صباح الخير لاهل الخير ولاهل القلوب الطيبه الطاهره
ابو ضاري الله يجزاك خير ليه ماتشرون معطر جو بالفله
ماني قايل لك لا تخلي راجو ياخذ راحتوه بالفله
هذا هو معطبن بالجو ريحوه فايحه
حيالله الجميع كلن بأسموه
حيالله اخوي الفارس طيب القلوب والغالي على قلبي
حيالله اخوي حيل حليل الطيب
حيالله اختي روح حايل
حيالله اختي خزامى
حيالله عيال العطاوي منصور ويوسف
حيالله ماجد
حيالله الجميع
لا تستغربون اني ذكرت كذا اسم
انا ادري وهم يدرون
والشفايين يبترمون
ماعلينا
يالربع تصدقوني يوم كنت صغينون كنت ملقوف
ادري بعضكم يبي يحلف اني ماكنت ملقوف
بس اقول ابلع العافيه قبل تحطه بذمتك وتورط
عاد الشكوى لله
هذا قدري اني كنت ملقوف ومن جنبه << تسيف هالليد عنوده قل فهم
والغريب اني وانا صغير مثل وجه ابو فارس يبيلي كوي
مرتن من المرات كنا معزومين عند واحدن من الربع على عشا
وتخبرون اول بس يسمعون فيه واحد عندوه عزيمه يجونوه ركض تقل ميتين جوع
المهم اني كنت اصنف من الصغار
يعني انس القلطه الاولى
ونوب الثانيه ماتحصل
بس هكا اليوم الصحون واجد
لذلك قلطوني بالثانيه
وجالسين انا وخوياي راعين المصاقيل بصحن
وكان عندنا على الصحن راس الذبيحه
شوي
وهو يقوم حدا الرجال اللي على حدا الصحون الثانيه
وهو ياخذ الراس اللي بصحنا وهو يحطوه بصحنهم
تخبرون من باب اننا وغدان وهم كبار
وشي ثاني هم ياكلون الراس حنا ما ناكلوه
المهم انا يوم خذا الراس من عندنا وهي تجيني ام الخبول
ويعنني اعرف سلوم القبايل
وانا ابعص ام السالفه
وانا اقوم واروح يمهم واخذ الراس واحطوه بصحنا
ولا كأن فيه شي صار
تحسبونوه قال وغد وما ينشره عليه
ولا تحسبونوه ضحك وعداه لي بحكم اني بريييء
يالربع
وهم يقوم
ويجيني
ويمسك راسي
ركزوا راسي انا مهو راس الذبيحه
وهو يغر علمتي بالصحه
وهو يفرك وجهي بالصحه
وانا ساكت منصدم ليه ما ............ بغيت ابتسي خلوه بوجهه
يوم خلاني وانا اقوم واروح اغسل
واراعي لوجهي بالمراه
الرموش كلهن رز
والوجه صايرن بني من اليدام
وتقلدوا تحيتي
رد مع اقتباس
المفضلات