/ ذكرياتي اطلق من ذكرياتك /

**يـــوسف** · 07-09-2009 08:53

ابنخش لكم من الحويل

بعــرس عمي وانا بصف سادس تقريبا

وبالزفه وانا قدامهم معي عصا اضرب بوه الوغدان يقالي حماية شخصيات ههههههههه

وانا انطرب على صوت الطقاقات واتلطم وأطلع الطرطعان وأولع

وأقطوه بوسط الحريم هههههههههههههههههههههههههههههههههه

وهن يقمزن انحاشن

ومن الخرعه كنت مولع طرطعانه واحط بيدي وأدخله بمخباي بسرعه وهي تنفجر بيدي

والله ياجاني تشويت اللي قهرن حتى الطقاقات يتكلمن علي

وللحين اوجس طعم الطراقات اللي بالاذن جني

كش وجه والله من القراده

**روح حايل** · 07-09-2009 08:55

هههههههههههههههههههههههههههههه

ايه يالمنطعج ماهي بنافعتك حماية الشخصيات ههههههههههههههههههههههههه

الا منهم الطقاقات

فووووز نبيتس تجيبين لنا من هالقديم نخشي نخشي

**روح حايل** · 07-09-2009 08:59

انخشي يام الهكي انخشي

جت هالسالفه اسمعوه

مره اخوي دايم يقول من اسرع وحده بكن انتي ولا فلانه وحنا ننفلت نجيب الحاجه اللي يبي

وكل مره هلون يسألنا باسلوب تحدي

مره قال من اللي ظفر صبعه الصغير اطول

واقز صبعي ودي اقول انا بس مايجمل مقصوص الا اختي قالت هيه انا انا

قال اشوف وتجي مبسوطه

قال اجل تعالي انقشي لي هالجلبه اللي بخشمي

شلون تسبودكم هالحين

**عبسي** · 07-09-2009 09:10

^

أويلي ياتسبدي

يالربع ام عبيد خرفت هههههههههههههههههههههههههههههههههههههه

**روح حايل** · 07-09-2009 09:11

^

عاد ما اذكره الا لا شفت خشم عبيد

**فوووز** · 07-09-2009 09:14

هههههههههههههههههههههههههههههجيتك مقلبه ذكرياتي لين طلع لي هالموقف مرتن من المراري كانت اختي الكبيرة توها مسافره الفجر للشرقيةوأنا عاد فاقدتها ويوم قمت مالقيتها قمت أصيح وأهل العباير وطلعت أنا وأخوي الصغير نتمشى بالمزرعه ويوم رجعت قلت شفت أختي فلانه راحت للشرقيه

**عبسي** · 07-09-2009 09:14

ودي اضحك وأبتسي جميع

أم عبيد والله انك طبيتي الفيضه

**يـــوسف** · 07-09-2009 09:16

فيه واحد من الجماعه غاثني بس يعلم علينا

وهو يدخل بحدا الايام دورة مياة والدريشه حقته كبيرة وواسعه

وهم يروحون 3 من العيال كبار ويتماسكون ويسكرون الباب عليه من برا

وأنا ومعي ولد عمي معنا ضبان ياكبرهن وسود

وولد عمتي معوه بسه تاغصينه غصب

ونقطهن بوسط الحمام عليه

وهو يقوم لوه صيآح ومانسمع الا صفق داخل والبس ذبح الرجال

والرجال ينخا ياشمر ياسناعيس افزعووووو يالطنايا ههههههههههههههههههه

وهو يسحب الباب والعيال الكبار يحسبون

وهو يطلع مع الدريشة هههههههههههههههههههههههههههه

ويركش بالحوض من الخرعه وبطانوه

ام عبيد الجلبه يابسه ولا لينه <_ تسبدوه ماش هههههههههه

**روح حايل** · 07-09-2009 09:18

العمده

ياربيه خلنا ياخي نفضفض من زين هالعلوم اللي نقراه ولا نشوفه ههههههههههههههههههه

فوز ياشين الفراق قسم بالله صعب اخبر اختي يوم سافرت مع رجله وهي الخبله تصرخ بالبيت

تقول : مع السلامه

قالت امي وجع وليه تصرخين؟

قالت ابي باتسر يطلع صدى صوتي وتذكرونن وتبتسون هههههههههههههههههههههههه