/ ياكبرها عند الله /
سلام من الله عليكم
اني احس بالفاجعه ياهل الفله بل وغصه محشورتن ببلعومي
ومر بتسبدي
ارتفع الضغط ولا يهون السكر
ليه هلون ليه ؟
شفت لي مصيبه
اويلي يالخررررررررررررط والفشخره
شنطه حريم ياعالم تسوى له 10 الاف ريـال
ليه هي ارض ؟
والله ياعالم شين ب4000 وشين ب5000
لااااااااااااااااا
واللي غابنن تقول راعيتهن انهن مخفضات
هذا وهن مخفضات الله لا يبلا !
والحل معكن انتن وشسالفتكن ماتخافن الله ، منتن محاسبات على ابو هالفلوس
1000 ريـال هذي تحل ازمه
فما بالك كلما زادت
ماهو تفشخرن بشنطه
لااااااااااااااااااااا
لاااااااااااااااااااااا بعد والله لو تشوفونه انكم ماتعطونه 100 ريـال
ياملا الهبال بس
مدري وشجاهن منهبلات حتى بالمسايير يحطن رجل على رجل وغزت اكسسواراته وقامت له لجه بالماركه الفلانيه والعلانيه
يملا المصع
طيب استحي يختي ماهو كل الناس تشري ماركه بوه ناس راتبهم كلوه بقيمة شنطتس هاللي شاريه
انتي وغيرتس ماسويتن خير بالمجتمع ! تدرون ليه
لان الحرمه اللي تتفشخر بقولة ماركه وشريت وشريت راح تولد الغيره من اللي حوله
اذا كانت المستمعه تتأثر بالكلام ، لا بالله ماسويتي به خير
بتلج على رجله ولا امه ولا ابوه وابي وابي !!
ياحريم اتقين الله ، لا تقلن فلوسي وراتبي والا ابوي ماهو مقصر علي ولا زوجي
ولّا هذا من قول الله تعالى: ( فاما بنعمة ربك فحدث )
لا بالله الا هذا الخرط بعينوه
وصدقينن اللي عندوه خير مايحتسي بوه بقولة شريت وشريت ، واللي يحتسي والله من النقص ،
لاااااا ويمكن يقولون بدويه طاحت بمريس
عاد انتي وحظتس
وتذكروا رب العباد اللي امرنا بالصدقه، وخير
الصدقة ينفقها العبد لا تدرى شماله ما صنعت يمينه
شوفوا سبحان الله هذي وهي صدقه اللي به عظيم الاجر
الله يهديكن بس << وشعقبوه
ام الهكي للديرم والبراقع
.gif)
.gif)
المفضلات