فارهـ [ ماوس ] زرادية وش معناها ؟؟

**عبدالله الجعيثن** · 03-09-2009 15:27

^

^

ايا غذيّ الذيب.......

**تحت المجهر** · 03-09-2009 17:30

مسكين يوسف

ههههههههههههههههههه

و الله لا جا بالصحيح و أنك حاضرن دورهم الظاهر أنك تصير مثل جحا و ألا أشعب

كان تصير من طرائف التاريخ العربي

أقول أحمد ربك أنك عايشن بيننا ألحين
كل يوم عند الحلاق تحدد السكسوكة
و تتعشا يالمكدونالدز

هذولا لو هم شايفينك كان تغسل خيلهم بالمواقف
معاك سطل و منشفة

هههههههههههههههه

يو سف لا تزعل مني بس هذا تصوري عنك

يوسف أنت قلة حجاج بكبرك
لازم يسوون لك قسم بالمضايف
أسمه
قسم يوسف للمزمزة

أنت صديقي

**يـــوسف** · 03-09-2009 18:35

^
^
بالله عاد يوم انك تخيلت ماتخيلت شين زين

حاسدن متعاجز تسذب علي وترفع بي وتقول مدير اسطبلات

لاهنت ياراعي المجهـر وانت من اللي يزورون التاريخ

-
-

ابو غازي طليش خوين لي بس اللي اعرفه مصري ماهقوتي ان ابو سلطان يعرفه

عايد ياملا الموليه ترو الشفاية صفقت إ مبيراته

عجزت انام اليوم منتفخ خشامي وأون من القهر

**أحمد** · 03-09-2009 18:49

طليس

ههههههههههههههههههههههههههههه

اما عاد طليس ليه وش انت عامل يايوسف شكلك مخربه هللي اودع ابو سلطان يقولك تعرف طليس

لا ومخلين ولدوه سلطان يراقب

انا رايي من راي ابوغازي

نمزمز على الرجال

**يـــوسف** · 03-09-2009 18:54

الجثــري

حتى انت معهم

ليه يالجثري وانا الليلة ناوين اسير عليك

بطلنا الله يلعن اللي يسولف لكم سالفة تاريخ

<_ زعل الخبل

الشبث خالي الضاري احذفو الموضوع

**أبو فهد** · 04-09-2009 01:04

يادارنا لا ترهبي يومك سعيد ** حنا حمـاة الدار ..وشـبّ اشـعالها

هالبيت ماخذوه من مجلة كابتن ماجد

ابشرك بننصف التاريخ و بننصفك نصفين و حلها عندي و انا ابو فهد

بعدين تعال بسألك انت يوم كتبت هالموضوع وش دخل ام الموضوع بعنوانه

وش جاب الزرادية لمعركة الصريف

إلا إذا كان الواحد يقصع و يتسلى بهالكازرادية

انت و صورتك اللي يبي لها فلي شوشة

**يـــوسف** · 04-09-2009 02:28

^
^
^
بالله علمــوه ان شوشتي سبب تجمع 14 دورية مرور قدام شقتي بسبب التجمهر وشقتي قدامه ثآنوية

شف يابو فهـد ماآعرف اختار عناوين ولازم أكتب اللي يطري على بالي

مره طرى شين مروح وكتبته وحذفو موضوعي

عادي توغع اي شي

**الشمـــ نور ــــري** · 04-09-2009 03:32

اي صح التاريخ محرف اشياء وملغي اشيااء
اصلا انا ابوي وجدي دوم يسولفون لي عن فارس اسمووه يوسف العطااوي
وانا كنت اجهلووه بصرراحه بس يووم قالولي انووه مشارك بنص معارك التاريخ زاد اعجاابي فيه

الا يا يوسف الفارس يوسف العطاوي شارك بالحرب العالميه الاولى...بذمه اللي قال انا مالي شغل

**يـــوسف** · 04-09-2009 04:08

بالنسبة للحرب العالمية اختلف المؤرخون على هالشي وقالو انه انطعج مع قنبلة هيروشيما
<_ مايبلش بالتسذبه

وآشكــرك على هالشهادة وتري اسمك يسجل بالتاريخ بسبب شهادتس هذي

لاهنتي يانور على هآلكلام والشهادة اللي ترجح كفة الفارس يوسف

**فتى البيداء** · 04-09-2009 04:48

يوسف ابقولك مثل قولة ابوملوح لأبو ترند ((أنت ماتجوز عن التسذب ))

لصرت أنت مشارك بمعركة الصريف .. وأنا وش مشاركن به .. هاه ؟؟ ماتقول وش أنا مشاركن به ؟

ياحبيبي تشهد لي .. أشهد لك .. تحوص أكب عشاك .. << الدنيا مصالح يقوله شنقل