يالربع لأول مره قصة وعبرة واقعية ومهمه
[align=center]
السلام عليكم ورحمة الله وبركاته
عزيزي القاريء عزيزتي فليصه القارئه
أستحلفك بالله ياأن تقرا القصه كاملة ولا أرجع بعدين
أستحلفك بالله أنك ماتنزل وتشوف النهاية وشي الا وأنت قاري القصه
<_ يبي يحشركم
يالربع اعتذر من أخوي الشبث ومن أخوي الضاري 11 على طرحي لهالموضوع بالفلة ..
لأنكم زي ماتشوفون الأقسام صارت عندنا اسدح وثبت
المهم القصه واقعية وجرت علي ..أترككم معه .
أتصلت على واحد من العيال يقاله سلطان
ومبطي عنهم يجي له فوق الأربع شهور
وهو يرحب ويهلي ولاخلالي مجال اسلم
قال الليلة عازمك الليلة نبي نطلع للبر وابعشيك وحلف علي ولبية
وعزم أخويانا كلهم وأتفقت انا وخوين لي يقاله بدر أنه يمرن بما ان سيارته جيب
ومرن قبل صلاة المغرب بنص ساعه ويوم عبينا بنزين وخذينا اغراض من المحطه
وهويدق جوال وهو يراعي بدر لجواله أهله اللي يتصلون وهو يرد
قالت حرمته تعال فلان عندنا
فلان هذا يصير ولد عمتن لبدر وأستحى بدر يطلع ويخلي ضيفه ومستحي مني ومن العيال
قال ياويوسف خذ الجيب ورح أنت انا يمكن يحصل لي واجي انا وولد عمتي
توكلت على الله ودخل وقت صلاة المغرب واصفط على يمين الخط واصلي
يوم خلصت واكمل مشواري اللي يبيله اقل شي ساعه لاصانا بالنهار وشلون بالليل
والله يوم انتصف بي الطريق وأنا انجم واغدي راس ضب
وأنزل واتلفت وافرع قلت يمكن الصلعه تشبك على الأقمار الصناعية وتشتغل
المهم دريت اني غديت وابي ابطي عليهم حيل ولا اقدر ارجع للديرة
ولو ابي ادورهم وانا منجم اببطي حيل
قلت ياولد تعوذ من الشيطان واستخر ومدام معك العزبة ضبط شاهيك وقهوتك
وادور لي مكانن طيب وأشب ناري وابهر الدلال
وأصلي العشاء وأقوم اقصد على روحي تخبرون اونس روحي طفشت
وحنا بوقت شتاء والقاع يعذربك لاصرت بالنهار تاكل من العشب هههههههه
يعني ابي انام مافهمتو
وألله وأنا اتطلم وألف سديري علي وأتوسده وأتغطى بالفروه
قلت ابي لااصبح الصبح اتمشىا بهالربيع بما أنه آخر يوم اجازه لي
المهم أصبح الصبح وياحلو نومة البر وتقعد من النوم والأرض خضرا مد نظرك وقدامك لي غدير
واقوم واصلي وأضبط شاهيي وقهوتي واحط بالشاهي من الأعشاب
ماناقص الا تسبد ريالوه تشويهن هالصبح ههههههههه
كففت عزبتي واغراضي وتوكلت على الله ابي أكمل التمشي
ومشغلن المسجل شايبن يهيجن ميت صارله 100 سنة الظاهر بس لزوم الجو مشغله ههههههههه
المهم اني اتمشى وبعيد ماحولي ديار اقرب ديره لي حول الــ25 كيلو عرفت الأرض يوم
اشتغل الماجلان اللي براسي
وأنا اتمشىا الا هكالزول يوم أقبلت عليه وهو يطيح على وجهه
وأجي الا هكالمره خامتن له وغيد عمره حول الـ 5 شهور
وافزع للسياره واجيب فروتي واغطيه والوليد لوه فريخ يبتسي
واشيله ويالله سكت والحرمه طايح ومفرعه وصرت بين نارين
وأجي وانثر لي ماء صحه على وجهه ويالله تاعي
وأنا أشب ناري واصوت له وهي ورا الجيب جالسه والولد معي
وهي مغطيتن شعره ووجه بشماغي ومتغطيتن بفروتي واخليه تجلس عند النار واعطيه الوليد
وأروح ابعدت عنهم شوين ابي الحرمه تاخذ راحته وتدفا والوليد معه
يوم خذيت لي نص ساعه واجيه وانا موقفن ورا الجيب مابي اخرعه تخبرون بر ورجال ماتعرفه
