اقدمها لكم .............
اعتذر عن الغياب الطويل.....:
لكن...
اينما ابتعدنا تجدنا نقترب .....واين....... في قلب المضايف
[poem=font="Arabic Transparent,6,,normal,italic" bkcolor="transparent" bkimage="" border="outset,4," type=1 line=1 align=center use=ex num="0,black""]
يوم زان الكيف صفيت القوافي=صف مسبوك الذهب وسط الخزينة
قلت قول مايجي فية اختلافي= هاجس(ن) بالشعر ياربي تعينة
راكب من فوق قطاع الفيافي=جيب لاندكروز مضمون المكينة
صورتة مطبوع من فوق الغلافي=بالمجلة يوم ورد خابرينة
زول حراً نادر(ن) بالطول وافي=عادتن له مايصيد الا السمينة
مايهمة لا غبار ولا سوافي=ضامنة من وردة فوق السفينة
كن مشية بالدبل مشي خلافي=لاتهزع في طعوس دون لينة
منوة اللي بالنفود ولا يشافي=عند وضح(ن) من سنين مهتوينة
قاطع عرق النفود ولا يخافي=ماتكيف وسط جدران المدينة
دلتة ماحط به سكر وكافي=حط من بن اليمن يقعد جبينة
ذيبً امعط ماتلحف بالحافي=ماينام الليل والقمرا فتينة
لا عطا كلمة ترى يفعل ويافي=مايتدسس خلف بيبان المدينة
الملافي يافهد وين الملافي=دون الافيح يافهد الا يمينة
[/poem] وسلامتكم
حميد الطرقي اللاحقي
مقاس التوقيع 500 بيكسل عرض وطول200 كحد اقصى وكذلك حجم التوقيع لا يتجاوز50ك ب نرجوا من الجميع التقيد بذلك من اجل تصفح افضل
رد مع اقتباس
المفضلات