جلغفـــــــــــه
ياقشر مسكات اخر الليل
طفيت اللمبات والتلفزيون حتى الكمبيوتر فصلته من الشاحن
وصارت الغرفه خرمس ابد ماتشوف يدك
وجلست ارجع شريط حياتي ورى
تسيف يالربع ابشوف لي لقطه تضحك ولا تخليني على الاقل ابتسم مالقيت <<<< ابوك يالماضي المضروب
عاد وانا ماسك خط مع حبل افكاري طرى علي الكبت والعنف الاسري
ياخي شيبانا فاهمين التربيه غلط لعنبو بليسهم مافيه الاقوة جلد وتمحيط بنا
عاد اللي يدبل التسبد يشرهون على عيالهم لو صاروا عسكر او حراس امن
بعذر قلبه قسم بالله زين مايصير سايس خيل
يعني وش ترجي من واحد يصبح على طراق ويمسي على بوووووز << اح ياورتسي
ياخي ليه مايدلعونا ابواننا ويطبطبون على كتوفنا كل مازعلنا <<<< من زين هالوجه عشان تشره
يعني المفروض اذا اسمك احمد يدلعونك ابو حميد او حمود او احمداني
مهو من اول ماتطلع من بطن امك يسوون العائله اجتماع مغلق عشان يدورون لك معياره
اتذكر اني يوم كنت صغير كنت امرح في ارجاء زريبة عمي <<<< ماعز الله انت مارح ببساتين بلودان
مافطتن الا اللي جارن مع علباي
انا وقته قلت هذا حمـــــار القايله اللي يطرون الربيع
والله والتفت الا اكا العباد اللي نص مساحة وجهه خشم
حتى اني جلست اتميلح عنده غديه يفكن
وقلت له وين العظم اللي بخشمك
والله وهو يشيلن ويوديني لعمي
عاد ماضيي مع اخو ابوي كان اسود ويتحرى الزله علي <<< تبرى من عمه الخبل
عاد عمي الله يذكره بالخير كنا نسميه اسرائيل من قوة الشر اللي بمخه
بعدين ياحليل ابوي عنده على الاقل ابوي يعطيك فرصه انك تحط رجلك
لكن عمي هذا الرحمه مهي بقاموسه وأقطع يدي اذا مرت بحارتهم
عاد هو من النوع اللي يتلذذ بالضرب
يعني عنده طقوس خاصه فيه لازم يسويها قبل يجلدك << بحل ياطقوس البوذيين عنده
عاد هو اول شي يسويه يقفل الباب عشان يضمن انك ماتولي ساقيك الى الريح ( فيس ابو العتاهيه ماسك المحبره)
وعقب مايقفل الباب يعطيك ابتسامته الصفراء
وعقبه هاتك يافنون قتاليه
شوي انت على بطنك ماتدري الا انت على ظهرك شوي الا انت بالسماء ماماسكك شي << جاثوم مهوب ادمي
طبعا عقب هالفلم تحسبه يراضيك ولايعطيك ريال تشتري فيه عصير غديك تنسى الوجع
ابد ماكانه سوى لك شي
عاد انا من القهر قام لي جعير ياشيخ تسمع جعيري من اخر الحاره
عاد تخيلوا شكلي وانا ابتسي <<< ماقبلنا وجهك وانت تبتسم اجل وشلون وانت تجعر
يعني بالعربي انا نفسي يجي يوم واقول لابوي يابابا ( خشة وغد مصري يدرع بله طعميه)
واقول لعمتي ياطنط واقول لجدتي ياتيته
لكن ماش وضعنا الاسري مايحمسك انك تقول هالعلوم السفره
حلولاة لو اني مواليد طرطوس ( خشة واحد عاض برطمه التحتي)
كان اتغدى كبه وادرع بالفتوش واخوياي مكس عيال وصبايا
مهو عندنا مافي الاقوة ضرب عيووووش واذا خربناه سوينا سبكيتي
مسوين فيها ايطاليين الله يصلحنا
ماش ماكل مايتمناه المرء يدركه
انا نفسي اسالكم واسال نفسي
مدام شيبانا ماهم قادرين على تربيتنا ورى ماقزروا حياتهم
حنشله على العربان ولاتسكع في بغداد <<<< بحرين شيبانا سابقا
مهو اصرف من يجيبون هالبريئين مثلي وشراوي ويخلونهم يصارعون موجات الحياة لحالهم
الخلاصه:
يالربع مو تصدقون كلامي وتطيرون بالعجه ترى كل ماذكر اعلاه خرطي Xبخرطي
لكن يوم قربت رحلتي لميمتي وابيي قلت خلن احش بهم قبل لا اصلهم
على العمووووووووووووم اجازه سعيده للجميع
وعسى الله يخلي لكم شيبانكم وغويشكم
نشوووووووووووووووووووووووووووفكم على خير ( قلوووووووووووووب تردح)
المفضلات