[poet font="Simplified Arabic,14,black,normal,normal" bkcolor="white" bkimage="" border="double,4,gray" type=0 line=200% align=center use=sp char="" num="0,black"]
ضرب من الجنون
في ظلال الغيم والدنيا ربيع=أسعف العشاق تكليم العيون
وابتدا للسحر مفعولن سريع=واعجزت تخفيه همسات الجفون
واستطال الحب بقلوب الجميع=وصارت الدنيا لها طعم ن ولون
وضاق في سر الهوى الصدر الوسيع=وابت ان الحب ضرب من الجنون
والولع مد النفس مع كل ريع=وامتلت بالورد والطيب الحزون
والمعنى وجد كاد انه يميع=والورق نشوان في عال الغصون
لحظة والشعرملزوم ن يطيع=ياطيوره تسجعون وتسجعون
يوم سودا العين والجيد التليع=تجبرالشاعر على جر اللحون
وثورة المشحون هي نعم الصنيع=وسجة العاشق واحزانه ديون
وطلة النرجس وضحكات الرضيع=والغرام العذب هى تاج الفنون
الغرام اللي زهينا به جميع=واللقا الاول تولعه الشجون
التقيتك وانت يالترف البديع=قد عرفت انك على روحي تمون
الهوى عندك امانه لايضيع=يوم مثلك يرتع فوق الظنون
حالف ن ما نسى عهودك او ابيع=يا عسى ما يرحم الله من يخون
الخيانه منتهى الفعل الشنيع=تدفع العاقل على درب الجنون
مد لى يمناك والله السميع=يشهد انك ما تهون ولا أهون
وان حكا العذال بالقول الفضيع=وش يضر ان زوّدوا: ما يسمعون
دثّروا للحقد بالوجه الوديع=ياعذاب الضحك من صفر السنون
داهم العصيمي
[/poet]
رد مع اقتباس
المفضلات