سلام يااجماعه
توني ادري اني هوله يااجمااعه
وتوني اعرف معنى الغيره العمياء
اليوم صار لي موقف مروووح
الاخ المذكور أعلاه >> الشفره يعني اسم ابو العيال
تخيلوا
ماعرف عنه شيء الا اسمه وعنوانه وكم صوره لها سنه وتصوير جوال يعني ماهي واضحه
ولا اعرف طريقة تكيفه بالحياة ولا اعرف نظام التغذيه عندهـ
مازال مجهوول
والناااس مهما قالوا ( خرطي ) وأولهم أبوي
اجل بالخطبه يقول لي ترااه مدرس
ويوم حللت قال هقوتي كاتب
ويوم تملكت طلع بالبطاقه موظف شركة
هذا وهو ابوي
الله يستر ماهو يجي بالعرس يطلع مروج
ساعتها بارسل كول مي لأبوي >> فقر
واقول له ليه ؟؟ مااتفقنا هاللون ..
المهم
نرجعع للسالفه ..
اليوم وافتح ايميل اخوي الا الاخ المذكور اعلاه مرسل لأخوي ايميل
ايميل عن ( ذنب من عق امه وبر زوجته
المشكله ان الأيميل .. مكتوب بالاعلى جايه من ايميل اسمه جميله
اويلي منهي جميله .. ؟؟
وشل ابوك وحط ابوك
يعرف غيري .. يراسل غيري .. ويقولون رجالاً صالح ..
الا طاالح
ولي صياااح بيني وبين نفسي >> مستحيه من اهلها
عاد يوم الجمعه كاان عز الله مااوفقها ربي ساعة استجابه
يالربع توني ادري اني اعرف ادعي تلقائياً
وأستلم القبله .. وادعي
ياااااااااااالله >> هذي لحالها دمااار نداء من اقصى قلبي ياعيشة الشر
جعل من خاشرت حرمه في رجالها بالحرام تعذب بالدنيا قبل الآخره
يارب جلعها صلعه عرجه يالله جعلها ماتعرس ولا تهنى بالحلال
ويوم جاا اخوي ( أمون عليه )
وأفتح الايميل قلت هاللحين اللي حدر هذا يعني ان الرساله جايتن منهم للمرسل
قال ايه
قلت اويلي
وهذا ماهو فلان .. قال ايه
قلت : ( واان انطلق ) اللحين رجاال صالح هاكبره شايب يراسل بنت ويرسل لك وانت نسيبه
متنومس بفعلته الشينه ولا ربي يبي يكشفه لنا
قال : وشووووووووو عاد اخوي يغليه بالحييل >> في هذي اللحظه ماحد يغليه الا اخوي
قال اشووف وريني
وأشر عليه
شف .. جميله .. جعل مامن جميله ..>> أنطقها بتنطع
قال :
كش عليك ماتكفيك >> وهذي متوارثينها من ابوي وسبق ونزلت فيها موضوع
قلت لييييه
قال.gmail.h
جيميل مثل هوتميل h هذا حمد ولد خاله وفيه نقطه ماشفتيها ياملا العمى الليلي
العمى الليلي ؟ ماعليش العمى الليلي ولا يعرف غيري
شين اشوى من شي
واثري النسوان بعذرهن يغيرن .. الخشيره مشكله
بس الدعااء مازال متواصل وكل بنت لا بد تدعي لن الدعاء سهام اليل
وتقلدوا تحيات الشبث >> مالها وجه متفشله
رد مع اقتباس
المفضلات