**** طبعي بدوي .. وان ضيق الوقت فيني .. طقيتها لطمـه... ***** ///

**عبـدالعزيز الوادي** · 26-04-2009 15:13

السلام عليكم .. ورحمة الله وبركاته ..

:
:
:

لانكم بدو .. ولاني بدوي ..

:
:

اتت .. هذه القصيده ..

..

لم يبقى من البدوي .. الا طبعه ..

:

واما اجمله من طبع ..

وان كان قاسي .. بالحرب .. وبدنياه .. فالبدوي .. صاحب .. قلب

رقيق .. يحب يعشق .. ولكن .. طبعه يكآآآآآآآآآآآبر ..

:
:
:

:
:

طبعي بدوي .. وان ضيَق الوقت فينـي
//
سجيت رجلي .. موسع الصدر والثوب
//

أزعـل وطنخـات .. البـداوه تجينـي
//
أمشي الخطر .. والعمر لا بد منهـوب
//

أطقهـا لطمـه .. وأعـود حزيـنـي
//
لامن عشقت .. وشفت بالعشق عذروب
//

ايه بدوي .. والدمـع باطـراف عينـي
//
ابكي رحم .. والخوف مالي بـه دروب
//

أستقبـل الضيفـان .. وأذبـح سمينـي
//
طبع (ن) لنا .. يا هيه والبن مصبـوب
//

أسرح مع نياقـي .. وأغنـي هجينـي
//
لا طاب كيفي .. وأطيب الدر محلـوب
//

محروق جلدي .. والتعب مـا يعنينـي
//
قلبي بياض .. وكل نطقي انـا اسلـوب
//

اصدق مع الصادق .. وابي اللي يبينـي
//
وأقسى على الكذاب .. لين انـه يتـوب
//

أحب منهو حـب .. قربـي ويجينـي
//
ومن عافني .. كيفه ولا هو بمغصـوب
//

أشتـد بالشـده .. وعـرقـي متيـنـي
//
لامن نخاني .. فاتـن الخـد رعبـوب
//

خيلي اصيلـه .. افخـري وأوصفينـي
//
تنومسي يا بنت .. والمـوت مشـروب
//

أسكر وأخلي .. القاسيـه لـي تلينـي
//
لأني بدوي .. والورث من جدي حروب
//

أنطح فحـول القـوم .. فعلـي يبينـي
//
واثق خطا .. ادحـم ولانـي بشـاذوب
//

ما اخيَب الهقوات .. ما احـد ايحدينـي
//
أحدهم وانا .. علـى اعـداي لاهـوب
//

أنا على الطولات .. ما أقصـر يمينـي
//
أتعب لها .. والعز هو خيـر مطلـوب
//

طبعي كـذا .. ويـزداد فينـي حنينـي
//
لا طاح ليلي .. وضوي هناك مشبـوب
//

هـب الشمـال .. اللـي يبيـح كنينـي
//
هيَض علي الجرح .. والجرح مرعوب
//

طقيتهـا لطمـه .. ودمعـي بيديـنـي
//
والله يعين اللي .. عن الخل محجوب ..

:

:
:
/
:
:
:
/

/

استغربكـ يـــا !!!!

..

استغربك يا ضيق .. // .. لا رحت ما جيت ..

أزعل وأنشَد .. // .. ليه ضيقـي يصـدي ..

مستنكر البسمه .. // .. واعاتبـك خليـت ..

خويـك اللـي .. // .. لا ندغتـه يـردي ..

صحيح غبت .. // .. ولكن لعينك اشقيـت ..

ليلي ودمع (ن) .. // .. بالعيـون استبـدي ..

تعوكست يا صدر .. // .. جـر التناهيـت ..

الحظ مات ولا بقى .. // .. شـي عنـدي ..

يا كرهي لودي .. // .. ولا اطيق انا ليـت ..

حيث انني منغاض .. // .. من ليـت ودي ..

ان ما على .. // .. ظهور المعالي تعليـت ..

ما ني ولد وادي .. // .. ولا خليف جـدي ..

ما همني وان كان .. // .. بالوقت عانيـت ..

ما ضامني ما دام .. // .. من فعـل يـدي ..

أعطيكم البسمه .. // .. وانا اللي تقهويـت ..

فنجـال سـم .. // .. مقـدَم بكـف نـدي ..

أثنيه واقدع .. // .. ضاحك(ن) ما تتقيـت ..

أقدم وانا كلـي .. // .. شمـوخ وتحـدي ..

صابر على المقسوم .. // .. لا ما تشكَيـت ..

ما ني من اللي .. // .. لا قسى الوقت شدي ..

يا كرهي لودي .. // .. ولا اطيق انا ليـت ..

حيث انني منغاض .. // .. من ليـت ودي ..

:
:
:
:
:
:
:
محبكم ..
:
:

عبدالعزيز الوادي ..

**بنت الجبل آخت القصيد** · 26-04-2009 16:01

هـب الشمـال .. اللـي يبيـح كنينـي
..............هيَض علي الجرح .. والجرح مرعوب

طقيتهـا لطمـه .. ودمعـي بيديـنـي
................والله يعين اللي .. عن الخل محجوب
ايه بدوي .. والدمـع باطـراف عينـي
..............ابكي رحم .. والخوف مالي بـه دروب

لااله الا الله
رائعه رائعه
.
.
أعطيكم البسمه .. // .. وانا اللي تقهويـت ..
...........فنجـال سـم .. // .. مقـدَم بكـف نـدي ..
أثنيه واقدع .. // .. ضاحك(ن) ما تتقيـت ..
..........أقدم وانا كلـي .. // .. شمـوخ وتحـدي ..
صابر على المقسوم .. // .. لا ما تشكَيـت ..
..........ما ني من اللي .. // .. لا قسى الوقت شدي
يا كرهي لودي .. // .. ولا اطيق انا ليـت ..
..........حيث انني منغاض .. // .. من ليـت ودي

شموخ رجل

صح لسانك ملايييين
وتسلم على هـ الرائعه

سيتكرر حضوري هنا
.
.

لاهنت ولاتهت

**الحاصود** · 26-04-2009 18:47

عبـدالعـزيـز

سجـل إعجـابـي ومتـابعتـي لـك

إنـت رائـع

صـح لسـانـك مـلاييـن

**قمر اللــيل** · 26-04-2009 23:19

صح لسانك ...

ابيات عذبه ... وش اخلى وش انقي كل بيت اعذب من اللي قبله

لاهنت ...

أحترامي لك

**هايس الشمري** · 27-04-2009 01:43

ما على .. // .. ظهور المعالي تعليـت ..

ما ني ولد وادي .. // .. ولا خليف جـدي ..

و نعم والله يا بن وادي..!

والله مبدع..!

استمر فانت مبهج..!

أخوووك