سعد الحارثي يفوز بجائزة قناة ابوظبي لافضل لاعب بالموسم

**عبدالله الجعيثن** · 23-05-2009 22:08

اووووويحي فاتتن القبسه........تقل ودي اقبسه من جديد

الفتى الذهبي........نواف التمياط ... نسبة لهدفه الذهبي

وحسين عبدالغني........من عرفته بالملاعب واسمه "حسونه البكايه"

بس كله كوم وققا ....... شبيه الريح

اما سعد الحارثي يستاهل!!!!

**عبسي** · 23-05-2009 22:15

يالربع حنا نقول يستاهل أبو مشعل والله يوفقه ،،

بس نتناقش بموضوع التصويت هل هو قياس ولا لا ؟؟

قبل يومين بتصويت العربيه فراس الخطيب السوري خذا المركز الأول وبعده نوور بالمركز الثاني ,,,

يعني معقوله فراس الخطيب لاعب العربي الكويتي أفضل !!

طبعآ هذا مثال ..

مثل الجريده الرياضيه بعد والرياضي مسوين تصويت لأفضل حكم وأفضل لاعب إلى أخره ..

ألحين كل من هب دب سوا تصويت ...

يعني صار مو معيار على نجاح اللاعب ..

**صلعان** · 23-05-2009 22:48

^

^

يستاهل ابو مشعل هاللي ماغث احد

ولا سوا خاش خرباش مثل ناس

الله يستر على المسلمين منهم

ومن شرورهم ....

اكرر شكري لك يامنصور وماتصور سعادتي

بهالخبر .

**عبسي** · 24-05-2009 00:42

^^^^^^

يستاهل كل خيييييييييير ،،

والله يوفقه ويرجع بالسلامه ..

**بسمة العز** · 24-05-2009 01:07

المشاركة الأصلية كتبت بواسطة عبدالله الجعيثن

الفتى الذهبي........نواف التمياط ... نسبة لهدفه الذهبي

الجعثين هدف نواف الذهبي عام 2000
اما حسين عام 95

هذا لقب حسين قبل يدخل نواف للمنتخب

وانا مااقلل من نواف او اي لاعب بالعكس والله كثير كان يعجبني لعب نواف ..
........ ............ ... ............ ... .......... ..

اما حسونه البكايه احسن من اللي بعد الخساره يجي يضحك والعالم مرتفع ضغطهم

....... .... .... ....

يوسف تقول انتم كبار ومايطلع منكم هذا الكلام
ليش شايفني قلت شي غلط ؟؟

وبعدين انا ماطلعت من صلب الموضوع انا قاعده اعدلهم الموضوع لانه على الاعب
اللي اكثر شعبيه مو افضل لاعب بالدوري

وهم زعلوو وحاسووو المووضوع على كيفهم

بس صراحه انا اسفه واذا غلطت على احد او اي شخص اتضايق من كلامي انا اعتذركم

واعدكم هذه اخر مرره ادخل الرياضي

بس اهم شي محد يزعل

بالتوفيق

**عبدالله الجعيثن** · 24-05-2009 07:14

وانتي ليه زعلانه...........كله نقاش

والاختلاف لا يفسد قضيه....ونحن هنا اخوان!!!

اذا القلوب...ماهي صافيه ولا هي نظيفه....ماينفع!!!

يشهد الله اني ماشلت على احد هنا..او هناك....والانديه ولاعبينها مادروا عن بسمه ومنصور وعبدالله ,,,,و,,,,,!!!

في اي مجال...يحتدم النقاش...لكن مايوصل للزعل!!!

والله لا يجيب الزعل....

**يـــوسف** · 24-05-2009 07:36

المشاركة الأصلية كتبت بواسطة شمـــــوخ شمــاليــــــه

((بس انتم يالهلاليين بالذات لاقلنا شي قبستو بالعالم وحاقدين وتغارون )) كلام يوسف

المسأله يااخ يوسف ان بعض الاخواااان يطلعون عن صلب الموضوع
يابابا صلب الموضوع قصيدتك اللي لارد الواحد يقول صح لسانك ماهو يسب خلق الله

