غَـمّـزَةّ عِـيْـنّ ~،’.’,~ آلله لآ يِعـيِـدّه

[الساير]

السلآم عليكم ..

وانآ جآلس اتبطح بالمنتدى .. كل شوين قآمز بلي موضوع .

بس اروغ عن رجلين ((الجثري و فهد والشقردي والشبث)) كل موضوع
الآ وهم مطبحين به ..

قلت خلن اقرط لي سآلفه من عرض هالسوآلف .. من بآب الونآسه

هذى سآلفه صآرت علي حدى هالسنيوآت .. الله لآ يعيده ..

مره انآ وخويي .. عزمنا جآر لنآ قردتن حرده ..
وحلف علينآ .. يقول بوه وآحد من عيآل خآلته . صآدم له بعير .
وسلم .

ويقولون صآرت به رقله الله لآ توآثمنآ ..
ويآ قآلو له شي قآل تخفيف ذنوب . والله العآلم انه نفس ..؟

المهم قلنآ خلآص نبي نجيك ..

وجينآه انآ ووآحد من اخويآي مآيخلى من قرد .. !

وسلمنآ وتقهوينآ .. وقلطو العشآء . وقمنآ على العشآء ..

ومن زود القرآدة جينآ بصحن رآعي العشآء المنفس .. ؟

سموووو حيآكم الله على سلآمه ولدنآ ..

وهو عيونه يتلآقطن .. مدري وش بلآه ..؟

وانآ ارآعي خويي اقول بقلبي الله يستر من خوينآ المقرود ..

الظآهر تبي تصير خبيتي ..

المهم اول مآ قآل سمو .. مآ تشوف الآ اليدين على الصحن تقول سكآريب بس تمصع من هاللحم ..

احوول تقل اول مره يشوفون عيشه ..

وخويي يمد يده ويوخره منخرع لحد يعرش يده ..

ويوم هدى الوضع .. جت المطمه

جآء خويي مسوي على بآلي اني اكرم الضيف ..؟
وجلس يقطع لأبو نفسيه .. ..

وكل مآ يقطع له لحمه .. جآء هذآك وحطه على شنق .
ومآ يآكله ..؟؟

وخويي يقطع ,, وهذآك يحط . لين غدى الله لآ يبلآنآ تقل ضلع جنب الذبيحه . لحم ..؟

وانآ ارآعي لخويي ابيه ينثبر . ومآ يقطع .؟

وأول مآ رآعآلي خويي

وانآ اقرص عيني له .. ؟ يآ عله مآ عآدت من قرصه

واثآري ابو نفسيه قآرط عيونه يمي ..

يحسبن اقصده واضحك عليه ..

ويآالربع .. شي يهوول ..؟

مآ دريت الآ الدنيآ نجووم

والكذب خيبه .. قبل النجوم .. شفت رز طآير يمي ..

اثآرية يده الي يآكل به ..

جتن تمشي مليوووون ..

ومآ تشوفون الآ قرط ((القوآطي))..

انآ انصفرت عقب البقس مآ ادريت بيوم رحيل ..

اثآري خويي هو الي طعجه عقب التقطيع .. والصحبه الزينه ..

يوم قعدت الآ الصحوون متقلبه .. والسفره لآصقه بالجدآر .

والقوآطي متنثره .. ومآ اسمع الآ النآس

عيييييييييييين خير يآ ولد الضيف هههههههههههه

وخويي غآيل الظيف وعيونه تقل برجون كبوووري ..

وارفش يم خويي .. وخشمي كله رز من يد الي بقسن الله يحوسه ويدوسه

وانآ مآ اشوف الآ بعين وحده ..

العين الثآنية كله رز وعليه تآلي ببسي وتيبست

وخويي عيآ لآ يفكه ..

يآ ولد ذبحت الرجل خله مآ نبي شين ..

غآيله بيد واليد الثآنية يردآه بصرصور الآذن ..

يآ ولد هو منفس بليآ وانت فضخت مخته .

عآد فرقونآ ,,

وابعدنآ عن بعض .. واخذ خويي .. وهو له نحيط الله لآ يبلآ ..

وهدآرته طآلعه <- صآر جمل

وحنى نعقله ونحطه بالحوش ههههههههههههه

وانآ ارجع للضيف .. الآ متنقح وفآغر ,,

وتتكن العبره يوم شفته

اول بي غل بس يوم شفته هونت ..

واتعذر منه وهو منصفر .. وهو بس يتهزهز رويسه .. ومعهم مآء مقري بوه ..

يرشقونه .. الظآهر تآلي حيآته . احوول ..

وخذنآ شووووووين ..

وهو يصحصح ..! ويفتح عوينآته .. ويعلك اثآرية تآلي لقمه مآ زرطه

والنآس كلهم الي يقول حصل خير .. والثآني مآ صآر الآ كل خير .



عآد انآ خبل ..

رحت يم خويي قلت تعذر من الرجآل .. والله الي سويته يقصم الشرف ..؟

بعد مآ علمته انه مريض . وموسوس وقآطع جآده .

اقتنع خوينآ . وقآل لآ حول ولآ قوه الآ بالله .. انآ وش ابي به .

ورآح يبي يعتذر منه ..

