السلام عليكم ورحمة الله وبركاته
يالله صبآح خير خلق الله فسقانه كل شوين واحدكم منزل موضوع بعد وجيه غرت منكم ![Smile](images/smilies/smile.gif)
تخبرون بعض النذخات قشــر ماله سنع وتودي راعيه بستين داهية
وتخبرون قلبي يوجعن عندنا عرس بحايل الأسبوع الجاي وانا الوكيل الشرعي <_ ماحظ من هالعايله ![Smile](images/smilies/smile.gif)
وانا منجضع قبل شوين قمت انغت عيني وطرت علي سالفتن عام الأول جرت علي
صار عرسن لولد خالتي بالحفـر ونسباه أجناب وياعله ماعاده دقت علي خالتي قالت امش نبي نجيبهم <_ الزفة امحق من زفة ![Smile](images/smilies/smile.gif)
وآرتسب الددسن وأنا وخالتي ومعامش بالسياره يمين يسار يما وصلنا شقتهم ليته محترقه هكاليوم ولا جيتهم
ويوم وصلنا وهي تقوم تحلف خالتي الا انزل معه ياخاله يابعد كنهشتي حولي انجزي وهي تعيي يقاله مستحيه من حريمهم يعني انا وشو ماني رجل بنظره ![عابِس](images/smilies/paranoid.gif)
المهم وصلنا شقتهم وحنا مقبلين عليه الا الوغد يتدربا مع الباب
يالربع هالوغد هوله سبحان اللي خلقه [ بطن وراس بس ] ![الله حيووه](images/smilies/7ayyoh.gif)
وهو يراعي لنا ويهوزنا بلوه عصا معه وحنا نقوم نروغ انا وخالتي المصونه ![Smile](images/smilies/smile.gif)
عاد زوله تقول مدافع مسوي حاشر مهاجم ![Smile](images/smilies/smile.gif)
الزبــده انه دخلت وانا واقفن برآآ ماخذيت شوي الا الصوت اللي جا من الشقه من داخل
تقول فرقة طقاقات اهب عليهن والله من وسع الحنجره
بغيت ألفح بس مسكت روحي تحمست ![عابِس](images/smilies/paranoid.gif)
الفـــلم بدأ <_ صوت موسيقى شرهه تعزف اورق
أنا الحين الدليله بما انهم ماهم من آهل الديره
وللأسف مافيه الا انا وارتسب الددسن يوم جت خالتي وهي تفتح الباب اللي ورا وهم يركبون الوغدنيه
اعوذ بالله خشيت جو سواق باص مدرسة ![مُتَتَهوِل](images/smilies/a.gif)
واصوت لخالتي وهي تقول امش قدامنا انا ابرتسب معهم واصوت ولا ترد علي وهو تقفي تصفق وتلولش وتقفي تنزي
وبيني وبينكم حسيت ان طلع لي ريش بعلباي عشقت لي وحده مدري وشي بس المهم اني عشقت بسرعه ![Smile](images/smilies/smile.gif)
واشــغل المسجل مدري وش جاني وهم يستنزلون الوغدنيه اللي معي
تخبرون الوغد اللي بس بطن وراس <_ حاطن كنهشتوه وراي بالضبط
واراعي لهم واضحك مستانس وألفت مره ثانية تهولت من الوغد يتبوسم وهاجد
واراعي لوه مره ثانيه وهو يتفل علي الله يعزكم الا ناشبتن بعيني ![مستلج خخخخخ](images/r_smiles/148r.gif)
وهي تحرف بنا السياره وبغينا نقلب بس الحمد لله الله يعز الحكومة حاطين رصيف بس تحكوه شوين وتعدل ![Smile](images/smilies/smile.gif)
وهي تندبل تسبدي وانا انجم واضيع محل العرس
وأخذ بهم فره بحارة الصلبه وامافيه حارتن ماطبيته ابي اتذكر عجزت وادق على العيال بالعرس مايردون ذابحين روحهم ماهم يمي
يوم والله راعيت الا ماحولنا بيوت يوم فطنت الا هذا خط الكويت بغيت اقلعهم ![عابِس](images/smilies/paranoid.gif)
وأديور واشوا تذكرت وسيده سيده يما وقفت بحارة خوالي أدل المكان مناك زين من كثر مانجدل من الحرما والوغدان ياعله ماعاده ![Za3lan](images/icons/za3lan.gif)
واطلع الجوال ابدق الا ابو الشباب طافي وانا مافطنت للشحن دريت اني وخذت
يوم وصلت الا هذي شنبات خالي وموقف بجنب ابو العريس طقم تقل دلال ماهم بشــر ![3ajeeb](images/icons/3ajeeb.gif)
ومن الخرعه هديت هديت يما تعدوني اهل العروس <_ خرب مكياجه يقولون بعد وجه من زينتس يابنت مشعلاني ![Smile](images/smilies/smile.gif)
وأطفي السياره وهي تمشي واطبق مابي الخال يقظبن وأنحش للشارع الثاني ولا ألتفت ذالن ضربت العقال تجي بالوجـه ابيه بالعلبا ![Smile](images/smilies/smile.gif)
وأجلس عند لي بقاله ادخن واشرب عصير ضايقتن بي
يوم تعدت الساعه وانا انكس للعرس الا والله محد منتبه
وأجي اجلس الا هذولا اخوان العروس اللي بغيت اقلعهم يراعون لي وعيونهم تضرب شرار وهي تجيني جنيت اللعانه وأقوم اغمز لهم ههههههههههههههههه
عاد مالكم باللي صار عقب العرس ومالكم بالمكان اللي نمت بوه
بس الزبــده ان ابوي قالي الوعد البيت قلت افلقني ان شفتن عندي دوام ولا انت شايفن الا عقب كم شهر ماني جايكم
واللي عشقته ابشركم طلعت خدامة بنتهم هههههههههههههههههه
توسدو إحترامي
المفضلات