[ محمد الحويماني ]

[عبدالله المهيني]

هنا سوف نسلط الضوء أحد أركان الشعر

شاعر جميل

شاعر عذب

شاعر لا يهتم إلا للشعر فقط

.
.
.

الشاعر

محمد الحويماني

[عبدالله المهيني]

.
.
.

الزمن

في غيبتك ...تزداد الاشياء صلافـه
.............في غيبتـك ياكثـر ماينكشـف لـي

وأزيـد انـا حزن..وهموم..ونحافـه
............وآقف على جال التعب وأغرف لـي

يابوح شعـري يابعـد نبـض قافـه
............من غير ماأحلف لك ولاانت تحلف لي

الذنب ماهـو ذنـب بعـد ومسافـه
............ولاهو بذنب اللي هقيته وقـف لـي

كذا الزمـان اللـي سمانـه عجافـه
...........وان قلت لي حاول بعد واعترف لـي

** وهنا عتب معلق على جدار الزمن :

أقول لك وبصدق ينـزف حسافـه :
...........(كبير لكن الزمـن ماعـرف لـي )

[عبدالله المهيني]

.

.
.

زرعت وجنيت

احترت بين اعتب عليه و اراضيـه
...........اخاف لا يجـرح رضـاه بـعتابـه

أحيان أقول آبيهـ, و أحيان ماآبيه
.........الا ابيه و لـو يبـي لـي عذابـه

يـاللي تجونه دامني مااقدر آجيـه
.........وصوا ذهابه .. لا يشـح بـايابـه

و قولوا له اني من كثر ماني أغليه
.......اشرب سرابه و ارتوي من سرابه

البارحه قلت أكســر الروح وأنهيه
.....كان الورق أرض وعيوني سحـــــابه

زرعت (ماأحبه ولا عاد لي فيه )
......وجنيت (أحبــــه لو يطوً غيـــابه

[عبدالله المهيني]

.

.
.

من قصيدة مافات مات

من كثر مافيني من الحــزن مرات
..........أحس حتى اللي ( معي) مايـــبـيني

ما فات مات ( العفـــو) مافات /مامات
............مافات كله عايــــش بخــــير فيني

والاّ وش اللي حدني بعض الاوقـــــات
........ أرمي على راحة يديـــني ...جبيني ؟!

[عبدالله المهيني]

.

.

.

من قصيدة في زواج أخيه فهد

يافهـد والخمسـه وعشريـن مـرت ياظلالـي
...........قدّر الله والسنيـن ب.. طبعهـا دايـم عجولـه

يا "فهد" وانت الوحيد اللي يعرف ان ضاق بالـي
......قبل ماأشكي قبل ما دمعي يبـادر فـي هطولـه

يا "فهد" وان شفت دمعي يوم عرسـك لا تبالـي
.............كل مافي الامر فرحٍ ماقدرت انطـق واقولـه !!

[عبدالله المهيني]

.

.

.

من قصيدة يا أخوي

ياأخوي ضايق ولا أدري وش مضيقني ؟!
.............وأنا أذكر إني زبون الهمـــ والضيقه!!

ماعدت أنا مثل خبري فيً وأرهقني
..........إحساسي إني غديت إنسان ماأطيقه

والناس مدري متى هالناس تعتــــقني
............من سجن بعض الكلام وظلم تلفيقه؟!

[عبدالله المهيني]

.

.

.

يااطهر مـن الغيـم وأعـذب مـن هماليلـه
............ياللـي ليـا مـرّ لـك طــاري يفرحـنـي

أخطيت انا وانت , نفس (الجـرح والليلـه)
........وسامحـك قلبـي وعيـا لا يسامحـنـي!!!!

[ريم شمر]

شاعر جميل وعذب

صح لسان الشاعر

ولاهنت ياعبدالله على النقل المتميز

[السنعوووسيه]

ماشاء الله صح لسانه

وتسلم اخوي عبدالله على النقل الرائع


كل الشكر


عاطر ودي

[عبدالله المهيني]

ام طلال


الله لا يهينك

شكراً لـ حضورك



لكـٍ الود