[align=center]
نامت العوائل بشقتهم بعد يوم طويل من التعب والغرابيل وجرجره الاقسام
وصحى الجميع على صياح بنت اختهم السنعوسيه
ويقمزون يبون يشوفون وش السالفه
يوم جو البنت خير وشفيه
قالت امي مدري وينه
قال ابو عارف وين راحت متى علمتس به
قالت مدري يا خالي نمنا البارح وهي عندي
يوم قمت الصبح ما لقيته مدري وينهي
وينتشرون الاخوان الثلاثه وعيالهم بشوارع دمشق
ومافيه شارع ما راعولوه
وكل مكان
مافيه امل
يوم جاء الظهر وهم يروحون لشقتهم يبون يرتاحون ويتغدون
يوم وصلوا الشقه ولا هذي اختهم عجايب موجوده بالبيت
قال عبدالله الجعيثن بسم الله الرحمن الرحيم
هذي منين طلعت
قالت بنته يا خالي امي كانت مسيره عند جيراننا
قال عبدالله وشو
مسيره
ليه بالديره حنا
يافضيحتنا
قال ابو ضاري وش فضيحتك منوه انت وخشمك
الديره ما تعرف به احد
ومثل ما يقول المثل
قال ابو عارف اقول البخ انت وامثالك
وتعالوا خلونا نشوف برنامجنا وش نسوي اليوم
قال شنقل نبي الارض السعيده
واللي يرحم والديك يبه نبي نروح يمه
والله لا اموت لو ما رحنا يمه
قال ابوه موتت التسلب
واربض لا اكوفرك انت وقميص هالوم اللي لابسوه على بالك كاشخ
ويتفقون انهم يروحون العصر لمدينة الملاهي
وبالليل يروحون لحديقة يتمشون
وجاء العصر
وانطلقوا العوائل رايحين للملاهي
ويتطشرون العيال
وهذا حيل حليل يلعب بالسياراة ويصادم خلق الله
وهذا شنقل مسوي فيها رومنسي وجالس على طاوله لحالوه
وهذا الشبث يتهاوش هو واخوه ريال الفسحه عند حدا الالعاب
وسناعيسو جالس عند العوايل ولا يبعد عنهم لاوه اصغرهم
والبنات طاقاتن النقابات ومتكيات عند اهلهن
ما يطبقن قاعدة بعض السعوديات من ترتسب الطايره فصخت الحيا
وفجاءه
اجتمعوا الناس
وهم يروحون ابو ضاري وعبدالله الجعيثن يمهم
ولا مجتمعين يراعون لبناخيهم الحنشل
وحده سوريه تراعيلوه تقول يا الله شو هيدا
ادمي وراسو بلووور مش مصدأه حالي
( تشوف راسوه لاعبتن بوه الثعلبه تحسبوه قزقز تشوف لمعتوه )
والامن عندهم يقول بعدووووو بعدووووو ممكن يكون مخلوق فضائي لحدا يأرب لوووو
والولد يا حبة عيني مسطبل وفاغرن افموه بينهم ولا يدري منين هي هابه
وهو يدخل عليهم عبدالله الجعيثن
قال يا ناس وش قصتكم
هذا ولدنا وشو فضائي ومائي
قولوا الله لا يبلانا هذا بوه ثعلبه
ويتفهمون الربع السالفه ويتفرقون الناس
ويجلسون بالملاهي لين غابت الشمس
ورجعوا لشقتهم
وقاموا يتقهوون ويريحون شوي
قال ابو عارف هااه وين تبوننا نروح يالربع
قال شنقل يبه نبي نروح لمرقص
هو قال مرقص ولا ما قاله
ولا الدله جايتوه تمشي مليون وتصفقوه بالحنوك ولا منصفر من امس
قال ابو عارف خلوه هالداشر لا تراعون لوه
قال ابو ضاري يابو عارف لا تواخذوه هذا خبيل
هذولا هم اغلب شبابنا
هذي عقلياتهم
تفكيرهم ان السياحه هاللون
قال ابو عارف وانا وش علي من شباب السعوديه انا علي من شبابي
قال ابو غازي امحق شباب
وتسانك تحسب هاللي عندك شباب ترك ماخوذ
قال ابو عارف المهم
وين تبوننا نروح يالربع
قال ابو ضاري على اتفاقنا يابو عارف نبي نروح لحديقه ونتعشى هناك
ونتابع بالجزء القادم ماذا يجري من مشاكل لهذه العوائل
وتقلدوا تحيتي
[/align]
رد مع اقتباس
.png)
ههههههههههههههههههههههههههههه.gif)
هههههههههههههههههههههههه.gif)
.gif)
.gif)
المشاركة الأصلية كتبت بواسطة الشبث
المفضلات