المشــرف العام الله لايهينك شرفنا
السلام عليكم ورحمة الله وبركاته
مساء الخير ياوجيه العشيره <_ خاش جو للحين
بدون مقدمات نخش على طول بالموضوع
خالي ابو سلطان أنا مجروح والشباب ماقصرو بي
وكل من جا قط علي كلام وانا تخبروني ماأداني
بما إنك قلت لي طليس
وانا ماعرفته
والشباب اهانو مشاعري بالكلام
وكل مارديت بموضوع قالو اخس ياطليس ويضحكون
ويرسلون على جوالي من ارقام ثانية
ويخلون اخوياهم يكلموني ويضحكون مشغلين السبيكر
وهذا كلام بعض الشباب
عبدالله الجعيثن / طليس شايبن بحايل يسولف سوالفن ماش
الشبث / يقول ان طليس خبلن بعهد الأمويين وكانو يلعبون عليه
عايد غابر / يقول ان طليس هو اول من راقب النجوم <_ ماخشت مزاجي قوية
شنقل / يدق علي ويرسل على جوالي ويخسخس بي
الجثري / يقول ان طليس يعني انهن يقرننك ماهو انت تقرنهن
ودقيت على ابوي يوم سئلته
قالي كلام طويل عريض مضمونه تهزيء وغسل شراع وقفل بوجهي
عمي يوم سئلته قالي وينك قلت بشقتي
قال لاتحرك بكرا وانا عندك وتفل وقفل بوجهي
وابيك يابو سلطان تبين لهم وشو طليس
لأني آدري مايجي منك الا الطيب وهذولا ماش
مقاصدهم ماهي زينة يبي يخسخسون بي بس
<_ يبي يسوي مظاهر بأسكان الحرس ويشب كفرات
ويرمي شعال فوق الدوريات
أخوكم / المظلوم الحزين اللي ماينام الليل من الهم والتفنكر يوسف
<_ يبي يكسر خواطركم علشان تعلمونه
رد مع اقتباس
المفضلات