العيطموس

**خالد الرقيبا** · 31-08-2009 20:06

امل ان تحوز على رضاكم

العيطموس الساحره حسنها غير
ماهي مثل كل البنات المزين

اللي غلاها خذر الجسم تخدير
وحبه لو اخفيته عن الناس بين

فيها يابو ضاري تضيع التفاكير
زينه طبيعي البلى لو تزين

هذيك لو طبة بوسط الجماهير
كل البني عن ساحة الحفل عين

من جيته ياخوك ماعيين خير
كنه تقول لمن تحداه هين

مالة وفكة عن نحرها الازارير
وشلون وصف القطن لاصار لين

**عبدالله الجعيثن** · 31-08-2009 22:55

خالد الرقيبا

صح لسانك

ابيات جميله جدا

لكن لي ملاحظه على هذا البيت

هذيك لو طبة بين الجماهير
كل البني عن ساحة الحفل عين

الشطر الاول

به ثقل واضح حتى على اللحن

**ريوف** · 31-08-2009 23:42

*
*

صح لسآنك أخوي ونفس الملآحظه .. لآحظت الثقل ..!

فـ لو أنك قلت :

هذيك لو تختآل بين الجمآهير ..!!

لكآن أفضل ..!

وأبو غآزي أعرف منّي لكن كذآ أتوقع يكون حآل الشطر أفضل ..

:
:

**صلفيق** · 31-08-2009 23:54

صح لسانك اخوي خالد الرقيبا

انا مقدر أقيّم الشعر من النواحي الفنية
لكن أهل مكة أدرى بشعابها..!

ومادام تكلموا أهل الشعر >>> انا وامثالي نسكت.

بس بصراحة ...

روعة ماجئت به.

واذا هذي أول مشاركة لك >>> ياحظنا بالجايات

لاهنت اخوي خالد

احترامات لك

**خالد الرقيبا** · 01-09-2009 01:56

مساكم الله بالخير جميعا

شاكر ومقدر مروركم الكريم وتعليقاتكم العطرة

فعلا الخطا من الكتابة فعندما قمت بكتابتها نسيت هذة الكلمة وهي بوسط بدلا من بين

هذيك لو طبة بوسط الجماهير
كل البني عن ساحة الحفل عين

شاكر ومقدر مروركم الكريم وملاحظاتكم

وتقبلوا احترامي