قصيدتن منا زينه

[شرهه]

[read]

(القاتل المقتول؟!!!)

بلشت بعرفنا الفاضل ..بسحر الخاتم المعمول

عطوني حب واخذوا ماغلى من تركة اجدادي !

سيوف معلقة وخيام ودلال وسروج خيول

مرابطها خشب وتقاعدت في قرنها الحادي

تموت الخيل عطشا في ( المذاود) والشعاب سيول


تلحفنا جلود احلامنا... في المرقد الهادي..

( أحبكفي الشتا والصيف ..أحبك في شهر ايلول !!

أهالينا بخير ...تزوجت هند ونجح شادي !!)

وحنا صابرين وننتظر سيف الله المسلول

يجينا من بلاد الشام يقفل موجةالرادي !

نضت حيلي مدارات العطش ياما تهد حيول

تعبت استشرق الغفران واعصيطاعة اسيادي !

أبقتل مولدي وادري بـ اصير القاتل المقتول

ولكني كسرتالمستحيل ونقطة ابعادي

على جسر الضياع المنتمي للخوف والمجهول

افتش عن سطورالموت عن تاريخ ميلادي

ولاأملك غير حبر لدفتر أشعار وقلم مشلول !!

وعرفانالحنان : أمي وأبوي وطيبة ابلادي


الحميدي الثقفي
[/glow1]
[/read]

[صلفيق]

تحكي - وانا من غنجهـا سايـل لعابـي ! -
وبصوتهـا ( رعشـه ) ولا هيـب بردانـه !
في طيّب انفاسهـا / ضـاع أنفـساطيابـي
وبشفاههـا / ضـاع طعـم التـوت والوانـه

عزالله انها مهنا زينه .

صح لسانك شرهه



احترامات,,,

[شرهه]

88

غيرت القصيده

[شرهه]

ع العمووووووووووم صح بدااااااااااااااااااانك

[مطير النمااصي]

ولاأملك غير حبر لدفتر أشعار وقلم مشلول !!

عز الله ماتلاحن هالقصيدة ياوخيتي ,,

بس ليش القلم ابتاعه مشلول وش نوح مايشتري قلم مامثلوه

ومشكووره ياوخيتي ع النقل

وتقبلي صفوو ودي

[شرهه]

قصدك زي القلم االلي بصورتك الرمزيه







وشيب عيني منك>>>>هذا من زووووووووووووود الاحساااااااااااااااااااااس و الرمزيه^_^>>>لا تسألن عاد وشي الرمزيه



شكررررررررا ع المررررررور

مع التحيه

[شموخ شمالية]

يسلمو شرشر

والله صايرتن تذوقين الشعر يالغاليه ,,


يللا شدي حليك وخليك معنا بالشعر ,,
اهربي عن الجعيثن اللي بس يهاااااااوشك ,,

ذوووووووووق والله ياحبيبتي ,,واختيار موفق

تقبلي احلى تحيه

[واحد شقردي]

