يا طبطب يادلع
مساكم عسل يا حلوووين <<<مو تقولوا عليها كلام غير لائق
والله ما ادري من فين ابدأ...
بس وأنا معاكم في الفله.. رن جوالي وتطلع وحده من صحباااتي
وجلسنا نتسامر ونتجاذب أطراف الحديث وقولت لها فين الغيبه ؟؟
لأنها بالعادة اسبوعياً تتصل فيني.. بس فجأه انقطعت ؟؟
وجلست تقولي حكايتها
اسمعوا ... هادي صاحبتي تخرجت من الجامعه
وتعينت معلمة طبعاً (تخصص خياطة)
وللأسف التعيين ما جالها في نفس المدينه >> المدينة المنورة يعني
جالها في قرية تبعد عن المدينة 400 كم
واكيد الكل يعرف حال سكان القرى
المهم.. تقولي كانت في لجنة اختبار عملي للطالبات
وهيه بتمر بين الطالبات وتشووف شغلهم صح أو لا
جات للطالبة... ومسكت القماش حقها وجلست تشووفه
فقالت للطالبة... شغلك صحيح بس مو إللي أنا طلبته منكم يا (((حبيبتي)))
لاحظوا قالت يا (((حبيبتي)))
المهم انتهى الاختبار..... جاء اليوم التاني
إلا وأم الطالبة جايه المدرسة تقول وحده من المعلمات
سبت بنتي وغلطت عليها بالكلام... سألتها المديرة مين هيه المعلمة
قالتلها المعلمة فلالانه !!!
نادوها >> اللي هيه صاحبتي
وجات الإدارة.. وبس دخلت إلا وأم الطالبة تتلفظ عليها بالكلام
إنتي ما تستحي .. كيف تغلطي وتسبي بنتي وتقوليلها يا حبيبتي!!!
صاحبتي...تفاجأت.. وحاولت توضحلها لكن للأسف
الأم تمادت بالكلام.. ارتفع ضغط صاحبتي وقامت بينهم خناااقه
وصلت لتعدي أم الطالبة بالضرب على صاحبتي
بس الحمد لله المديرة والمعلمات مسكوها لآخر لحظة
وانتهت الحكاية على هدا الوضع
بعد كام يوم.. تتفاجأ صاحبتي
إنه يجيلها إشعااااااااااااااار من المحكمة بالحضوووووووووووووووووووووور
خير إن شاء الله .... لمن راحت للمحكمة سألت إيش الموضوع وليش طلبتوني
تتوقعوا ليش؟؟؟؟؟؟؟؟؟؟؟؟؟؟؟؟؟؟
طلع ولي أمر الطالبة ((مشكتي على صاحبتي بإنه قذفت بنته )))))
بس عشان كلمة ((حبيبتي)))
والله مشكلة
طيب إحنا كلامنا كدا.. متعودين على الكلام الحنين والكلام الحلووووووووووووو
ليش يعتبروووه كلام غير لائق ؟؟؟
بس حبيت تشاركوونني بردودكم الفله واللي اعرفها
المفضلات