قلت وش العلم وش صايرن عليتس ؟؟
وهي تقوم له بتسا وتشهق قلت تعوذي من الشيطان وعليتس الله وأمان الله مايجيتس اثقل من شعر راستس
واعاهدك وقدام الله انتس مثل أختي ولا يجيك مضره يما اوصلك أهلك سالمه غانمة
تقل أشوا ارتاحت وانا ورا الجيب جالس
وهي تصوت لي قالت أبعلمك بالسالفه كله
أنا يالأجودي من اهل الديره الفلانية وأهلي زوجوني ولد خالتي من الفلان اللي هم قبيلة لحال ماهم منهم
ورجلي مريض نفسي ماهو صاحي ومدمن وكل ماقلت لخالتي شي ضربتن وكسفت بي
وأنا يتيمة وربتني حرمة ابوي
وانا اللي سوابي هالوضع اللي تشوفه الحين رجلي وخالتي
اهله مخيمين ومشوي البارح ويوم جينا نبي نمشي قالو لي اجلسي نبي نجلس حنا
وجلست انا وياهم لحالنا يوم تغدينا وانا اخذ ولدي وأقوم اتمشا بالروض ومشو وخلوني خالتي ورجلي
قلت لاحول ولاقوة إلا بالله العظيم .. ابد يابنت الناس وش اللي تبينه وانا حاضر بوه
قالت تكفى ابيك توصلن لأخوي فلان واسئلك بالله لاتضرن بشي ترك عاهدتن وعاهدت الله
وهو يشوش راسي قلت ابشري بسعدك وانا ولد ابوي
وديرة أخوه حول الــ500 كيلو بس والله تهون دامه نختن وانا وعدته
والله يوم ركبنا سيارتنا وهي راكبتن ورا ومن خوفي من الشيطان وخوفي اني اخون العهد
كسرت المراة خايفن اراعي له من دون قصد
يوم مشينا حول الـ5 كيلو وهي تقوم تهمل علينا وسحبت حيل ماهي باللي تبون
عجزت امشي واوقف يوم خذيت حول النص ساعه والشمس تبي تغيب مابقاله شي
واشغل وامشي وشاء الله مافعل وحنا نغرز واعشق الدبل وامشي وامشي
اتريني طبيت بلي شعيب وماوالله اطلع منه
وذليت يمشي الشعيب وحنا بوسطه وانا انزل واعطيه ثوبي وأقوله حطيه فوق راسك ذالن عليه من البر
واخذ الوغد منه وألف عليه سديري وخليت له شوين بس يتنفس مابي المطر يجيه حيل
واربط لي حبل ورا حول بطني وبطنه وأخلي بينا حول المترين ذالن تطيح ولا يصير به شي
والحمدلله عديناه ونمشي ونمشي
ونمشي ونمشي ونمشي حول الثلاثه كيلو
ونسمع لنا صوت ناس له ضحك ورا له جال انا نغزن قلبي وبنفس الوقت مجبور اروح لهم
واروح يوم اقبلت عليهم وهم يطلعون شباب حول العشرين رجل
وماهم صاحين من الشباب اللي نسئل الله يهديهم شاربين خمـر
يوم كشفو علينا بالنور لأني كنت اصوت
وهم يصيحون حرمه حرمه حرمه وهم يجوني ركض والحرمه مسكت كتفوي تقول تكفى انا بوجهك وهي تصيح
وأنا اعطيه الوغد وأخذ لي هوادي [ رضم ] وكل ماقربو تقرطتهم وضرب حديهم
وتخبرون كثير هم وانا لحالي ومتليش من اول
وهم يمسكوني حول الخمسه وهم يكتفوني
والباقين راحو مسكو الحرمه
وظلام وكل ماله تبعد مااقطع عليه وهي تصيح وتنخاني
واقوم وافك روحي منهم غصب ولي صياح
وهو يضربن حديهم بله مفتاح كفرات مع راسي من ورا
وحيل الضربة قوية اوجعن راسي واغمض وافتح
الا أخوي الدب الصغير ينقش اذنه وطلع حلم والضربة اللي بالآخير طلت ضربة اخو اخوي بله كوب
يقول امي تقول قم قامت عليك سليما تسنع ونم وقم مع المسلمين
وتقول
خبز بريالين وجب لجدتك تميز بريال ولازم يكون توه مخبوز علشان مابه سنون ههههههههههههههههههههههه
وبريال حليب السعودية
ووقطعنا الشعيب هههههههههههههههههههههههههه
[/align]
رد مع اقتباس
المشاركة الأصلية كتبت بواسطة عجايب بنت الشايب
المفضلات