ســــربــــتــــه ...
السلام عليكم ورحمة الله وبركاته ...
آه آه آه
أكا اليوم قريت موضوع خزامى
ياعيشتن قشرا
يوم يكزه أخوه بالمسبح
وأنا اقعد لي بتسا
تذكرت يوم انا ورعه
أيام ما كنا نسبح بالشعبان والخباري^_^
و مامن لا مسابح ولاهذي ولاهذيتس
و طرت علي هالسالفه ..
صنفت معنا أنا واخوي وولد عمي (نحن السرابيت الثلاثه)
هكا الضهر اننا نسبح
يمار أخبر عمامي خزانهم جديد بالحوش و يبون يغسلونه ينظفونه
>متطورين عن الحنفيه
وحنا نغزيه
يمار بوه ماء أقل من الربع بشوي
والله وحنا نتعركشه و ننصلدز بوسطه واحدن تلو الاخر
يمار الما مروح بمعنى الكلمه
والصلبه عادي عندهم يسبحون
ولاهمهم
يوم خذينا شوين
الا هذا ولد عمي التسبير يخانق و يلعن و يشتم
وهو يطلعنا
منه
مع كم طراق على كم رفسه على كم مخمس
يمار نسمعه يقول كود نودنه بكلوركس يومين علشان هالمروحين يعنينا ^_^
و هذا موقفن آخر...
والله و هي تدبر معنا اكا العصريه
وحنا نتمشى بالحاره
ندور الشر
عاد أول الوغدان بس يسعون بالشوارع >آمن وامان ^_^
يمار مرينا من عند بيت عجوز عندنا بالحاره وحدانيه وكان قرآشه مفتوح ع كبره وحنا
نويدز بوه
يمار برتسته حقت الما مفتوحه الظاهر تو الوايت جاي معبي له
ولا سكره ^_^
وحنا ندخل
يمار بحوشه فيه شبك معزا
وحنا نفتح لهن وحنا نجفلهن
وحنا نقعد نتسحتهن
يمار فيه تيس انزلق بالبرتسه وقعد يرافس
وانا اروح بزعمي ابنقذه
وانا القالي حديدتن محليه اي مصديه
وأنا اقطه بالبرتسه
وهو يجي فهيد مطبدز
>>يسمع باللصاتتس ولاعمره شافهن
يمار جايبن لوه كفره و هو يقطه بالبرتسه
كل هذي ياجماعه محاولات اطفال بريئه لإنقاذ هذا التيس المقرود ^_^
يوم راعينا يمار التيس طفح واصابنا الفزع والذهول
مات امام اعيننا
و يوم جيت ابنبطح واببتسي
وهي تطلع لنا العجوز
يمار ما يمديني احزن
وكانت تحسبنا متعمدين
و هي تقعد تلعن وتشتم ومعه له خيزران
و هي تنجشنا بوه
وحنا نهج يم البيت
يمار جتنا بالبيت يم عمي
تشكيه وتخانق
و هو يمسكنا
والله لو اقول لكم انه صلخ جلودنا يمكن ما أبالغ
ليه هلون ليه؟
تشوفون اننا نستاهل!
هذي حركات اطفال كله براءه
وه بس
عاد معزاه بعد طلعن برا البيت وجابوهن له عمامي ودفعوا له ثمن اكا التويس والما ^_^
ومنه صرنا ما نتجرأ على بيوت الناس وتأدبنا
>بس شرنا ع بيوتنا
وشكرااا
رد مع اقتباس
المشاركة الأصلية كتبت بواسطة عبدالله الجعيثن
المفضلات