آخر الدنيا معد فيه شيئ مستحيل
انتبه ياللي بعد ماحسبت حسابها
دورة الدنيا تجارب تعلم كل جيل
تعتبر الالباب وتفوق من ماصابها
المواقف خذت لي من تجاربها حصيل
ماصفيت من السنين العجاف إلا بها
صابني ماصاب غيري من الوقت المحيل
حاجة تكشف واحاجات مايدرى بها
والدهور تضد وتهشم الضلع الجليل
ومن سلم من نابها طاح في مخلابها
والليالي سيرها بين درهام وهذيل
شارد ماهي تطاوع مع ركابها
تمضي الشدات وتمر كنها حلم ليل
واحد ماخذ من دروسها يشقابها
للرخاء والشد فالوقت خلان وخليل
واكثر الخلان يادوب حشوا ثيابها
البطا ماهو يأثر على معدن الاصيل
خامته يبطي صدا الوقت ماصدابها
لقبلت شهب الليالي وجا فالوقت ميل
بينت بقعا رفيقي وبان اصحابها
بيض الله وجه الايام والمال القليل
بينت لي صادق الناس من كذابها
بينت لي وقفة مايقوفها ذليل
وقفة اللي رفقته ماتسد ابوابها
يلتزم فالحق ويقوم بالحمل الثقيل
وماتروح حاجة له وهو طلابها
في زمان صار فيه الغدر عملة عميل
اختلط كذاب ذا الناس مع نصابها
ضاعت وجيه الحقايق بواقعنا العليل
لين ضيعنا فروع القصص وانسابها
قل منهو يتبع السلم ويرد الجميل
كثرة اللي للعداوه تحد انيابها
الردي ماله على الموقف الحساس حيل
جمرته يذبح نسيم الهواء مشهابها
والهزيله ماتجي كود من شخص هزيل
والجزال تضاف في صفحة اللي جابها
لو معي من غيب الايام والدنيا دليل
كان اجنب بعض الاشياء قبل لبدابها
لعن ابو من هان نفسه تحت رحمة بخيل
خاضع له يرتجي رحمته واسبابها
رد مع اقتباس
المفضلات