/ أســطــورة الـحــســن /

حبيبـتـي حسنـهـا متـمـرّد وصـابــي=يتكلـم الحـسـن فيـهـا كنّـهـا لسـانـه !
لـو اختصـر وصفهـا واحـيّـد اعجـابـي:=هي الجمـال انخلـق فـي صـورة انسانـه !
فـي حسنهـا يلتقـون ( اعـداي واحبابـي )=اخـاف غـدره .. ومانـي قــد نسيـانـه !
تعبـان فـي قربـي ! وتعـبـان بغيـابـي !=مـن يهجـر احبابـه ؟ او يامـن لعدوانـه ؟
ياعـم .. لا شفتهـا مـا ترمـش اهـدابـي=كـأن مـن شافـهـا تتخـاصـم اجفـانـه !
فـي وجههـا كـل مـا يطـري علـى نابـي=مـن خوخـه .. لتوتـه .. لحبـات رمـانـه
مزيونـة ٍ كـل مـا لاحـت لـي القـى بـي=قصايـد ٍ فـي بـحـور العـشـق غرقـانـه
ياعـم .. لمّـا تسولـف تحـرق اعصابـي !=مخـارج حروفـهـا : ثمـلـى ونعسـانـه !
تحكي - وانا من غنجهـا سايـل لعابـي ! -=وبصوتهـا ( رعشـه ) ولا هيـب بردانـه !
في طيّب انفاسهـا / ضـاع أنفـس اطيابـي=وبشفاههـا / ضـاع طعـم التـوت والوانـه
يـا عـم .. بعيونهـا ( غــي ) يْتسـلابـي=بعيونها ( طهر طفـل ) و ( كيـد شيطانـه )
فيها ( صباح الحمـام ) و ( ليـل الارهابـي )=بـراءةٍ تشتـكـي مــن ظـلـم وخيـانـه
ليـل يْتربّـص بـي / وصبـح يْتعـزوا بـي=وبـدر ٍ طعنـه الظـلام وحاصـر اركـانـه !
كأننـي مـع شعرهـا ( شيـخ : متصابـي )=وكن الهوى معه ( طفـل ٍ : عـز سلطانـه )
له : رغبة السـادي / ولـي : نيـة السابـي=وان فرّعـت كـل مـنّـا جـنـت جنـانـه !
نسيمـه يصيـح بـي : لا تلمـس العـابـي=وانــا اتعـمـد مغابـشـتـه وعصـيـانـه
اللـي - نـوى ياخـذه - باقـنّـه ثيـابـي=وانـا مـع ثايبـي اتهـاوش علـى شـانـه
.ياعم .. لـو شفـت منظـر صدرهـا النابـي=( نونيـن كوفيتيـن ) وبينـهـن ( خـانـه )
او هن ( صدفتين ) لبسـن ( تـاج عنابـي )=( ومحارة ٍ - كـل فلقـه - وسطهـا دانـه )
متزاعـلاتٍ وهــن جـيـران واقـرابـي !=واليـا مشـت .. كـل ٍ يدافـع عـن اوطانـه
لهفي على / سَحْرهـا لـو كـان : مشرابـي=ولهفي على / حجرها لـو : نمـت باحضانـه
في جسمهـا لبعضهـا عـن بعضهـا تحابـي=أجـزاء جوعـا بهـا .. وأجـزاء شبعانـه !
خصر ٍ ( مسيكين ) تحته عجـز ٍ( مرابـي ) !=وساقيـن عطشانـه .. وفخـذيـن ريّـانـه !
مـن ويـن مـا شفتهـا يبلغنـي مصـابـي=مـا فيـه شبـر ٍ بهـا مـا طحـت بادمانـه
نقـص ٍ - مهـو زود فيهـا - عنّهـا هابـي=وزودٍ - يُرى نقـص - مـا تتقبّـل احسانـه
يا عم .. شف حسنهـا وشلـون سوّابـي ؟!=شف كيف صـدع الجبـل لا ثـار بركانـه ؟!
شفني - ليا من طرت - كيف اترك اصحابي ؟!=شف كم لها عيني مـن الشـوق سهرانـه ؟!
ياليتنـي - يومهـا دقـت علـى ابـوابـي-=عيّيـت لا افـتـح لـهـا قلـبـي وبيبـانـه
ولا اعطيتهـا واجـب اسلامـي وترحـابـي=وسكّـرت حتـى قبـل مـا اقـول غلطـانـه
وصديت عنهـا وهـي مـا تعـرف اسبابـي=صـدة كريـم ٍ حـشـم عــورات جيـرانـه
مـا عـاد تنفعنـي امجـادي .. ولا القـابـي=غـادرت عـز القصـور / لـذل زنـزانـه !
جتنـي وانـا .. شيـخ قـوم بعيـن شيابـي=وراحت وانا .. طفل بعيون اصغـر اخوانـه .!

استنادا الابيات لي كتبها الغالي صلفيق
سويت ملقوف ودورت القصيده الاساسيه

هههههههههههههههههه

كل القصديتين روعه مبدعه شرهه

[شرهه]

شمووووخ شماليه


هههههههههههههههههه

افكر بالموضوع و راح ارد لتس


يسلمو ع المروووور



ــــــــــــــــــــــــــــــــــــــــ ـــــــــــــــــــــــ


شقردي هههههههههههههههههههههههههههههههههههههههه ههههههههههههههههههه


الله يعطيك العافيه ..



و شكرا عالمرور



مع التحيه

[عبسي]

شقردي الله يعطيك العافيه كملت القصيده ,,

شرهه ليه عدلتي بالقصيده هاه ،،


حسافه كنت ناوي اصقعك مخالفه بس عدت على خير ههههههههه

أمزح لا تصدقين ...

مشكووره على القصيده إيه توي دريت أنك ذووق