قالو تتوب من الهوى قلت لالا
((مبسم هيا - برق تلالا ))
للشاعر محسن الهزاني
قالو كذا مبسم هيا قلت لالا
بين البروق وبين مبسم هيا فرق
يالله بنوى مدلهم الخيالا
طافح وبابه مثل شرد المها الزرق
لا جى على البكرين بن الحلالا
ولاعاد يصبر فيه رعداً ولا برق
يسقي هروساً عقب ماهي همالا
وحط الحريق اديار الاجواد له فرق
يسقينا عاماً ثم يمل الهجالا
ويصبح حمام الداجن يلعب الورق
وجريت انا صوت الهوى باحتمالا
في وسط بستاناً سقاهـ اربع فرق
طبيت مع فرعنا جديد الحبالا
وظهرت مع فررعنا تناوح به الورق
روشن هيا .. له فرجتينٍ شمالا
وبابٍ على القبله .. وبابٍ على الشرق
مبسم هيا .. له بالظلام اشتعالا
بين البروق .. وبين مبسم هيا فرق
برقٍ تلالا .. بأمر عز الجلالا
وأثره جبين صويحبي .. واحسبه برق
يا شبه صفرا .. طار عنها الجلالا
طويلة السمحوق .. تنزح عن الدرق
له ريق .. أحلى من حليب الجزالا
وأحلى من السكر .. إلى جاء من الشرق
حنيت إنا .. حنة هزيل الجمالا
ينقض ردي الخيل .. قد حسه الفرق
ويا قلته .. في عاليات الجبالا
ماها قراح .. مير من دونها غرق
ماعاد للصبيان .. فيها احتمالا
من كود مرقاها يديهم .. غدن طرق
إلا إن تتوب .. ارماح علوى عن الزرق
قالوا تتوب من الهوى .. قلت لا لا
إلا إن يتوبون .. الحناشل عن السرق
قالوا تتوب من الهوى .. قلت لا لا
إلا إن تتوب الشمس .. عن مطلع الشرق
أتمنى ان تنال اعجابكم
رد مع اقتباس
المفضلات