وديننا وأمره بالستر ماطلع الا على سالفة يسوره

ايه صح انتي منزله قصيده والحين تقولين ان الأخوان يخرجون عن صلب الموضوع
انتي لما نزلتي كصيدتك كم واحد سب وشتم !!!!!
الموضوع قصيده يعني ارد واقول صح لسان الشاعر ولاهنتي على النقل واسوقه ..ليش توصل لسب وشتم !!!
اذا صار اي موضوع وهو بعيد عن الهلال يرجعون للحقد ويلمسون الهلال بكم كلمه
وانت الله يهداك تبينا نسكت ,,
والله انتي تشوفين عيوب العالم ولا تشوفين عيوبكم

الحين الموضوع عن سعد الحارثي والجائزه وجيتو وقمتو تطنزون

وللمره الألف اقول ياجمهور الهلال عيييييييييييب عيب عليكم استحو انتخو

ومافيه ردود حلو وواقعيه,, يقلبونها هواش ومايدخلون الموضوع برد على الموضوع نفسه
تشوفين جماهير الهلال قسمن بالله مشاكل هالأدوام هههههههه
الموضوع عن سعد وجيتو مطبقين لكم غبره الهلااااااااال والهلال
لا .. لازم يحرفونه ,,

والهلال كبير وماراح ينقص لو مامدحه الآخرون ,,
النقص وأنا أخوتس والله الزعل عشان لاعب مادرى عننا هذا هو النقص

وعبدالرحمن بن مساعد ابن الكرام وتاج روسنا ,,
ياويلي بس بدت تنافق تبي شرهات ههههههههه لايكون تبين أعتماد منهم

وانت الصراحه عجبني اسلوبك برئ
أما ههههههههههههههههه يالربع احس ان معي لهاية
لو كلنا ندخل المواضيع بنفس اسلوبك الضاحك كان ماتقلب المواضيع
سب وهمز ولمز ,,والله وانا صادقه ,,
والمطلوب منا جميعآ الرد على الموضوع نفسه
والتقيد بأسلوب الانسان المسلم ,,,

آآآآآآآسفه ع الاطاله

اللهم احفظنا بحفظكـ

اعجبني التقيد بأسلوب الأنسان المسلم وأتمنى اننا نمشي ونتبع هالحتسي
ونترك رسائل الخاص وسب جماهير النصر

هذا الأنسان المسلم هههههههههه

يوسف تقول انتم كبار ومايطلع منكم هذا الكلام
ليش شايفني قلت شي غلط ؟؟

لاوالله يابسمة ماقلتي شي غلط ومحشومة .
بس زعلكم عشان ألقاب وأسماء غلط وغلط وغلط

وبعدين انا ماطلعت من صلب الموضوع انا قاعده اعدلهم الموضوع لانه على الاعب
اللي اكثر شعبيه مو افضل لاعب بالدوري
اسكتي بس اص اص الهلااااااال هذا ياويلك

تدرين عاد إن ألقاب لعيبة اوربا سارقينه من لعيبة الهلال

اسكتي لحد يسمعك ههههههههههه

وهم زعلوو وحاسووو المووضوع على كيفهم
تدرين قبل كم يوم واحد هلالي يقول حنا شعب الله المختار هههههههههههههههههههههههههه
يعني جمهور ولا عمري شفت اسخف من تصرفاته

طبعآ الأخوان هنا والخوات محشومين بس بعض جماهير الهلال للأسف مخه طآق ومنتهي

بس صراحه انا اسفه واذا غلطت على احد او اي شخص اتضايق من كلامي انا اعتذركم
عادي اللي يتضايق من الحق يطق راسه بالجدار من كثره

أنتي اتبعي نظآم كلمة الحق فوق الجميع

بس بيني وبينك لازم نحترم دلع جمهور الهلال تلقينهم البارح يطالعون للشاشة ومتكتفين ومادين براطمهم يعني زعلانين ههههههههه

واعدكم هذه اخر مرره ادخل الرياضي

ماهو بكيفك

بس اهم شي محد يزعل

قلنا اللي يزعل يدري وش يسوي براسه عادي وش فيك

وأبصم لك بالعشر أن محد فيهم زعل بس تعرفين دلع مسوين مجروحين ههههههههه

بالتوفيق

أبو غازي حد منصور هو وتسرعانه تقل لق لق اهب عليك تسانوه رثع بخلق الله ههههههههههههههههه

المهم انتم جرحتوني وأنا ماراح أدخل الرياضي كششششششش عليكم مالت <_ متخوصر

**عبدالله الجعيثن** · 24-05-2009 07:49

^
^

انت دحدر من هنا....نشريلك جالكسي وترضا!!!

