الشاعر محمد جارالله السهلي::
يا سلام الله سلام ملـوك وشيـوخ وفخامـه....
ما يساق الا على رجال يسـوى لـه قبيلـه ....
عطلّوا ثلثين خلـق الله ومـرزوق بدوامـه....
مادخل في روضة المسجد مع اصحاب الفضيله ....
مرزوق العتيبي:.....
مرحبا رحب امبراطوري وفي راسه قرامه....
في الحضور وفيك يا رجال ما نلقى بديله ....
يا محمـد لا تلحقّنـي مشاريـه وملامـه....
وانت خابرني طويل وخطوتي مثلي طويله ....
الشاعر محمد جارالله السهلي:..
من غلا مرزوق .. نتركها ذكا ولا غشامه ؟..
في الامور الممكنه ولا ّ الامور المستحيله !...
ليلة البـارح تغشّتـك المخيلـه والغمامـه....
مير ما ابتلت يدييك من الغمامه والمخيلـه ....
مرزوق العتيبي:.........
الوسيله .. دون .. والغايه على راس العدامه....
وانت في الغايه تبرر لك يجـي 100وسيلـه ....
بكرة المصلاح جتك مشمله يـا ابـو دلامـه....
وانت ضيّعت الصرار ومنك يا كبر الفشيلـه ....
محمد جارالله السهلي:
لاتقول انك الوحيد اللي على راسك عمامه....
خابرك قدام هـذي كـل حمـل ٍ ترتكيلـه ....
عيبك انك تنشد الكذاب وتصـدق كلامـه....
وضعت باول متر وانا احسبك رجال ٍ دليله ....
مرزوق العتيبي:
انت لو تنزل بك الاقدار في وادي تهامه....
تلدغ لحيه وتشرب سمها في كـل ليلـه ....
مرثعن في نصف خلق الله وقوّمت القيامه....
ما تخبّا غير في لبا وفي العين الكحيلـه ....
الشاعر محمد جارالله السهلي::
صاحبي مرزوق .. واستاذي ويعجبني نظامه....
آتعلم منه .. وآساعد علـى تطويـر جيلـه ....
ما يجوز انّك تصلي دون .. تكبير وإقامـه....
خل قوم الليل للي تقدر عظامـه تشيلـه !! ....
مرزوق العتيبي:
يا سلامه لا تحاول .. لانجاه ولا سلامـه....
لين تهدر للجمال وليـن تشتـال الثقيلـه ....
انت شاعر ما علي من اللي يقول الوسامه....
يا حليل اللي يقول القول هذا يـا حليلـه ....
الشاعر محمد جارالله السهلي:
مشكلة مرزوق .. يحسبني بلا عقل وفهامه....
يوم انا غالبه حيل ويوم انا غالبـه حيلـه ....
ما بلشت بضايع التفكير والخبـل الهلامـه....
جا على بند الاجور وقام يشمت في كفيله! ....
مرزوق العتيبي:
كل واحد محترم يفرض على الناس احترامه....
والجزيله مالها الا كـف عشـاق الجزيلـه ....
يا محمد واصل الغارات في حرب الرغامـه....
لين تطلع سابق الفارس ونعرف وش حصيله ....
رد مع اقتباس
المفضلات