مجنون فريدهـ
السلام عليكم ورحمة الله وبركاته..
ازيكوا يااقمااعه عمليين اييه..
هو انتو كويسيين..
اليووم جبت لكم سالووفه مأرخته بدفتر النكباات حقي..
يااهي نكبه .. يااكبرها من نكبه
وبما اني مهدده اني اكتب ولا يتلولسون خشمي
ههههههههههههههههههههههههههههه
بسم الله .. وعلى بركة الله
هكاليوووم امي.. قاالت لي رتيج طيري يم اخوتس ادعيه يم الغدا
وانا اعض شليلي واربط شوشتي عشاان مااتعيقن بالسير...<< تخبروون الغدا فقع
على طااري الشوشه..
هكاليووم كنت راابطتن شعري قرين ومنا وذفي متهندمه..
الا ماادريت باللي مااطن قريني..
وانا التفت الا نص قريني بيد ابووي..
يبه لييه هاللوون
تخيلوو رد ابوووي.:" اجرب المقص"
....
نرجع لمحور حديثنا .. مو انا عضيت شليلي ودعست
وطيراان يوم اخووي عشاان ماايقضوون الفقع علي <افكاار ولا افلطوون بزمانه
وانا اضرب بريك عشان ادخل الغرفه .. الا شدن حديثه..
وانا اصغي السمع << مااقصدي اتجسس بس ابليس الله يلعن جدفه
اخوووي:اييه كتبت مجنوون فريد
اخووي : وووه يااحبي له وبعديين انت ماالك دخل اطلع من حيااتي يااخي
اخووي : اقوول يالصووماالي تقلع طخ <<تقل ساامعتن صووته وهو يسكره
انا مااقدرت استحمل الخبر المؤلم والموجع .. وش انتي ياافريده اقتحمتي حيااتنا
واسمه فريــــ... لاااااااااا مستحيييل فريده مااغيره لا ما اتوقع
وانا افتح البااب بقووه وارفع واحد من حواجبي.. << يعني معصبه
:يلا الغدا ياملا الشربه
اخوي : وش تقوولين لهالحين اطى على خشمتس
طبعن احترمت نفسي قبل لا يتوطااني توطي
والدنيا ضاايقتن بي .. فريده عااد مستحيييل..
امي بتنجلط لا درت ابووي بيتوطااو توطي ..
<مواصفاات فريده.. انساانه عووبا ملوسنه مايسلم احد من شرره
ما انسى شوشتي اللي قضت عليه ولا نذاالته اياام الاختباارات داافووراه وتعيي تشرحلي
والسبب الاهم غير قبليه << يااقرد اللي يدخلي بساالفت القبيله وما القبيله انا بس قلته سبب لا اكثر ولا اقل
وانا امشي حتى انسدة نفسي عن الغدا<< غميضة هكالفقيعات
الا عويير هو ودراابيله معه كيسه يالله يجرره قلت منين لك هالكيس
قاال من فريده .. وانا ابصم بالعشره انه هي << تبخشش اخووي فلبينوو
انا اوريتس يافرفر والزمن طويل..
وانا اعشق القير وطيراان يم ابووي ..
:يباااااه
: وحطبه
: اذا ماالك نفس تحتسي اطلع
: والله يااليت..
: لا عااد بقوول..وانا انطلق بالساالفه
يبه ولدك يحب فريده بنت ابو دحرج<< قلته بسررعه
وهو ينقز من محله وهي تمخض كرشته هههههههههههه
ابوي: وشو ..
صااتسه..
: اتسذب عليك هذي ساالفه ينمزح به ..
ابوي :وش يدريتس
وانا اقووله ساالفت المكاالمه..
وهن ينقزن عيوونه واحس طلع من خشمه بداال الدخاان فقع
وااقردي ,,,
وهو يصرخ هكالصرخه جاانا زلازاال وانا اتجود بالمركا ..
ابوي:فصييييييييييييييييييييييييييييييييي ييييييييييييييييييييييييييييييييييييييي ييييييييييييييييييييل يااعسى مفصفصك المرض
انا هنا جااني انهياار عصبي .. وانا اترااعد حتى برااطمي يتررعدن من الخرعه..
وادوور لي مكاان آمن..
وتجيكم امي مشووته وما تشووف الارض .: وش بكم ..
وهو يقووله ابوي الساالفه..