دخل ..؟

اول مآ شآفه الضيف ابو نفسيه .. وتجيه رعده .. وينتفض وينتفض .

تقل شآفطه كهرب ..

ويسلم عليه خويي .. ويتعذر منه ومن المعزب ..

وحنى نحلف عليهم العشآء من بآتسر ..

وعيو لآ يجون ..

تبون الصرآحه فرحنآ يوم عيوا .. ذلينآ تقبس نوبه ثآنية ..

<- ابوك يآلشخصيه ..

انتهت السولآفه ..

مآ يستفآد من القصه .. ؟

1_ اذآ رحت لعشآء لآ تآخذ معك مقرود ..
2_ انتبه تقلط مع الضيف . حآول تكون بصحن ثآني .
3_ لآ تسوي به علوم رجآل ..وتقطع لحم .
4_ لآ تسوي نفسك ذيبآن وتقرص عينك وانت على الصحن . تشوف شي لآ يحمد عقبآه .

[غالب]

مآ يستفآد من القصه .. ؟


1_ اذآ رحت لعشآء لآ تآخذ معك مقرود ..
2_ انتبه تقلط مع الضيف . حآول تكون بصحن ثآني .
3_ لآ تسوي به علوم رجآل ..وتقطع لحم .
4_ لآ تسوي نفسك ذيبآن وتقرص عينك وانت على الصحن . تشوف شي لآ يحمد عقبآه .

عزا الله إنه نصايحن كويسه
هههه



ومضه
أترك هالتلوين لا يتولاك ابن جعيثن والجماعه
ترنا ماحنا فيدين ترتيب



واستلم سلامي

[عجايب بنت الشايب]

مدري متى شعب النظيم يتعلم ؟








اللحين الشرهه ماهي عليه ولا عليكم


الشرهه على المعزب ليه يعزم الرجال وهو لهاللحين تعبان




والله مادهورنا الا هالكرم الللي مدري وش يبي



اللحين يبي يتجمل عنده .. تفشل عنده وعندكم





والله يالساير كسر خااطري مااودي اضحك




الا على يوم تهون وتكتك العبره


وعلى الضلع اللي صار جنب الذبيحه





انا مااحب احد يقطع لي >> الكبد ماتقبل







) اول موضوع بالفله يشرفني اكون ثاني من يرد عليك (

) تملك قلم فلاوي ووصف متسلسل ناادر مااايقدر عليه احد (

لأن اغلب الكتاب ..يكبتون اسطر كثييييره علشان يوضحون شيء واحد فقط


انت قلمك رائع


لاتحرمنا جديدك >> يامخاوي الليل







وجعلك ماتقطع لي ولا ااقطع لك لحم قل آمين




طحياتي يالذيب

[حيل حليل]

هههههههههههههههه
امحق عشاء
احس طلع عليه العشاء اغلى من بيع السوق
لكن يوم يرشون عليه ماء مقري هذي سالفه لحاله يالمهوووووي

ونستنا ياعشيري الجديد
لاهنت ياجدي خوالك

[ابو ضاري]

الساير

بيض الله وجهك

اسمع لا تاخذ المقرد اليوم كم اشاره اقطعه والسبب الشبث

[صعوة فسفورية]

ههههههههههههههه

ساير هلابك

سالفه مجنونه ..

الضعيف خويك بيسوي معروف ويقطع للرجال

هههههههههههههههههههههههه

انا منحازه لوه اما هذاك مجنون .. هههههههههههه








اشوا اللي هون عن عشاكم يالسعالوه هههههههههههههههه

[هلآ الآسلميهـ]

[align=center]
الساير.... أبداااااااااااااااع فلاوي..


خلك على هيك مواضيع ...



طيب وش صار على خويكم الظيف...؟؟؟؟



عسى مازاغ مابقى من عقله ههههههههههههههههه


استغفر الله اللهم لاشماته ههههههههههههههههه



تقلب تحياتي..
[/align]

[ســـعود]

الساير

بيض الله وجهك

اسمع لا تاخذ المقرد اليوم كم اشاره اقطعه والسبب الشبث

^
^
^
هههههههههههههههههههههههههههههههههههههههه هههههههههههههههه

ابو ضاري اجل بغا يقردك اليوم الشبث عاد الي يقطع اشاره ويمسكونوه 3ايام توقيف

[ســـعود]

هلا با الزين كله هلا با الغالي ابو ساير

عاد تصدق اني البارح بغيت اغمز لواحد بلعشا بس هونت مدري ليه الحمد لله اني استخرت ههههههه

انا ودي اعرف ها المقرود الي معك

تحياتي لك يا العشير

[ابو راكــــــــان]

يوم قعدت الآ الصحوون متقلبه .. والسفره لآصقه بالجدآر .


والقوآطي متنثره .. ومآ اسمع الآ النآس



عيييييييييييين خير يآ ولد الضيف هههههههههههه


وخويي غآيل الظيف وعيونه تقل برجون كبوووري ..

الحمد لله على سلامـــــــتك يالساير
هههههههههه
وانتبه مرتن ثانيه لا تدخل الا وانت متاكـــــد
من الحضور كلهم صاحيين ولا بهم رجــــه