لقب الغلبــا لشمر ام لسبيع ام لكلاهما!!!!

**شرهه** · 11-06-2009 05:32

السلام عليكم ورحمة الله

سؤاااالي هو عن لقب الغلــــبــا!!

بإختصار شديد ،،،

الغلبا سبيع والا شمر ؟؟؟؟؟؟؟؟!

سبيع لقبهم تركي بن حميد و المعروف حاليا انهم هم الغلبا بين القبايل ،،

بس شمر بعد من القابه الغــلبــا
عندكم فكره من اطلقه علينا
و وش قصته هاللقب ؟؟

هل حنا الغلبا والا لا ؟

ارجو الإفاده،،،،

وشكرا

**وافي الزنيدي** · 11-06-2009 06:05

وعليكم السلام ورحمة الله وبركاته

الاخت شرهــــــه

هاذي صفه وليست لقب وهي مشتقه من الغلبه والمنعه وشمر من قديم تسمى الغلبا لكن الله والعالم من كثر الالقاب لشمر بدت تضيع .
انتي ماتدرين ان فيه ناس يقولون حنا الطنايا وليسوا شمر

**شرهه** · 11-06-2009 06:38

‏^‏^^
ايه ادري واعرف طنايا بنو اي بالله.خخخخخ

أنا شكلي ابشتغل بألقابنا و ابجمعهن وابحطهن بترجمان ^_^

ايه ايه يالحزم الضامي

الله يعين بس

شكرا ع المرووور والإفاده

مع التحيه

**ابوهايف** · 11-06-2009 09:41

عز الله انك صدقت
لا وازيدك من الشعر بيت حتى الرشايده ونعم فيهم وهم قبيله معروفه يقولون الغلبا

**عبدالله الجعيثن** · 11-06-2009 12:56

الكون غيّر دورته ياخليفه=حتى عوج دخان صاروا طنايا

شرهه

ونعم بالقبايل كلها

لكن في عهد النت والرفاهيه...

وكلن متكي بمجلسه ويخيط ويفرى على كيفه

كل شي يجووووز

هنا بالمضايف منهم اخبر مني بالتاريخ ويجون يعلمونك

**منيف الوبيري** · 11-06-2009 13:13

شرهه يالعوبا

هذي ابيات يقولون انه للجنازه !!

بعد كوون الصريف !!

وتبين أن لقب الغلبا لشمر !!!

ياهيه ياركب المرسول ... سلم على ساهر العيني

ابن صباح وابن سعدون ... وابن سعود وابا الخيلي

غلبتهم والعدو ممهون ... بعيال غلبا على الخيلي

اركض كما شوشة المجنون ... سبحان ربي مسويني

هذا مالدى شخصي الكريم ,,,

ويبي يجون الأخوان يتحفونا باللي عندهم !!!

أبو فهد .. ومشعل .. مهم مقصرين

**بندر الشمري** · 11-06-2009 23:25

لقب ( غلبا ) هو بالأساس لقبيلة شمر

مع فائق إحترامنا لـ قبيلة سبيع .

أتى هذا اللقب لكثرة إنتصارات قبيلة شمر في أغلب معاركها

غلبا = تعني الغالب بمعنى المنتصر او الفائز بالشيء !!

قال العوني :

[frame="14 70"]
غلبا ترى بلدانكم لبست النيل
تنخا الرجال مكرمين الاصايل
[/frame]

وقال العوني على لسان بن رشيـد :

[frame="14 70"]
غلبا بني عمي وركني وعدتي
غلبا لياشاط الحريب وزام

غلبا ترى كل شيء يباع ويشترى
سوى العز بيعه بالسحوت حرام

[/frame]

الى ان يقول :

[frame="14 70"]
غلبا بكيت وصاحت الدار عقبكم
نخيتكـــــــــــــــم وانتم بعاد مرام
[/frame]

قال بن رمال :

[frame="14 70"]
تلقبنا بغلبنا ما انغلبنا
لكثرة غلبنا العايل علينا
[/frame]

.
.
.

أختي أرعصي على الرابط أدناه
بوه الكثير من المعلومات
اللي تفيدتس

http://www.shmmr.net/vb/t51718.html

**عجايب بنت الشايب** · 11-06-2009 23:59

عينو خير كلكم

لالكم ولا لهم

والشعراء اللي استشهدوا فيهم

توهم جايين أول العام >> كنايه عن العصر الحديث

انا هنا جايتكم بابيات من قبل 300 سنه

فأول من لقب بالغلباء من القبائل هي قبيلة تغلب بن وائل , قال الشاعر:

وأَوْرَثَني بَنُو الغَلْباءِ مَجْداً ==حَديثاً، بعدَ مَجْدِهِمُ القَديمِ

بس ماننكر ان الغلباء ارتبطت بسبيع

كذلك شمر سبق وغلبت بمالمعارك كما ورد

كذلك اسرائيل تعتبر غلبا ..!!

عجبي

بحثت في قوقل .. وأقنعني من هم الغلباء

طحياتي للجميع