إخواني أخواتي أعزائي أبنائي أحبتي الفلاويين الغيارا المحترمين
السلام عليكم ورحمة الله وبركاته وبعد
يقول الشيخ غضبان أبن رمال الشمري في قصيدة طويلة وجميلة منها هالبيت يوم قالوا له جماعته أنت شبت وكبرت وتنازل لأحد أبناءك عن الشيخة يوم الشيخة تبي فعل وكر وفر.
يقول :
الردي ياشاب عاب ونا لياشبت طبت = تسمع جضيض الركاب قفوي ليامني ركبت
تروني أخلي مسؤليتي عن أي إعتراض أو إحتجاج على هالكصيدة إذا ماهي هاللون أو ماهي للشيخ المذكور سمعتها كذا حكي مجالس والشيخ غضبان ينطبق عليه كل كلام طيب ويستاهل الله يرحمه.
المهم يعود العود لموضوعه الأساس هنا وهو إصراره على أن يكون عمده ولكن في ضوء هالإنهيار الإقتصادي ونزول سعر البترول وشح الوظايف وتسريح الكثير من العمال إعتقد بأن إدارة المضايف قد أوقفت الترقيات والزيادات والوقت الإضافي بهدف ترشيد الإستهلاك وتخفيض النفقات و المصروفات ومن ضمن هذه الإجراءات إيقاف الترقيات لا ماهو بس هذا بل تخطط للتخلص من كبار السن لعدم فاعليتهم وإنتاجيتهم وطول السنتهم وكثر أمراضهم وإعتراضهم وأمراضهم وومشاكلهم المتلتلة خاصة الذين وصلوا سن اليأس منهم.
وعلىه لقد قرر شايبكم أيها الفلاويين التحدي والتصدي من جانب واحد لهذه الحملة وهذا الجمود في تجميد الترقيات وحصرها في الشباب والكفاءات من البنين والبنات فقط متجاهلين شعور وأحاسيس الشيبان وخاصة الي باقي فيه ناب أو نابين أو فيه نفشة أو نفشتين.
على ذكر النفشة أولاً النفش هو ترتيب الصوف وتخليصه من الحسك والشوائب وتجهيزه للغزل وكان هذا الواجب قديماً هو منتهى خدمة الشيبان والعجز إذا عجز عن أداء الأعمال الشاقة والخدمات الحياتية كوموا عندهم الصوف خلوهم ينفشون ومن عجز عن النفش يرحلون ويخلونه على المراح علف للطيور البيض ( الرخم) الله يدفع البلاء .
يقولون عاد إن فيه مرة من المرات فيه شويب مثل شايبكم إنمرض وماقدر ينفش هكاليوم ويوم سمع كلام أهله بالليل يمار ناوين يرحلون الصبح ويخلونه على المراح وهو يقوم يصيح كل ليله يقول ياناس لاتخلونن ياشينين والله إن فيني لي نفشة أو نفشتين.
نعود لموضوعنا عاد شايبكم مازال قادر على الحكي والأكل والشرب وهذا هو مربط الفرس هنا.
لذا قرر الشايب أبو ناب أن يرشح نفسه عمدة للفلة والفلاويين قسراً وياويل أي فلاوي أو فلاوية يعترض على هذا الشيء.، شاكرين لكم حسن تعاونكم وتفهمكم لمايخدم الصالح العام.
ننتظر التبريكات والتهاني قبل أن يحذف الموضوع أو ينقل.
وتقبلوا فائق الإحترام
العمده أبو ناب
رد مع اقتباس
المشاركة الأصلية كتبت بواسطة السنعوووسيه
المفضلات