رفحاء ... البلد الذي سحر العيون

**العذب** · 21-10-2001 13:49

لوعرفتم ( رفحاء ) لأكثرتم القصائد في وصفها .. وفي مدحها ..
رفحاء .... رفحاء ....
رفحاء .... رفحاء ....رفحاء .... رفحاء .... رفحاء ....رفحاء .... رفحاء ....رفحاء .... رفحاء ....رفحاء .... رفحاء ....رفحاء .... رفحاء ....رفحاء .... رفحاء ....رفحاء .... رفحاء ....رفحاء .... رفحاء ....رفحاء .... رفحاء ....رفحاء .... رفحاء ....رفحاء .... رفحاء ....رفحاء .... رفحاء ....رفحاء .... رفحاء ....رفحاء .... رفحاء ....رفحاء .... رفحاء ....رفحاء ....رفحاء ....رفحاء ....
هي من ديار شمر , فأكثر من ثمانين بالمائة من سكانها هم من شمر .. شمر .. شمر ...

كتبت في رفحا حسين التماثيل ** ديرة سناعيس وديرة طنايا
عسى الولي يسقاه مزن هماليل ** من ديمة تنشى بعالي سمايا
في دار شمّر يفخر البن والهيل ** والشاي الأحمر والصحون الملايا
يا ديرة تاسر قلوب الرجاليل ** بالطيب له علم رفيع المزايا رفحاحلت بعيون من يركب الخيل**وكم فارس بسيوف شمر تهايا
شمر هل الطولات شمر هل الحيل ** شمر لهم بالمقدميّه سرايا
شمر نجوم لا جلها نوّر الليل ** وللمعتدين شاب جلب المنايا
شمر سحاب الوسم وفّاية الكيل ** شمر رماح في صدور الدنايا
شمر ليامن قلت شمّر جرى السيل ** ومن كل وادي يستجيب لندايا
بيرق شرفهم أنركز في ثرى سهيل ** وفوق الثريّا مسيّرين المطايا
يا عز والله يا لرجال المداهيل ** ويا عز والله يا ديار الطنايا

وسلامتكم

وعلى المحبة ,,,

**ابو يزيد** · 21-10-2001 14:16

أخوي/ العذب
صح لسانك
وبالفصيح "لافض فوك"
والله اني هالظهر ابغى آخذ لي تعسيلة
ترى ماهي تعسيلة من المعسل
لاوالله اعوذ بالله
لكن هالقصيدة ماخلتني اقيل قلت لازم اعقب
على الشاعر اخوي العذب
وبعدين كل القصيدة رائعة
بيرق شرفهم أنركز في ثرى سهيل ** وفوق الثريّا مسيّرين المطايا
من سبقك عليها………كفو والله كفو
تحياتي

**العذب** · 21-10-2001 14:22

اخوي ( ابويزيد )

تسلم وتسلم ثم سلم وتسلم ... ياللي لك الطيبة ودار عليه

ما قصرت .....

والحين رح وخذلك تعسيلة ....

**بشير اللويش** · 21-10-2001 18:24

تسلم يالعذب وصح الله لسانك

كفو انت تقول وتفعل وشمر من غير قصور بالقبايل الاخرى يستاهلون المدح ويزهاهم

اما بالنسبة لرفحااااء
فهي ديرة نحبها ونحترمها تدري ليه؟
؟
؟
؟
؟
؟
؟
؟
؟
على شان اهلها الطيبين

قصيدة شهادتي فيها مجروحه
الى الاماااام دائم

وتقبل تحيااات اخوووك الصغير دايم

بشير اللويش

**محمد الوبير** · 21-10-2001 19:03

بسم الله الرحمن الرحيم

اخي العذب تقف الاقلام احترام لقلمك العظيم وتخر بلقبلات على جبين حبره الكاسح كم سررت بقصيدتك عن رفحاء تقبل الشكر والتقدير ودمت على حب رفحاء واهلها الطيبين

هذه بعض الابيات لشاعر \ خميس صلفيق قالها في معشوقت الكل رفحاء (الخضراء )

انا لي ديرةِ زاهي ربيعه
..................... عطايا الرب خلتها بديعـه
بها ريضان باطرافه تهايف
.................... صنوف العش من زاهي ربيعه
اخيل بروقها وتصدق معايا
.................... سحايب ما يعرفن الخديعـه
ربيعه كاسيِ روس النوايف
................... رسخ باذهان عشاق الطبيعـه

اذا ضاقت جميع الارض تبقى
...................... مع الايام ما ضاقت وسيعه
يطيب العشق ماداموا رجاله
...................... خذوا بالطيب شارات الطليعه
عذولي لو عذلني الف مــره
....................... انا وشلون في رفحاء اطيعه
عساني ماتهنى في رقادي
....................... اذا جازيت خيرك بالقطيعه

والشكر للعذب ودمتم

**فواز** · 21-10-2001 21:41

بصراحة ... عن رفحاء أنا لا استطيع أن اتكلم.. لأنها تأسرني وتسحرني بكل ما فيها ...( ولكن تعليقي على قصيدتك الجميلة هذا التصميم .... اتمنى أن ينال إعجابكم )

وعلى دروب الخير نلتقي ،،،

**فواز** · 21-10-2001 21:50

وللمعلومية الأبيات التي في اسفل التصميم ( اسعفيني بالشعر يا رفحاء .....) هي أيضاً للشاعر العذب

أسأل الله أن لا يحرمنا منه ولا من إبداعه

.

**ابو خالد الجربا** · 21-10-2001 22:11

الله الله

يا سلام

كلكم تحبون رفحا

:

:

:

كلـكـم مثلي تحـبون رفـحا‌‌‌‌‌‌

...................والله اني احـبه وافـتخـربـه

ما يلام اللي كتب فيها صفحا

...................من صفاح الشعر ظني مختصربه

كلنا يا العذب نحب رفحا

اخوكم