بس ابو تسرعان لا يبعد...والله بلشه ان هاديته قام يتدلع .. وان مرغته بالتراب جاب عمه حسين وبلشت انت وهالافغاني

**الشبث** · 24-05-2009 08:08

يا اخوان

اذا كان اللاعب اخلاقه زفت مثل تربيته فهذا مالكم دخل فيه

واذا تبون تمنعون الكلام فيه

فمن الاولا عدم الكلام في غيره

انتم تقولون لا تستهزئون بياسر والهلال

طيب خلاص لا تجيبون طاري للنصر على السنتكم ولا لاعبينوه

ولا اي نادي ثاني

وانتم اكثر ناس تستهبلون على الانديه الاخرى

لكن بما ان الانديه الاخرى يتقبلون المزح صارت عليهم عادي

لكن عليكم مهي عادي

واذا فيه احد تكلم على يسوري او حدى لاعبين الهلال يصير كافر وخارج من المله

اما اذا استهبل على النصر ولا الاتحاد ولا الاهلي او غيرهم هذا عاااادي

الوكاد

كلنا بمضيف رياضي والمفترض الروح رياضيه

وانا اقول لكم

هذا اسلوبي وماشي عليه

اذا واحد تعرض النصر او اي فريق ثاني من الهلاليين لا تلوموننا

اما اللي ذكرته اختي شموخ شماليه في اننا ما نتكلم في حقائق

اعتقد انكم يا هلاليين اذا بلشتوا بالسالفه قلبتوه

ومافيه مشكله نفتح موضوع نقاشي بالحقااائق

وراح نشوف مين اللي يجيب الحقائق ومين اللي اذا رديت عليه قال انت تغمز وتلمز

اذا كنت قبل فتره نزلت موضوع ابي اناقش فيه هبوط مستوى ياسر وحصوله على بطاقات حمراء

وحرفتوا السالفه وخليتوني اغمز والمز

فبصراحه مافيكم واحد يجيد النقاش الرياااضي ابدً

وبالنسبه لمسألة الفتى الذهبي بين نواف التمياط وحسين عبدالغني

فاقول وبالحقائق

حسين عبدالغني هو صاحب هذا اللقب

لانه حصل عليه عام 1995 في تصفيات اولمبياد اطلنطا

ونواف حصل على هذا اللقب عام 2000 في كاس اسيا 2000 في لبنان

واعتقد اني وليت عقب هالحقائق خخخخخخ

وتقلدوا تحيتي

**حيل حليل** · 24-05-2009 08:19

اخر من يتكلم بالصدز والحق انتم يالنصراويين

الله من التخلف عندكم
اجل حنا شعب الله المختار
والله لو ااننا يهود ماقلنا هالسالفه

مو انتم اللي تسموننا اللوبي الازرق
مو انتم اللي بلطتوا حماماتكم بالأزرق والأبيض
مو انتم اللي حطيتوا بدال الهلال فوق المناره بكلمة الله اكبر

حولاة لو انه حي كان عرفت اتفاهم معكم

وان جت على الستر وخرابيطكم اللي تقولونه
اشوف كتبتوا على اعلامكم الهيئه في قلوبنا
ولا احد قال لكم شي
قمة التخلف بعقولكم ياحميـــــــــــــ جحا

فيه مثل ودي اقوله
لكن اخاف يشوتوني من المضايف ومايجودن الا عزوتي قوقل <<< بديت اشك انه شمري من الطناخه اللي بمخه

ترى ام طلال مدري ام صلال بيلعبون ضد الهلال
من الحين جهزوا اعلامكم ترى لونه برتقالي قريب من لون فريقكم
واذا ماقدرتوا تشترون اعلام البسوا قمصان فريق هولندا تراه يؤدي الغررررض

ام صلال والهيئه في قلوبنا

ياكبر شرهتكم اجل تبون ريكلمي <<<<<<<< شاي ربيع ومستخسر نفسه عليكم

ايه صح قبل لا انسى
ترى بشار عبدالله بيعتزل الكوره استغلوووووووه قبل لايعتزل

ياربي لاتشمت بنا