكاد .. بليلتن من الليالي وكانت قمرا .. و ليلتن ما هنا احلى منها
..
الشيطان لعب براس طليس .. وقاله .. رح تعلل مع البنت ..
لأن البنت كل ليله اربع طعش .. تجلس لحاله بحدا الحزوم ..
..
فهذا انطلق هاقين بنفسه .. ومتزكرت ..
..
وهو يجيها .. يا مار البنت تبكي ..
..
هو استانس جتك يا مهنا على ما تمنا ..
..
وهو يجلس بجنبها على طول ..
..
وهي تنز ,, وتطالع الى طليس .. ودار بينهما هذا الحديث ..
..
وكان اسمها سعدى
..
طليس : مساك الخير يا الاجوديه
سعدى : طليس يا ملا العمى وش جابك
طليس : افا يا سعدى اسمع مناشقك ولا اجيك
سعدى : وانت وش دخل خشمك بالسالفه
طليس : وش لون انتي ما تعرفين معزتك ولولا الله ثم انتي ما قعدت بالديره
سعدى : اكويني وش عندك يا طليس الفلس >> هذي سالفة المثل
طليس : تعرفين عنتر ؟؟
سعدى : وش عنتره ..
طليس : عنتر قصد قصيده وعدي انا قاصده .. وهي تعبر عن حالتي ووضعي اللي انا عايشه
حيثه يقول .. بحبيته ليلى ..
امر على الديار ديار ليلى .. اقبل ذا الجدارا وذا الجدارا
وما حب الديار شغفن قلبي .. ولكن حب من سكن الديارا
سعدى : ( طبعا ما فهمت ) طيب وش دخلن انا يا سعدى بالقصيده
طليس : جالس على ركبه ويبكي .. تكفين يا سعدى انا احبك وابي اتزوجك
واكون عايله .. وابشرك ابي اتوظف بأرامكو ..يبي يتوسط لي ابو غازي عبدالله الجعيثن
سعدى : واجليك فلان ( عشيقها) طس انت وخشمك اللي مضايقني تصدق يا طليس
كل ليله احلم بوه واحلم بأن فلان قاطعه ( عشيقه )
شوي والا فلان جايهم ..
..
وطليس ما تشوف الا غبرته ..
..
..
وتسنه عاشق ويقلد قيس ..
..
حافظن قصيده لحدا شعراء النبط .. ويقعد يهذري ويقول
..
[poem=font=",5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
البدو غربال القلوب العشاشيق = يا ما عديت خلافهم واتعبوني
ويا ما بديت بعاليات الشواهيق = اخيل في عيني توال الظعوني
قفوا لهم كع كل حزم(ن) طواريق = يكن يصير العصر ما ينزلوني
عودت اداري عبرتي خاطري ضيق = الله يجفاهم مثل ما جفوني
لديت للمرحان بيض اللواهيق = ما فيهن الا بايدات الشنوني
تذري عليهن مذريات العصافيق = قفر(ن) به القمري يجر اللحوني
يا ونتي ونة صويب التفافيق = في ساعتن والقوم ما يمنعوني
خلوه ربعه عقب ما نشف الريق= واقفوا يطالعهم وهم يطردوني
عند التوالي ينطلون المعاليق = ما هم بيمه ليتهم يسلموني
وخلوه ربعه طايحن في مشاقيق = ما عنده الا الطير حسه ينوني
[/poem]
:
:
وهذاك علمهم بوه ..
..
يقولون انه مخاوين له واحدن ينقاله العريف دحام .. براي لله على ذمة الراوي
:
:
:
والله اني اغليك يا يوســــ....
..
..
تلولسوا بتحيتي ليس بلحيتي
:
:
:
بقلم // فارس الصحراء11
رد مع اقتباس
المفضلات