امي: واوااااااااااااااااااااااااااااااااااااا اااااااااااااااااااااااااااااااااايـــــ ـــــــــــلي
وهي تفدع برووحه ..وتنصفر
يووم شفت الموقف حسيتن دمرت عاائلتي الكتكووته << اي بالله
وانا انصفر ..<< مهي انصفااره نص انصفااره
الا اخووي ياااحوول من الخررعه قاالبن ثووبه .. ونعووله وحده زنووبه وحده زبيريه
انا يووم شفته وانا افز واتخبى ورى الستااره والله ان دراابي فنا مني حيه عقب اليووم
اخوي: وش بك يبه
ابووي: يااملعوون الجدف اربيك اربيك واخر شيين افطر على بصله..
ولا لا لا لا لا لا لا لا لا لا لي << حتسي كثير
وخووي عيوونه زاايغه مايدري وش الساالفه..
ابووي: تااخذ فريده ماالقيت الا فريده تبي تذبحن انت..تبي تهد حيلي
تبي تشيب برااسي<< ارووح به يا ابو شعر اشقر
اخوي: من اللي يقووله منهو اللي .. واللي ..والله ادفنه وهو حيي لا اذبحه بيديني< معصب
وانا مااسكتن حلقي مدري وش اعمل وانا افتح الستااره شووين
واطلع عيني واغمز واغمز <<من الخرعه ابي ابوي ماايعلمه
والبلا ان ابووي معطينن ظهرووه واخووي اللي قباالي ..<< ام التنااكه
الا يشووف هاللي تواايق من الستااره وتغمز: رتيج اطلعي يااملا ال مهو وقت مصاالتس
ابووي يووم سمع اسمي :: اييه ارتيج جيتي وجاابتس الله قووليله وش سمعتي ..
انا هنا عضيت الأرض من الخرعه احس قلبي وقف ..
وامي الى الحين منصفره على الكنب محد اعطااه وجه
واخووي يطاالع لي وانا الى الحين مطلعتن عيني واغمز << علقت
وهو يصبحن مع الجبهه وانا اقعد اغمز بعيووني كلهن..<< فصلت
وهو يمعط شووشتي .. ضغط الرقم السري
<< وانا حاالفه ياا ان اللي يمسك شوشتي بتجه عضه محترمه ما افلت منه الا بااتسر الصبح وبمفك بعد:192r:
وانا اعضه .. ويااليتن مااعضيته وهو يمعط خشمي ويجرره يااما طق ..<< حسيته يتدودل ..
وانا ابتسي وارووح ورا ابووي :: يبه نخيتك ولدك يبي يذبحن ..
ابووي : والله مااتلمسه يميين يا ان لمسته لا انت ولدي ولا انا ابووك قوولي الساالفه رتيج
: سمعتك تحااتسي الصوماالي تقووله انك كتبت مجنوون فريده وانك تحبه وانه ووانه وانه اييه والكلاام اللي زي كذا
اخووي طاارت عيوووونه :اهاااا يااملا الهشله اي يااملا المدير اي يااملا الصمخ قوولي امييين
اللي يسد اذاانتس ونفتك من تأليفااتس والافلاام الهنديه اللي تسوينه..
وهو يرسل علي الزبيريه وانا اسوي حركت جورج بوش الخطييره ..
وهو يحمق ابووي :: انا مااقلت لك لا تمد ايدك..
: اييه اييه انت وجهك تبي تضيع الساالفه حركااتك الباايخه للاسف مكشووفه
ابوي : رتيج انلدمي
: طيب
وهو يجلس اخووي يقووم امي تووه يفطن له وله ضحك .. ماات ماات من الضحك تشطب
وانا حااقده عليه << ادري انه يضيع الساالفه
قال ابوي ..: اتركه واحتس لا خلصنا اقوومه <<ههههههههههه
اخووي: ههههههههههههههههههههههههههههههه وش اقوول لهالصمخى ههههههههههههههههههههههه
انا كااتبن على الجداار مجنون ثريده هههههههههههههههههههههههههههههههههههههههه ههههههههههههههههه
ههههههههههههههههههههههههههههههههه
ماادريت الا بالعقاال اللي متلولسن برقبتي..
عااد تخبروون جلسنا نتنااقش شويين وابين لهم سوء الفهم يعني
عاادي شي طبيعي وبعدين شربن ابووي كأس من العصير الطاازج ..
وبس عاادي اكيد انتم زينا..
ملاحظه هامه :
الثريده اكله عبااره عن خبز مفرووث فرث معه بصل مقلي وينخلط ويطلع طعمه يفضخ العقل واخوي مدمن عليه
نصيحه اخييره ..
رووحو للمستشفى ونضفوا اذاانكم كل شهر..
شييييييييييييييييييييع
رد مع اقتباس
المفضلات