حكاية حب

**نواف الشرمان** · 14-04-2009 15:11

مساء الخير

لقلوبكم الطاهره

ياشينها فرقا تحدك على الموت

وياشينها موته من اسباب فرقا

الصدر ممحل ..وادري الحظ ممقوت

لكن بخآيل وارتجي نوض برقا

صدري يضيق من الحزن وانفجر صوت

كل مازعجته ..ردت النوح ورقا

موال حزني ..مو على لقمة القوت

لاوالذي حبٌب الى روق برقا

سبة (حكاية حب) مع .. توآم التوت

قفى ..وطاحت من على الخد زرقا

تكفى يازاجل ..دام مافادن سكوت

وصل كلام ٍ يطرق القلب طرقا

ان غاب عني ..طيب الذكر ..منحوت

غلاه في قلب ٍ كذا راح سرقا !!

قل له احبه ..وان حصل فاتن الفوت

بترك( شمالي) ناوي البعد (شرقا)

وقل له يازاجل ..ان نزف مني بيوت

من سبته ..لاسالت الطرس غرقا

بيني و بيني ..ولعت (نار جالوت)

ارقى ..واطيح ..واندب الحظ ..وارقا

ياشينها فرقا..تحدك على الموت

وياشينها موته من اسباب..فرقاااا

**الحاصود** · 14-04-2009 17:03

نـواف

صح لسـانك

رائعـه

لا هنـت

**سيف الدولة** · 14-04-2009 20:04

أخي نواف

صح لسااانك ولا هنت

قصيده رائعة والرائع قافيتها

شكررررا لك أخي

**بنت الجبل آخت القصيد** · 14-04-2009 20:25

رائعه رغم الحزن
صح لساااااانك

عجزت اقتبس بيت واحد
كل بيت يقول الزود عندي
.
.
لاهنت

**عبدالله الجعيثن** · 14-04-2009 21:08

نواف الشرمان

صح لسانك

ابيات قمه

جزاله وتسلسل عذب بحرفنة شاعر

**عبدالمجيد الشمري** · 14-04-2009 22:08

فعلا ً فيه شعراء محترفيــن ..

واشهد انك منهم يابو النوف !!

صح الله لسانكـ وبيض الله وجهك

قرأتهـا أكثر من مره وسأقرأها أيضا ً

كنت هنــا وسأبقى ..
محبك
عبدالمجيد